ಅಂಬರ್ ಹರ್ಡ್-ಜಾನಿ ಡೆಪ್ ಮತ್ತೆ ಒಂದಾಗಲೂಬಹುದು : ಎಲಾನ್​ ಮಸ್ಕ್ ಅನುಮಾನ

ಹಾಲಿವುಡ್​ ನಟರಾದ ಅಂಬರ್ ಹರ್ಡ್ ಮತ್ತು ಜಾನಿ ಡೆಪ್ ವಿಚ್ಛೇದನ ಮತ್ತು ಮಾನನಷ್ಟ ಮೊಕದ್ದಮೆ ಕುರಿತು ವಿಶ್ವದ ಶ್ರೀಮಂತ ವ್ಯಕ್ತಿ ಎಲಾನ್​ ಮಸ್ಕ್​ ಟ್ವೀಟ್​ ಮಾಡಿದ್ದಾರೆ..

ವಾಷಿಂಗ್ಟನ್ :ಪೈರೇಟ್ಸ್ ಆಫ್ ದಿ ಕೆರಿಬಿಯನ್ ನಟ ಜಾನಿ ಡೆಪ್ ಮತ್ತು ನಟಿ ಅಂಬರ್ ಹರ್ಡ್ ವಿಚ್ಛೇದನ ದಿನಕ್ಕೊಂದು ತಿರುವು ಪಡೆಯುತ್ತಿದೆ. ಇಬ್ಬರ ಮಧ್ಯೆ ವಿಶ್ವದ ನಂ.1 ಶ್ರೀಮಂತ, ಟೆಸ್ಲಾ ಸಿಇಒ ಎಲಾನ್​ ಮಸ್ಕ್​ ಹೆಸರು ಕೇಳಿ ಬಂದಿತ್ತು. ಇದನ್ನು ನಿರಾಕರಿಸಿದ್ದ ಮಸ್ಕ್​, ಇದೀಗ ಮತ್ತೆ ಟ್ವೀಟ್​ ಮಾಡಿದ್ದು, ಇಬ್ಬರು ನಟರು ಮುಂದುವರಿಯಲಿದ್ದಾರೆ. ಇಬ್ಬರೂ ಪ್ರಸಿದ್ಧರು, ಅತ್ಯುತ್ತಮ ವ್ಯಕ್ತಿಗಳು ಎಂದು ಹೇಳಿದ್ದಾರೆ.

ಇಬ್ಬರು ವಿಚ್ಚೇದನ ಬಯಸಿದ್ದು, ಪರಸ್ಪರರ ಮೇಲೆ ಮಾಡಿದ ಆರೋಪದಿಂದಾಗಿ ಮಾನನಷ್ಟ ಮೊಕದ್ದಮೆಯೂ ದಾಖಲಿಸಿದ್ದು, ಕೋರ್ಟ್​ನಲ್ಲಿ ವಿಚಾರಣೆ ನಡೆಯುತ್ತಿದೆ. ಈ ಮಧ್ಯೆಯೇ ತನ್ನ ಪತ್ನಿ ಜೊತೆ ಎಲಾನ್​ ಮಸ್ಕ್​ ಡೇಟಿಂಗ್​ ಮಾಡಿದ್ದರು ಎಂದು ಡೆಪ್​ ಆರೋಪಿಸಿದ್ದಾರೆ.

ಇದನ್ನು ನಿರಾಕರಿಸಿರುವ ಮಸ್ಕ್​ ಇಬ್ಬರೂ ವಿಚ್ಛೇದನ ಕೋರಿ ಕೋರ್ಟ್​ಗೆ ಹೋಗಿದ್ದರು. ಈ ವೇಳೆ ತನಗೆ ಅಂಬರ್ ಹರ್ಡ್ ಪರಿಚಯವಾಗಿದ್ದರು. ಡೆಪ್​ ತನ್ನ ಮೇಲೆ ವಿನಾಕಾರಣ ಆರೋಪ ಮಾಡುತ್ತಿದ್ದಾರೆ. ಅವರ ಪತ್ನಿಯಾಗಿದ್ದಾಗ ಅಂಬರ್ ಹರ್ಡ್ ಜೊತೆ ನಾನು ಯಾವುದೇ ಸಂಬಂಧ ಹೊಂದಿಲ್ಲ ಎಂದು ಸ್ಪಷ್ಟನೆ ನೀಡಿದ್ದರು.

ಇದೀಗ ಜಾನಿ ಡೆಪ್ ಮತ್ತು ನಟಿ ಅಂಬರ್ ಹರ್ಡ್ ಪರಸ್ಪರ ಕೋರಿದ ವಿಚ್ಛೇದನ ಮತ್ತು ಮಾನನಷ್ಟ ಮೊಕದ್ದಮೆಗಳು ಕೋರ್ಟ್​ನಲ್ಲಿ ವಿಚಾರಣಾ ಹಂತದಲ್ಲಿವೆ.

ಓದಿ:ಬಾಕ್ಸ್​ ಆಫೀಸ್​ನಲ್ಲಿ ತೋಪೆದ್ದ 'ಧಾಕಡ್​': ನಿರ್ಮಾಪಕ, ನಟಿ ಕಂಗನಾ ಕಂಗಾಲು