ದುನಿಯಾ ಸೂರಿ ನಿರ್ದೇಶನದ ಹಾಗೂ ಅಭಿಷೇಕ್ ಅಂಬರೀಶ್ ಕಾಂಬೋದಲ್ಲಿ ಬರ್ತಾ ಇರೋ ಮಾಸ್ ಎಂಟರ್ ಟೈನ್ ಮೆಂಟ್ ಸಿನಿಮಾ ಬ್ಯಾಡ್ ಮ್ಯಾನರ್ಸ್. ಸದ್ಯ ಟ್ರೈಲರ್ ಹಾಗೂ ಹಾಡುಗಳಿಂದ ಸ್ಯಾಂಡಲ್ ವುಡ್ನಲ್ಲಿ ಟಾಕ್ ಆಗುತ್ತಿರುವ ಬ್ಯಾಡ್ ಮ್ಯಾನರ್ಸ್ ಚಿತ್ರದ ಬಿಡುಗಡೆಗೆ ಇನ್ನು ನಾಲ್ಕು ದಿನ ಬಾಕಿ ಇದೆ. ಅಷ್ಟರಲ್ಲಿ ನಟ ದರ್ಶನ್, ನಟಿ ಸುಮಲತಾ ಅಂಬರೀಷ್ ಸಿನಿಮಾ ರಿಲೀಸ್ಗೂ ಮುಂಚೆ ಅಭಿಷೇಕ್ ಅಂಬರೀಷ್ ನಟನೆಯ ಬ್ಯಾಡ್ ಮ್ಯಾನರ್ಸ್ ಸಿನಿಮಾವನ್ನ ನೋಡಿ ಮೆಚ್ಚಿಕೊಂಡಿದ್ದಾರೆ.
ಕೆಲವು ದಿನಗಳ ಹಿಂದೆ ಬ್ಯಾಡ್ ಮ್ಯಾನರ್ಸ್ ಚಿತ್ರದ ಟ್ರೈಲರ್ ಬಿಡುಗಡೆ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದ ದರ್ಶನ್, ಈಗ ತಮ್ಮನ ಸಿನಿಮಾಗೆ ಫಿದಾ ಆಗಿದ್ದಾರೆ. ಹೌದು ದರ್ಶನ್ ಅವರು ಸುಮಲತಾ ಅಂಬರೀಷ್ ಜೊತೆಗೆ ಬ್ಯಾಡ್ ಮ್ಯಾನರ್ಸ್ ಚಿತ್ರ ನೋಡಿ ಅಭಿಷೇಕ್ನಲ್ಲಿ ರಿಯಲ್ ಅಂಬರೀಷ್ ಶೇಡ್ಗಳನ್ನ ನೋಡಬಹುದು ಅಂತಾ ಬೆನ್ನು ತಟ್ಟಿದ್ದಾರೆ.
ಅಷ್ಟೆ ಅಲ್ಲ ಅಭಿ ಬೆನ್ನಿಗೆ ನಿಮ್ಮ ಪ್ರೀತಿಯ ದಾಸ ಎಂದು ಬರೆದು 5ಕ್ಕೆ 5 ಸ್ಟಾರ್ಗಳನ್ನ ಬರೆದಿದ್ದಾರೆ. ಈ ಸಿನಿಮಾದಲ್ಲಿ ನೀವು ರಿಯಲ್ ರೆಬೆಲ್ ಸ್ಟಾರ್ ಅನ್ನು ನೋಡ್ತೀರಿ. ಮೊದಲನೇ ಸಿನಿಮಾಕ್ಕಿಂತ ಎರಡನೇ ಸಿನಿಮಾದಲ್ಲಿ ಅಭಿ ಅವರದ್ದು ತುಂಬಾ ಇಂಪ್ರ್ಯೂಮೆಂಟ್ ಇದೆ. ಸಿನಿಮಾ ಬೇರೆ ಲೆವೆಲ್ ಇದೆ. ದೊಡ್ಡ ಯಶಸ್ಸು ಇದಕ್ಕೆ ಖಂಡಿತ ದಕ್ಕಲಿದೆ ಎಂದು ದರ್ಶನ್ ಭವಿಷ್ಯ ನುಡಿದಿದ್ದಾರೆ.