ಬಾಲಿವುಡ್ನ ದಿ ಬೆಸ್ಟ್ ಜೋಡಿ ಎಂದೇ ಫೇಮಸ್ ಆಗಿದ್ದ ಟೈಗರ್ ಶ್ರಾಫ್ ಮತ್ತು ದಿಶಾ ಪಟಾನಿ ಬ್ರೇಕಪ್ ವದಂತಿಗಳ ನಂತರ ಮತ್ತೆ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ದೆಹಲಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿ ಸುದ್ದಿಯಾಗಿದ್ದಾರೆ. ಅಲ್ಲದೇ ಈ ಸಮಾರಂಭಕ್ಕೆಂದು ಮುಂಬೈನಿಂದ ದೆಹಲಿಗೆ ಇಬ್ಬರು ಜೊತೆಯಾಗಿಯೇ ಬಂದಿದ್ದಾರೆ. ಸದ್ಯ ಈ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಟೈಗರ್ ಶ್ರಾಫ್ ಮತ್ತು ದಿಶಾ ಪಟಾನಿ ಅಭಿಮಾನಿಗಳು ಹಂಚಿಕೊಂಡಿರುವ ವಿಡಿಯೋದಲ್ಲಿ ಬ್ರೇಕಪ್ ವದಂತಿ ಜೋಡಿಯು ಅಕ್ಕ ಪಕ್ಕದಲ್ಲಿ ಕುಳಿತಿರುವುದನ್ನು ಕಾಣಬಹುದು. ದೆಹಲಿ ಈವೆಂಟ್ಗೆ ಟೈಗರ್ ಆಗಮಿಸುತ್ತಿದ್ದಂತೆ ಅಂಗರಕ್ಷಕರು ಅವರಿಗೆ ದಾರಿ ಮಾಡಿಕೊಟ್ಟರು. ದಿಶಾ ಅವರು ಟೈಗರ್ ಶ್ರಾಫ್ ಅವರನ್ನೇ ಹಿಂಬಾಲಿಸಿ ಬಂದರು.
ಅದಾಗ್ಯೂ, ಅವರಿಬ್ಬರು ಪಾಪರಾಜಿಗಳಿಗೆ ಪ್ರತ್ಯೇಕ ಪೋಸ್ ನೀಡಿದರು. ಟೈಗರ್ ಫೋಟೋಗೆ ನಿಲ್ಲುತ್ತಿದ್ದಂತೆ ದಿಶಾ ಸೈಡಿಗೆ ನಿಂತು ಬಿಟ್ಟರು. ಬಳಿಕ ನಟಿ ನಗುಮುಖದಿಂದಲೇ ಕ್ಯಾಮರಾಗೆ ಪೋಸ್ ನೀಡಿದರು. ಕಾರ್ಯಕ್ರಮಕ್ಕೆಂದು ಟೈಗರ್ ಶ್ರಾಫ್ ಕಪ್ಪು ಬಣ್ಣದ ಟೀ- ಶರ್ಟ್, ಅದಕ್ಕೆ ಹೊಂದಿಕೆಯಾಗುವ ಪ್ಯಾಂಟ್ ಮತ್ತು ಶೂ ಧರಿಸಿದ್ದರು. ದಿಶಾ ಬಿಳಿ ಬಣ್ಣದ ಪ್ಯಾಂಟ್ ಮತ್ತು ನೇರಳೆ ಬಣ್ಣದ ಶಾರ್ಟ್ ಟಾಪ್ ಹಾಕಿದ್ದರು. ಅಂತೂ ಇಬ್ಬರು ಡಾರ್ಕ್ ಶೇಡ್ ದಿರಿಸನ್ನೇ ಆರಿಸಿದ್ದರು.
ಇದನ್ನೂ ಓದಿ:Actor Ganesh: 'ಕೃಷ್ಣಂ ಪ್ರಣಯ ಸಖಿ' ಬೆನ್ನಲ್ಲೇ 42ನೇ ಸಿನಿಮಾ ಘೋಷಿಸಿದ ಗೋಲ್ಡನ್ ಸ್ಟಾರ್ ಗಣೇಶ್