87ನೇ ವಸಂತಕ್ಕೆ ಕಾಲಿಟ್ಟ ಹೀಮ್ಯಾನ್​ ಧರ್ಮೇಂದ್ರ: ಅಭಿಮಾನಿಗಳಿಂದ ಶುಭಾಶಯದ ಸುರಿಮಳೆ

87ನೇ ವಸಂತಕ್ಕೆ ಕಾಲಿಟ್ಟ ಹಿಂದಿ ಚಿತ್ರರಂಗದ ಹೀಮ್ಯಾನ್​ ಧರ್ಮೇಂದ್ರ ಅವರಿಗೆ ಅಜಯ್​ ದೇವಗನ್​ ಇನ್​ಸ್ಟಾಗ್ರಾಂ ನಲ್ಲಿ ಜನ್ಮದಿನದ ಶುಭಾಶಯ ತಿಳಿಸಿದ್ದಾರೆ.

ಹೈದರಾಬಾದ್:ಹಿಂದಿ ಚಿತ್ರರಂಗದ ಹೀಮ್ಯಾನ್​ ಖ್ಯಾತಿಯ ಧರ್ಮೇಂದ್ರ ಅವರಿಗೆ 87ನೇ ವಸಂತದ ಸಂಭ್ರಮ. ಧರ್ಮೇಂದ್ರ ಅವರು ಪಂಜಾಬ್‌ನ ನಸ್ರ್ಲಿಯಲ್ಲಿ 8 ಡಿಸೆಂಬರ್ 1935 ರಂದು ಜನಿಸಿದರು. ಇವರು 60 ವರ್ಷಗಳಿಂದ ಹಿಂದಿ ಚಲನಚಿತ್ರ ರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ.

ಅಪಾರ ಅಭಿಮಾನಿಗಳನ್ನು ಹೊಂದಿರು ಧರ್ಮೇಂದ್ರ ಅವರಿಗೆ ಚಿತ್ರರಂಗದಲ್ಲೂ ಸಹ ಪ್ರೀತಿಯ ಹಿಂಬಾಲಕರಿದ್ದಾರೆ. ಬಾಲಿವುಡ್ ನಟ ಅಜಯ್ ದೇವಗನ್ ಧರ್ಮೇಂದ್ರ ಅವರ 87 ನೇ ಹುಟ್ಟುಹಬ್ಬಕ್ಕೆ ಇನ್​ಸ್ಟಾಗ್ರಾಂ ನಲ್ಲಿ ಸ್ಟೋರಿ ಹಾಕಿ ಶುಭಾಶಯ ಕೋರಿದ್ದಾರೆ. ಇದ್ದಕ್ಕೆ ಅಭಿಮಾನಿಗಳೂ ಸಹ ಪ್ರತಿಕ್ರಿಯಿಸಿದ್ದು, ಶುಭಾಶಯದ ಸುರಿಮಳೆಯೇ ಹರಿದು ಬರುತ್ತಿದೆ.

ಧರ್ಮೇಂದ್ರ ಅವರ ಸಿನಿಮಾ ಜೀವನ:ಧರ್ಮೇಂದ್ರ ಅವರು 1960 ರಲ್ಲಿ 'ದಿಲ್ ಭಿ ತೇರಾ ಹಮ್ ಭಿ ತೇರೆ' ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದರು. ಅವರು 1960 - 69ರವರೆಗೆ ಸುಮಾರು 50 ಚಿತ್ರಗಳಲ್ಲಿ ನಟರಾಗಿ ಕೆಲಸ ಮಾಡಿದ್ದಾರೆ. ಈ ಸಮಯದಲ್ಲಿ, ಅವರು ಶೋಲಾ ಔರ್ ಶಬ್ನಮ್, ಅನ್ಪಾಧ್, ಪೂಜಾ ಕೆ ಫೂಲ್, ಆಯ್ ಮಿಲನ್ ಕಿ ಬೇಲಾ ಮುಂತಾದ ಅದ್ಭುತ ಚಿತ್ರಗಳನ್ನು ಮಾಡಿದರು.

ಇದಾದ ನಂತರ 1970-79ರ ಅವಧಿಯಲ್ಲಿ 140ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಧರ್ಮೇಂದ್ರ ಕಾಣಿಸಿಕೊಂಡರು. ಇದರಲ್ಲಿ ಅವರು ಮೇರಾ ನಾಮ್ ಜೋಕರ್, ನಯಾ ಜಮಾನಾ, ಮೇರಾ ಗಾಂವ್ ಮೇರಾ ದೇಶ್, ರಾಜಾ ಜಾನಿ, ಸೀತಾ ಔರ್ ಗೀತಾ, ಶೋಲೆ ಹೆಚ್ಚು ಪ್ರಖ್ಯಾತಿ ತಂದುಕೊಟ್ಟವು. ಈ ಎರಡು ದಶಕಗಳ ಕಾಲ ಧರ್ಮೇಂದ್ರ ಹಿಂದಿ ಚಿತ್ರರಂಗದ ಬಾದ್​ ಷಾ ಆಗಿ ಮೆರೆದರು. ನಂತರ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡರು.

ಧರ್ಮೇಂದ್ರ ಅವರ ಮುಂಬರುವ ಚಲನಚಿತ್ರಗಳು:ಧರ್ಮೇಂದ್ರ ಅವರು ಕೊನೆಯ ಬಾರಿಗೆ ಯಮ್ಲಾ ಪಾಗ್ಲಾ ದೀವಾನಾ ಫಿರ್ ಸೆ (2018) ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗ ಧರ್ಮೇಂದ್ರ ಅವರ ಮುಂಬರುವ ಚಿತ್ರಗಳಲ್ಲಿ ಹೋಮ್ ಪ್ರೊಡಕ್ಷನ್ ಚಿತ್ರ ಅಪ್ನೆ 2 ಮತ್ತು ಕರಣ್ ಜೋಹರ್ ಅವರ ನಿರ್ದೇಶನದ ಚಿತ್ರ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಯಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಇದನ್ನೂ ಓದಿ:ಸೀತೆಯಾಗಿ ಸಾಯಿ ಪಲ್ಲವಿ ಬಾಲಿವುಡ್‌ಗೆ ಎಂಟ್ರಿ?