ಜುಮೇ ಜೋ ಪಠಾಣ್​ ಹಾಡಿಗೆ ಆಂಗ್ಲ ದಂಪತಿ ಡ್ಯಾನ್ಸ್​.. ವಿಡಿಯೋ ವೈರಲ್​

ಬ್ರಿಟಿಷ್​ ದಂಪತಿ ಪಠಾಣ್​ ಸಿನಿಮಾದ ಜುಮೇ ಜೋ ಪಠಾಣ್ ಹಾಡಿಗೆ ಡ್ಯಾನ್ಸ್​ ಮಾಡಿದ್ದಾರೆ. ವಿಡಿಯೋ ಸಖತ್​ ವೈರಲ್​ ಆಗಿದೆ.

ಬ್ರಿಟಿಷ್​ ದಂಪತಿ ಜೋನ್​ ಮತ್ತು ಜಿಮ್ಮಿ ಮದುವೆಯಾಗಿ 49 ವರ್ಷ ಕಳೆದರೂ ಇನ್ನು ಸಹ ಸೋಶಿಯಲ್​ ಮೀಡಿಯಾದಲ್ಲಿ ರೀಲ್ಸ್​ ಮಾಡುವ ಮೂಲಕ ಕ್ರೇಜ್​ ಹೆಚ್ಚಿಸಿಕೊಂಡಿದ್ದಾರೆ. ಇದೀಗ ಶಾರುಖ್​ ಖಾನ್​ ಅವರ ಪಠಾಣ್​ ಸಿನಿಮಾದ ಹಿಟ್​ ಹಾಡು ಜುಮೇ ಜೋ ಪಠಾಣ್​ಗೆ ದಂಪತಿ ಡ್ಯಾನ್ಸ್​ ಮಾಡಿದ್ದು, ಸಖತ್​ ವೈರಲ್​ ಆಗಿದೆ. ಆಂಗ್ಲ ದಂಪತಿ ತಮ್ಮ ಅಧಿಕೃತ ಇನ್​ಸ್ಟಾಗ್ರಾಮ್​ನಲ್ಲಿ ಈ ವಿಡಿಯೋ ಅಪ್​ಲೋಡ್​ ಮಾಡಿದ್ದು, ಕೆಲವೇ ನಿಮಿಷಗಳಲ್ಲಿ ಲಕ್ಷಾಂತರ ವೀಕ್ಷಣೆಯನ್ನು ಪಡೆದಿದೆ.

ಈ ವೃದ್ಧ ದಂಪತಿ ಸಾಮಾಜಿಕ ಮಾಧ್ಯಮದಲ್ಲಿ ಸದಾ ಸಕ್ರಿಯರಾಗಿದ್ದಾರೆ. ಹಿಟ್​ ಹಾಡುಗಳಿಗೆ ಡ್ಯಾನ್ಸ್​ ಮಾಡುತ್ತಿರುತ್ತಾರೆ. ಇದೀಗ ಪಠಾಣ್​ ಹಾಡಿಗೆ ಇಬ್ಬರು ಜೊತೆಯಾಗಿ ಸೂಪರ್​ ಸ್ಟೆಪ್ಸ್​ ಹಾಕಿದ್ದಾರೆ. ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್​ ಮಾಡಿಕೊಂಡಿರುವ ಈ ಜೋಡಿ, ನಮ್ಮ ಕೈಲಾದಷ್ಟು ನಾವು ಡ್ಯಾನ್ಸ್​ ಮಾಡಿದ್ದೇವೆ ಎಂದು ಕ್ಯಾಪ್ಶನ್​ ಹಾಕಿಕೊಂಡಿದ್ದಾರೆ. ಜೊತೆಗೆ ಬಾಲಿವುಡ್​ ಸೂಪರ್ ​ಸ್ಟಾರ್​​ ಶಾರುಖ್​ ಖಾನ್​ ಅವರನ್ನು ಟ್ಯಾಗ್​ ಮಾಡಿದ್ದಾರೆ. ಈ ದಂಪತಿ ಇನ್​ಸ್ಟಾಗ್ರಾಮ್​ನಲ್ಲಿ 1,53,000 ಅನುಯಾಯಿಗಳನ್ನು ಹೊಂದಿದ್ದಾರೆ.

ಇದನ್ನೂ ಓದಿ:'ನಾಟು ನಾಟು' ಸಂಗೀತ ಸಂಯೋಜಕ ಎಂಎಂ ಕೀರವಾಣಿ ಕುರಿತ ಆಸಕ್ತಿದಾಯಕ ವಿಚಾರಗಳು ಗೊತ್ತಾ?

ಇವರ ವಿಡಿಯೋವನ್ನು ನೋಡಿದ ನೆಟ್ಟಿಗರು ದಂಪತಿಯ ನೃತ್ಯವನ್ನು ಶ್ಲಾಘಿಸಿದ್ದಾರೆ. ವಿಡಿಯೋಗೆ ಇನ್​ಸ್ಟಾಗ್ರಾಮ್​ ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿದ್ದು, "ನಿಮ್ಮ ಜೋಡಿ ಅದ್ಭುತವಾಗಿದೆ. ನಿಮ್ಮನ್ನು ನೋಡುವಾಗ ನಿಜಕ್ಕೂ ಸಂತೋಷವಾಗುತ್ತದೆ. ನಾನು ನಿಮ್ಮ ನೃತ್ಯವನ್ನು ಪ್ರೀತಿಸುತ್ತೇನೆ" ಎಂದು ಕಮೆಂಟ್​ ಮಾಡಿದ್ದಾರೆ. ಜೊತೆಗೆ ಅನೇಕರು ಕೆಂಪು ಹೃದಯಗಳು ಮತ್ತು ಫೈರ್​ ಎಮೋಜಿಯನ್ನು ಕೈ ಬಿಟ್ಟಿದ್ದಾರೆ.

ಪಠಾಣ್​ ಬಿಗ್​ ಸಕ್ಸಸ್​: ಪಠಾಣ್​ ಜನವರಿ 25 ರಂದು ಬಿಡುಗಡೆ ಆಗಿತ್ತು. ಸೂಪರ್​ ಸ್ಟಾರ್​ ಶಾರುಖ್​ ಖಾನ್​, ಜಾನ್ ಅಬ್ರಹಾಂ, ದೀಪಿಕಾ ಪಡುಕೋಣೆ, ಡಿಂಪಲ್ ಕಪಾಡಿಯಾ ಮತ್ತು ಅಶುತೋಷ್ ರಾಣಾ ಸೇರಿದಂತೆ ಇತರರು ನಟಿಸಿದ್ದಾರೆ. ಶ್ರೀಧರ್ ರಾಘವನ್ ಚಿತ್ರಕಥೆ ಬರೆದಿರುವ ಚಿತ್ರವನ್ನು ಯಶ್ ರಾಜ್ ಫಿಲ್ಮ್ಸ್​​ ನಿರ್ಮಿಸಿದೆ. ಡಿಸೆಂಬರ್​ 2 ನೇ ವಾರದಲ್ಲಿ ಬೇಶರಂ ರಂಗ್​ ಹಾಡು ಬಿಡುಗಡೆ ಆಗಿ ದೊಡ್ಡ ಸಂಚಲನವನ್ನೇ ಸೃಷ್ಟಿಸಿತ್ತು. ನಟಿ ದೀಪಿಕಾ ಪಡುಕೋಣೆ ಅವರ ಕೇಸರಿ ಬಿಕಿನಿ ವಸ್ತ್ರ ವಿವಾದಕ್ಕೆ ಒಳಗಾಗಿತ್ತು. ಪರ-ವಿರೋಧ ಚರ್ಚೆಗೆ ವೇದಿಕೆ ಸೃಷ್ಟಿ ಮಾಡಿಕೊಟ್ಟಿತ್ತು. ಸಿನಿಮಾ ಮೇಲೆ ಬಹಿಷ್ಕಾರದ ಎಚ್ಚರಿಕೆ ಇತ್ತು.

ಆದರೂ ಚಿತ್ರತಂಡ ಮೌನವಾಗಿ, ಆತ್ಮವಿಶ್ವಾಸದಲ್ಲಿ ಮುನ್ನುಗ್ಗಿತು. ಸಿನಿಮಾ ಬಿಡುಗಡೆ ಆಗಿ ನಿರೀಕ್ಷೆಗೂ ಮೀರಿದ ಯಶಸ್ಸನ್ನು ಕಂಡಿದೆ. ಒಂದೇ ತಿಂಗಳೊಳಗೆ ಒಂದು ಸಾವಿರ ಕೋಟಿ ರೂಪಾಯಿ ಕ್ಲಬ್​ ಸೇರಿದೆ. ಇನ್ನು ಪಠಾಣ್ ಏಪ್ರಿಲ್ 24 ರಂದು ಒಟಿಟಿಯಲ್ಲಿ ಬಿಡುಗಡೆ ಆಗಲಿದೆ. ಆದರೆ ಥಿಯೇಟರ್‌ಗಳಲ್ಲಿ ಪ್ರದರ್ಶನಗೊಂಡ 'ಪಠಾಣ್' ಅನ್ನು ಒಟಿಟಿನಲ್ಲಿ ತೋರಿಸಲಾಗುವುದಿಲ್ಲ. ಬದಲಿಗೆ ಚಿತ್ರಮಂದಿರಗಳಲ್ಲಿ ನೋಡದ ದೃಶ್ಯಗಳನ್ನು OTTನಲ್ಲಿ ತೋರಿಸಲಾಗುತ್ತದೆ.

ಇದನ್ನೂ ಓದಿ:ಬಂದೂಕಿನೊಂದಿಗೆ ಛತ್ರಿ ಹಿಡಿದು ಬಂದ 'ಎಕ್ಸ್‌ಕ್ಯೂಸ್ ಮೀ' ಹೀರೋ..'ವೀರ್ ಸಾವರ್ಕರ್ ಸಿನಿಮಾ'ದ ಫಸ್ಟ್ ಲುಕ್ ಬಿಡುಗಡೆ