ದಂತಕಥೆ ಫಸ್ಟ್ ಲುಕ್ ಅನಾವರಣ 'ದಂತಕಥೆ' ಎಂದರೇನು? ಸಾಮಾನ್ಯವಾಗಿ ಇತಿಹಾಸದಲ್ಲಿ ನಡೆದ ಘಟನಾವಳಿಗಳು ಅಥವಾ ನಂಬಲಸಾಧ್ಯ ಎನ್ನುವಂಥ ವಿಷಯಗಳನ್ನು ಈ ದಂತಕಥೆಗಳು ಒಳಗೊಂಡಿರುತ್ತವೆ. ಇದೀಗ ಸ್ಯಾಂಡಲ್ವುಡ್ನಲ್ಲಿಯೂ ಹೊಸ ಬಗೆಯ 'ದಂತಕಥೆ'ಗಳು ಜನ್ಮ ತಾಳುತ್ತಿವೆ. ಈ ಹಿಂದೆ 'ದಂತಕಥೆ' ಎಂಬ ಅಡಿಬರಹದೊಂದಿಗೆ ಸಿಲ್ವರ್‌ ಸ್ಕ್ರೀನ್‌ಗೆ ಬಂದ 'ಕಾಂತಾರ' ಸೂಪರ್ ಡೂಪರ್ ಹಿಟ್ ಆಗಿತ್ತು. ಇದೀಗ 'ದಂತಕಥೆ' ಎಂಬ ಶೀರ್ಷಿಕೆಯುಳ್ಳ ಹೊಚ್ಚ ಹೊಸ ಸಿನಿಮಾ ಬರ್ತಿದೆ. ವಿಭಿನ್ನ ಟೈಟಲ್ ಸಿನಿಪ್ರಿಯರ ಕುತೂಹಲ ಹೆಚ್ಚಿಸಿದೆ.
'ದಂತಕಥೆ' ಫಸ್ಟ್ ಲುಕ್ ಅನಾವರಣಗೊಳಿಸಿದ ರವಿಚಂದ್ರನ್: ಚಿತ್ರದಲ್ಲಿ ರಘು ಮುಖರ್ಜಿ ಹಾಗೂ ಕಿಶೋರ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ದಿಲ್ಲದೇ ಚಿತ್ರೀಕರಣವನ್ನೂ ಪೂರ್ಣಗಳಿಸಿದೆ ಚಿತ್ರತಂಡ. ಸಿನಿಮಾದ ಫಸ್ಟ್ ಲುಕ್ ಅನ್ನು ಕ್ರೇಜಿಸ್ಟಾರ್ ರವಿಚಂದ್ರನ್ ಬಿಡುಗಡೆಗೊಳಿಸಿ ಶುಭ ಹಾರೈಸಿದ್ದಾರೆ.
ಹಿರಿಯ ನಟ ರವಿಚಂದ್ರನ್ ಮಾತನಾಡಿ, ''ಒಳ್ಳೆ ಕಥೆ ಒಳಗೊಂಡು ಎಂಟರ್ಟೈನರ್ ಆಗಿದ್ದರೆ ಸಿನಿಮಾವನ್ನು ಪ್ರೇಕ್ಷಕರು ಮೆಚ್ಚಿಕೊಳ್ಳುತ್ತಾರೆ. ಈ ಸಿನಿಮಾ ಕೂಡ ಇದೇ ಸಾಲಿಗೆ ಸೇರಲಿ'' ಎಂದು ಆಶಿಸಿದರು.
ಶೀಘ್ರದಲ್ಲೇ ಟ್ರೇಲರ್ ಬಿಡುಗಡೆ: 'ದಂತಕಥೆ' ಮೋಷನ್ ಪೋಸ್ಟರ್ನ ಕೊನೆಯಲ್ಲಿ ಬರುವ ಇನ್ವೆಸ್ಟಿಗೇಷನ್ ಶುರು ಎನ್ನುವ ವಾಕ್ಯ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ. ಸಿನಿಮಾದಲ್ಲಿ ಯಶ ಶಿವಕುಮಾರ್ ನಾಯಕ ನಟಿಯಾಗಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷ. ಸಿನಿಮಾವನ್ನು ಹಲ್ಮಿಡಿ ಮತ್ತು ಜನರತ್ನ ಪ್ರೊಡಕ್ಷನ್ಸ್ ನಿರ್ಮಿಸುತ್ತಿದೆ. ಅನೂಪ್ ಸೀಳಿನ್ ಸಂಗೀತ ಮತ್ತು ನವೀನ್ ಕುಮಾರ್ ಛಾಯಾಗ್ರಹಣವಿದೆ. ವಚನ್ ನಿರ್ದೇಶನದ ಚೊಚ್ಚಲ ಚಿತ್ರ 'ದಂತಕಥೆ'ಯ ಪೋಸ್ಟರ್ ಭರವಸೆ ಹುಟ್ಟಿಸಿದೆ. ಶೀಘ್ರದಲ್ಲೇ ಟ್ರೇಲರ್ ಕೂಡ ರಿಲೀಸ್ ಆಗಲಿದೆ.
'ದಂತಕಥೆ' ಸಿನಿಮಾಗೆ ಕ್ರೇಜಿಸ್ಟಾರ್ ಸಾಥ್ ಇದನ್ನೂ ಓದಿ:ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾದಲ್ಲಿ ಚಿನ್ನಾರಿಮುತ್ತ: ಜೋಗ್ 101 ಫಸ್ಟ್ ಲುಕ್ ರಿವೀಲ್
ಕನ್ನಡ ಚಿತ್ರರಂಗದಲ್ಲಿ ಉತ್ತಮ ಕಂಟೆಂಟ್ ಆಧಾರಿತ ಸಿನಿಮಾಗಳು ಹೊರಬರುತ್ತಿವೆ. ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಇವು ಯಶಸ್ಸು ಸಾಧಿಸುತ್ತಿವೆ. ಕಳೆದ ಸಾಲಿನಲ್ಲಿ ಬಂದ ಕೆಜಿಎಫ್ 2 ಮತ್ತು ಕಾಂತಾರ ಇದಕ್ಕೆ ಸ್ಪಷ್ಟ ಉದಾಹರಣೆಯಾಗಬಲ್ಲದು. ಈ ಸಿನಿಮಾಗಳಿಂದ ಇಡೀ ಭಾರತೀಯ ಚಿತ್ರರಂಗವೇ ಸ್ಯಾಂಡಲ್ವುಡ್ನತ್ತ ನೋಡುವಂತಾಯಿತು. ಇದೇ ಸಾಲಿನಲ್ಲಿ ಇತ್ತೀಚೆಗೆ ತೆರೆಗೆ ಬಂದ ಟೋಬಿ, ಕೌಸಲ್ಯ ಸುಪ್ರಜಾ ರಾಮ, ರಾಘವೇಂದ್ರ ಸ್ಟೋರ್ಸ್, ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸೇರಿದಂತೆ ಹಲವು ಚಿತ್ರಗಳು ಪ್ರೇಕ್ಷಕರ ಮನಸ್ಸು ಗೆದ್ದಿವೆ. ಆದ್ರೆ ದೊಡ್ಡ ಮಟ್ಟದ ಯಶಸ್ಸಿಗೆ ಕನ್ನಡ ಸಿನಿಮಾಪ್ರಿಯರು ಕಾಯುತ್ತಿದ್ದಾರೆ. 'ದಂತಕಥೆ' ಶೀರ್ಷಿಕೆಯೇ ಕುತೂಹಲದ ಕಣಜ. ಸಿನಿಮಾ ಹೇಗಿರಬಹುದೆಂಬ ಸಹಜ ನಿರೀಕ್ಷೆ ಪ್ರೇಕ್ಷಕರದ್ದಾಗಿದೆ. ಶೀಘ್ರದಲ್ಲೇ ಸಿನಿಮಾ ಬಿಡುಗಡೆಗೆ ಚಿತ್ರತಂಡ ಭರ್ಜರಿ ತಯಾರಿಯಲ್ಲಿದೆ.
ಇದನ್ನೂ ಓದಿ:'ಜವಾನ್' ಟ್ರೇಲರ್ ರಿಲೀಸ್: ಮತ್ತೊಂದು ಹಿಟ್ ಸಿನಿಮಾ ನಿರೀಕ್ಷೆಯಲ್ಲಿ ಶಾರುಖ್‌ ಅಭಿಮಾನಿಗಳು
