ಹೈದರಾಬಾದ್: ಬಾಲಿವುಡ್ನ ಸುಂದರ ಜೋಡಿ ಬಿಪಾಶಾ ಬಸು ಮತ್ತು ಕರಣ್ ಸಿಂಗ್ ಗ್ರೋವರ್ ಮದುವೆಯಾಗಿ ಆರು ವರ್ಷದ ನಂತರ ಪೋಷಕರಾಗಿದ್ದಾರೆ. ನ. 12 ರಂದು ಬಿಪಾಶಾ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದು ಸದ್ಯ ಮನೆಯಲ್ಲಿ ಸಂತಸ ನೆಲೆ ಮಾಡಿದೆ. ದಂಪತಿ ತಮ್ಮ ಮುದ್ದು ಮಗಳಿಗೆ ದೇವಿ ಬಸು ಸಿಂಗ್ ಗ್ರೋವರ್ ಎಂದು ಹೆಸರಿಸಿದ್ದಾರೆ.
ತಾಯ್ತನದ ಖುಷಿಯ ಜೊತೆ ಬಿಪಾಶಾ ಎರಡು ಸುಂದರ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ಅಭಿಮಾನಿಗಳಿಗೆ ಮನದಾಳದ ಮಾತನ್ನು ಹೇಳಿದ್ದಾರೆ. ಹಂಚಿಕೊಂಡ ಮೊದಲ ಚಿತ್ರದಲ್ಲಿ, ಬಿಪಾಶಾ ಮತ್ತು ಕರಣ್ ಉತ್ತಮ ಉಡುಗೆಯಿಂದ ಸುಂದರ ಶೈಲಿಯಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದಕ್ಕೆ ಬಿಪಾಶಾ, ಪತಿ ಕರಣ್‌ಗೆ ಯಾವಾಗಲೂ ನೀವು ನನ್ನ ನಂಬರ್ 1 ವ್ಯಕ್ತಿ ಎಂದು ಬರೆದುಕೊಂಡಿದ್ದಾರೆ. ಎರಡನೆದಾಗಿ, ತನ್ನ ಹೆಬ್ಬೆರಳನ್ನು ಬಿಗಿಯಾಗಿ ಹಿಡಿದಿರುವ ಪುತ್ರಿಯ ಫೋಟೋ ಶೇರ್ ಮಾಡಿದ್ದಾರೆ. ಈ ಪೋಟೋಗೆ ಅಭಿಮಾನಿಗಳ ಪ್ರೀತಿಯ ಕಮೆಂಟ್ಗಳು ಹರಿದು ಬರುತ್ತಿವೆ.
ಕರಣ್ ಸಿಂಗ್ ಗ್ರೋವರ್ ಮತ್ತು ಬಿಪಾಶಾ ಬಸು ಮೊದಲ ಬಾರಿಗೆ 2015 ರಲ್ಲಿ ತೆರೆಕಂಡ ಅಲೋನ್ ಚಿತ್ರದ ಮೂಲಕ ಒಟ್ಟಿಗೆ ನಟಿಸಿದ್ದರು. ಶೂಟಿಂಗ್ ಸಮಯದಲ್ಲಿ ಇಬ್ಬರಲ್ಲು ಪ್ರೀತಿಯ ಚಿಗುರೊಡೆದಿದ್ದರಿಂದ 2016 ರಲ್ಲಿ ವಿವಾಹವಾಗಿದ್ದರು. ಸದ್ಯ ಮದುವೆಯಾಗಿ 6 ವರ್ಷಗಳ ನಂತರ, ದಂಪತಿ ಮನೆಯಲ್ಲಿ ಪುಟ್ಟ ದೇವತೆ ಜನನವಾಗಿದೆ.
ಇದನ್ನೂ ಓದಿ:ಹನ್ಸಿಕಾ ಮದುವೆ ಶಾಸ್ತ್ರಗಳು ಪ್ರಾರಂಭ: ಐಷಾರಾಮಿ ಹೋಟೆಲ್ ಆದ ಪುರಾತನ ಕೋಟೆ