2008ರಲ್ಲಿ ಕನ್ನಡ ಚಿತ್ರರಂಗದಲ್ಲಿ ಹೊಸ ಅಲೆ ಎಬ್ಬಿಸಿದ ಸಿನಿಮಾ ಗಾಳಿಪಟ. ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ನಿರ್ದೇಶಕ ಯೋಗರಾಜ್ ಭಟ್ ನಿರ್ದೇಶನದಲ್ಲಿ ಮೂಡಿ ಬಂದ ಗಾಳಿಪಟ ಚಿತ್ರ ಸೂಪರ್ ಹಿಟ್ ಆಗಿ, ಬಾಕ್ಸ್ ಆಫೀಸ್ನಲ್ಲೂ ಒಳ್ಳೆ ಗಳಿಕೆ ಮಾಡಿತ್ತು. ಸದ್ಯ ಗಣಿ ಹಾಗು ಭಟ್ರು ಜುಗಲ್ ಬಂದಿಯಲ್ಲಿ ಗಾಳಿಪಟ 2 ಸಿನಿಮಾ ಬರ್ತಾ ಇದೆ. ಹಾಡುಗಳಿಂದಲೇ ಸ್ಯಾಂಡಲ್ ವುಡ್ ನಲ್ಲಿ ಬೇಜಾನ್ ಹೈಪ್ ಕ್ರಿಯೇಟ್ ಆಗಿರುವ ಗಾಳಿಪಟ 2 ಚಿತ್ರದ ಅಧಿಕೃತ ಟ್ರೈಲರ್ ಅನಾವರಣಗೊಂಡಿದೆ.
ಕನ್ನಡ ಮೇಷ್ಟ್ರು, ಎಲ್ಲರಿಗೂ ಇಷ್ಟ ಆಗುವ ಗಣೇಶ್, ದಿಗಂತ್, ಪವನ್ ಕುಮಾರ್ ತರ್ಲೆ ತಮಾಷೆ ಜೊತೆಗೆ ಮೂರು ಜನ ನಾಯಕಿಯರ ಎಂಟ್ರಿ, ಫ್ಯಾಮಿಲಿ ಡ್ರಾಮ ಹಾಗೂ ಸಂಬಂಧಗಳ ಮೌಲ್ಯಗಳು ಎಷ್ಟು ಮುಖ್ಯ ಅನ್ನೋದು ಗಾಳಿಪಟ 2 ಸಿನಿಮಾದ ಟ್ರೈಲರ್ ಒಳಗೊಂಡಿದೆ. ಈ ಟ್ರೈಲರ್ನ ಕೊನೆಯಲ್ಲಿ ಗಣೇಶ್'ನಾನು ನಗಿಸ್ತಾ ಇರ್ತೀನಿ ಯಾವತ್ತೂ ಅಳೊಲ್ಲ' ಎಂದು ಹೇಳುವ ಡೈಲಾಗ್ ಪಂಚಿಂಗ್ ಆಗಿದೆ.