'ಮದಗಜ' ಸಿನಿಮಾ ಬಳಿಕ ರೋರಿಂಗ್ ಸ್ಟಾರ್ ಜನಪ್ರಿಯತೆಯ ಶ್ರೀಮುರಳಿ ಏನು ಮಾಡ್ತಿದ್ದಾರೆ ಅನ್ನೋದು ಅಭಿಮಾನಿ ಬಳಗದ ಪ್ರಶ್ನೆ. ಈ ಕುರಿತು ಇಲ್ಲಿದೆ ಹೊಸ ಅಪ್ಡೇಟ್‌!. ಸದ್ಯದಲ್ಲೇ ನಟನ ಹೊಸ ಸಿನಿಮಾ 'ಬಘೀರ' ತೆರೆಗೆ ಬರಲಿದೆ. ಹೌದು, ಚಿತ್ರೀಕರಣಣದಲ್ಲಿ ಬ್ಯುಸಿಯಾಗಿರುವ ತಂಡ ನಟನ ಹುಟ್ಟುಹಬ್ಬಕ್ಕೆ ಟೀಸರ್ ಬಿಡುಗಡೆಗೊಳಿಸಲಿದೆ.
ಡಿಸೆಂಬರ್ 17ರಂದು ಶ್ರೀಮುರಳಿ ಹುಟ್ಟುಹಬ್ಬ. ಅಂದೇ ಟೀಸರ್ ರಿಲೀಸ್ ಮಾಡಲು ಚಿತ್ರತಂಡ ಸಿದ್ಧತೆ ನಡೆಸುತ್ತಿದೆ. ಈ ಹಿಂದೆ 'ಲಕ್ಕಿ' ಸಿನಿಮಾ ನಿರ್ದೇಶನ ಮಾಡಿದ್ದ ಡಾ.ಸೂರಿ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಹತ್ತು ವರ್ಷಗಳ ಬಳಿಕ ಸೂರಿ ನಿರ್ದೇಶನ ಮಾಡುತ್ತಿರುವ ಎರಡನೇ ಸಿನಿಮಾವಿದು.