ಬಾಲಿವುಡ್ ನಟಿ ಆಲಿಯಾ ಭಟ್ ಇತ್ತೀಚೆಗೆ ಮ್ಯಾಗಜೀನ್‌ಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಪೋಷಕರ ಕರ್ತವ್ಯಗಳು ಮತ್ತು ತಾಯ್ತನದ ಬಗ್ಗೆ ಹಾಗೂ ತಂದೆಯಾದ ಮೇಲೆ ರಣಬೀರ್ ಕಪೂರ್ ಎದುರಿಸುತ್ತಿರುವ ಆತಂಕಗಳನ್ನು ಹಂಚಿಕೊಂಡಿದ್ದಾರೆ. ಸಂದರ್ಶನದ ವೇಳೆ ಮಾತನಾಡಿರುವ ಆಲಿಯಾ ಭಟ್, ನನಗೆ ತಿಳಿದಿರುವಂತೆ ರಣಬೀರ್ ಕಪೂರ್ ಯಾವಾಗಲೂ ತುಂಬಾ ಸೂಕ್ಷ್ಮ, ನಿಷ್ಠಾವಂತ. ಆದರೆ ನಮ್ಮ ಮಗಳು ರಾಹಾ ಹುಟ್ಟಿದಾಗಿನಿಂದ ರಣಬೀರ್ ಹೆಚ್ಚು ಸಂವೇದನಾಶೀಲರಾಗಿದ್ದಾರೆ ಎಂದು ಹೇಳಿದ್ದಾರೆ.
ತಮ್ಮ ಮುಂಬರುವ ಅನಿಮಲ್ ಚಿತ್ರೀಕರಣದಲ್ಲಿ ನಿರತರಾಗಿರುವ ರಣಬೀರ್ ಕಪೂರ್, ತಂದೆಯಾಗಿ ತಮ್ಮದೇ ಆದ ಆತಂಕಗಳನ್ನು ಎದುರಿಸುತ್ತಿದ್ದಾರೆ. ರಣಬೀರ್‌ಗೆ ಏನು ತೊಂದರೆಯಾಗಿದೆ ಎಂಬುದನ್ನು ಬಹಿರಂಗಪಡಿಸಿದ ಆಲಿಯಾ, ಸಿನಿಮಾ ಚಿತ್ರೀಕರಣದಿಂದಾಗಿ ತಮ್ಮ ಐದು ತಿಂಗಳ ಮಗಳಿಂದ ದೂರವಿರುವ ಸಂದರ್ಭದಲ್ಲಿ ಎದುರಾಗಲಿದ್ದು, ಈ ವೇಳೆ ರಾಹಾ ನನ್ನನ್ನು ಮರೆತು ಬಿಡಬಹುದು ಎಂದು ನಿರಂತರವಾಗಿ ಹೆದರುತ್ತಾರೆ ಎಂದು ಹೇಳಿದರು.
ಇದನ್ನೂ ಓದಿ :ಮಕ್ಕಳೊಂದಿಗೆ ಮಗುವಾದ ಆಲಿಯಾ.. ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂತಸ
ಅವರಿಬ್ಬರನ್ನು ಒಟ್ಟಿಗೆ ನೋಡುವುದು ಮುದ್ದಾಗಿದ್ದು, ರಾಹಾಳನ್ನು ರಣಬೀರ್ ಒಯ್ಯುವಾಗ, ದೈತ್ಯನೊಬ್ಬ ಪುಟ್ಟ ನಾಯಿಮರಿಯನ್ನು ಎತ್ತಿಕೊಂಡಂತೆ ಕಾಣಿಸುತ್ತದೆ. ಮನೆಯಲ್ಲಿ ನನಗೆ ಕೆಲವೊಮ್ಮೆ ರಾಹಾಳನ್ನು ಒಂದು ಸೆಕೆಂಡ್ ಕೂಡ ಹಿಡಿದಿಡಲು ಕಷ್ಟವಾಗುತ್ತದೆ. ಆದರೇ ರಣಬೀರ್ ಇದುನ್ನೆಲ್ಲ ನಿಭಾಯಿಸುತ್ತಿದ್ದು, ಬರ್ಫಿ ಸ್ಟಾರ್ ಹ್ಯಾಂಡ್ಸ್-ಆನ್ ತಂದೆ ಎಂದು ರಣಬೀರ್ ಬಗ್ಗೆ ಆಲಿಯಾ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.