ಮುಂಬೈ:95ನೇ ಅಕಾಡೆಮಿಕ್ ಪ್ರಶಸ್ತಿಗೆ ಪ್ರವೇಶ ಪಡೆದ ಗುಜರಾತಿ ಭಾಷೆಯ 'ಚೆಲ್ಲೊ ಶೋ' ಸಿನಿಮಾ ಇದೇ ಶುಕ್ರವಾರದಿಂದ ನೆಟ್ಫ್ಲಿಕ್ಸ್ನಲ್ಲಿ ಲಭ್ಯವಾಗಲಿದೆ. ಕಳೆದ ಅಕ್ಟೋಬರ್ 14ರಂದು ಇಂಗ್ಲಿಷ್ ಸಬ್ಟೈಟಲ್ನೊಂದಿಗೆ ಈ ಗುಜರಾತಿ ಸಿನಿಮಾ ಬಿಡುಗಡೆಗೊಂಡಿತ್ತು.
ನಿರ್ದೇಶಕ ಪಾನ್ ನಳಿನ್ ಅವರ ಈ ಚಿತ್ರದಲ್ಲಿ 9 ವರ್ಷದ ಸಿನಿಮಾ ಪ್ರೇಮಿ ಹುಡುಗ ಸಮಯ್, 35ಎಂಎಂಎ ಕನಸಿನೊಂದಿಗೆ ತನಗೆ ಅರಿವಿಲ್ಲದ ಹೃದಯ ವಿದ್ರಾವಕ ಘಟನೆಯೊಂದಿಗೆ ಸ್ವರ್ಗ ಮತ್ತು ಭೂಮಿಯ ಅನ್ವೇಷಣೆಗೆ ಮುಂದಾಗುತ್ತಾನೆ.
ನೆಟ್ಫ್ಲಿಕ್ಸ್ನಲ್ಲಿ ಸಿನಿಮಾ ಬಿಡುಗಡೆ ಕುರಿತು ಮಾತನಾಡಿರುವ ಚಿತ್ರ ನಿರ್ದೇಶಕರು, ನೆಟ್ಫ್ಲಿಕ್ಸ್ನಲ್ಲಿ ಸಿನಿಮಾ ಬರುತ್ತಿರುವುದು ಸಂತಸ ನೀಡಿದೆ. ಇದರಿಂದಾಗಿ ನಾವು ಹೆಚ್ಚಿನ ಪ್ರೇಕ್ಷಕರನ್ನು ತಲುಪಲು ಸಾಧ್ಯವಾಗಲಿದೆ. ಚಿತ್ರ ನಿರ್ದೆಶಕನಾಗಿ ಸಾಧ್ಯವಾದಷ್ಟು ಹೆಚ್ಚಿನ ಜನರನ್ನು ತಲುಪಬೇಕು ಎಂದು ನಾನು ಬಯಸುತ್ತೇನೆ. ಇದೀಗ ನೆಟ್ಫ್ಲಿಕ್ಸ್ಗೆ ಧನ್ಯವಾದ ಅರ್ಪಿಸುತ್ತೇನೆ. ಚಿತ್ರ ಇದೀಗ ನಿಮ್ಮ ಬೆರಳ ತುದಿಯಲ್ಲಿದೆ ಎಂದರು.