ಟಾಲಿವುಡ್ ಮೋಸ್ಟ್ ಹ್ಯಾಂಡ್ಸಮ್ ನಟ ಮಹೇಶ್ ಬಾಬು ಹಾಗೂ ನಿರ್ದೇಶಕ ತ್ರಿವಿಕ್ರಮ್ ಶ್ರೀನಿವಾಸ್ ಕಾಂಬೋದಲ್ಲಿ ಮೂಡಿ ಬರುತ್ತಿರುವ ಬಹುನಿರೀಕ್ಷಿತ ಸಿನಿಮಾ 'ಗುಂಟೂರು ಖಾರಂ'. ಈ ಚಿತ್ರದ ಮೇಲೆ ಸಿನಿ ಪ್ರೇಮಿಗಳು ಮುಗಿಲೆತ್ತರದಲ್ಲಿ ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಪೋಸ್ಟರ್ಗಳು ಹಾಗೂ 'ದಮ್ ಮಸಾಲ' ಹಾಡಿನ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. ಇದೀಗ ಚಿತ್ರದ ಎರಡನೇ ಹಾಡಿನ ಪ್ರೋಮೋ ಬಿಡುಗಡೆಯಾಗಿದೆ. ಡಿಸೆಂಬರ್ 13, ಬುಧವಾರದಂದು ಪೂರ್ಣ ಹಾಡು ಅನಾವರಣಗೊಳ್ಳಲಿದೆ ಎಂದು ಚಿತ್ರತಂಡ ತಿಳಿಸಿದೆ.
ಈ ಸಿನಿಮಾವನ್ನು ಕಮರ್ಷಿಯಲ್ ಆಗಿ ಮಾತ್ರವಲ್ಲದೇ ಸಂಗೀತದಿಂದಲೂ ಹಿಟ್ ಮಾಡಲು ಚಿತ್ರತಂಡ ವಿಶೇಷ ಕಾಳಜಿ ವಹಿಸಿದೆ. ಅದರ ಭಾಗವಾಗಿ ಕಳೆದ ತಿಂಗಳು ಮೊದಲ ಹಾಡನ್ನು 'ದಮ್ ಮಸಾಲ' ಬಿಡುಗಡೆ ಮಾಡಿದ್ದ ಮೂವಿಯುನಿಟ್ ಇದೀಗ ಎರಡನೇ ಹಾಡಿನ ಪ್ರೋಮೋ ಬಿಡುಗಡೆ ಮಾಡಿದೆ. ಸಂಗೀತ ಸೆನ್ಸೇಷನ್ ಎಸ್ ಎಸ್ ಥಮನ್ ಈ ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ. ಇವರಿಬ್ಬರ ಕಾಂಬೋದಲ್ಲಿ ಈಗಾಗಲೇ ಅನೇಕ ಸಾಂಗ್ಗಳು ಬಂದಿದ್ದು ಎಲ್ಲವೂ ಸೂಪರ್ ಹಿಟ್ ಆಗಿದೆ.
ಚಿತ್ರದಲ್ಲಿ ಒಟ್ಟು 4 ರಿಂದ 5 ಹಾಡುಗಳು ಮತ್ತು ಎರಡು ಥೀಮ್ ಸಾಂಗ್ ಇರುವಂತೆ ಸಂಗೀತ ನಿರ್ದೇಶಕ ಥಮನ್ ನೋಡಿಕೊಂಡಿದ್ದಾರೆ. ಒಂದು ಥೀಮ್ ಸಾಂಗ್ ಮತ್ತು ಡ್ಯುಯೆಟ್ ಸಾಂಗ್ ಎಂಬುದಾಗಿ ಎರಡು ಪ್ರಮುಖ ಹಾಡುಗಳನ್ನು ಬಿಡುಗಡೆ ಮಾಡಲು ಚಿತ್ರತಂಡ ಯೋಜಿಸಿದೆ. ಅದರಂತೆ ಥೀಮ್ ಸಾಂಗ್ ಈಗಾಗಲೇ ಅನಾವರಣಗೊಂಡಿದ್ದು, ಇದೀಗ ಡ್ಯುಯೆಟ್ ಸಾಂಗ್ ಬುಧವಾರ ಬಿಡುಗಡೆಯಾಗಲಿದೆ. ಒಟ್ಟಿನಲ್ಲಿ ಈ ಹಾಡುಗಳಲ್ಲಿ ಮಹೇಶ್ ಬಾಬು ಅವರ ಕ್ಯಾರೆಕ್ಟರೈಸೇಶನ್ ಅನ್ನು ಎತ್ತಿ ಹಿಡಿಯುವಂತೆ ಚಿತ್ರತಂಡ ನೋಡಿಕೊಂಡಿದೆ.