ಬಾಲಿವುಡ್ ನಟ ಅರ್ಜುನ್ ಕಪೂರ್ 11 ವರ್ಷದ ಬಾಲಕಿಯ ನಿಜ ಜೀವನದ ಹೀರೋ ಆಗಿದ್ದಾರೆ. ಅನಿಶಾ ರೌತ್ ಎಂಬ ಹುಡುಗಿಯ ಸಂಪೂರ್ಣ ಖರ್ಚು ವೆಚ್ಚದ ಜವಾಬ್ದಾರಿಯನ್ನು ನಟ ತೆಗೆದುಕೊಂಡಿದ್ದಾರೆ. ಕ್ರಿಕೆಟಿಗಳಾಗಬೇಕೆಂದು ಕನಸು ಕಾಣುತ್ತಿರುವ ಈ ಪುಟ್ಟ ಹುಡುಗಿಯ ಬದುಕಿಗೆ ಅರ್ಜುನ್ ಕಪೂರ್ ದಾರಿ ದೀಪವಾಗಿದ್ದಾರೆ. ಅನಿಶಾ ರೌತ್ ಎಂಟು ಗಂಟೆಯ ಕ್ರಿಕೆಟ್ ಟ್ರೈನಿಂಗ್ಗಾಗಿ ವಾರದ ಏಳು ದಿನವೂ 80 ಕಿ.ಮೀನಷ್ಟು ದೂರ ಪ್ರಯಾಣಿಸುತ್ತಾರೆ. ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಅವರಂತೆಯೇ ಪ್ರೊಫೆಶನಲ್ ಕ್ರಿಕೆಟ್ ಆಟಗಾರ್ತಿಯಾಗಬೇಕೆಂದು ಕನಸು ಕಾಣುತ್ತಿದ್ದಾರೆ. ಈ ಪುಟ್ಟ ಬಾಲಕಿಯ ಬಹುದೊಡ್ಡ ಕನಸನ್ನು ನನಸು ಮಾಡಲು ಅರ್ಜುನ್ ಕಪೂರ್ ಇದೀಗ ಜೊತೆಯಾಗಿದ್ದಾರೆ.
ಮೇಲ್ವಿಚಾರಕಾಗಿ ಕೆಲಸ ಮಾಡುತ್ತಿರುವ ಅನಿಶಾ ರೌತ್ ತಂದೆ ಪ್ರಭಾತ್ ಮಗಳ ಕನಸೆಂಬ ರೆಕ್ಕೆಗೆ ಗಾಳಿಯಂತೆ ಪ್ರೋತ್ಸಾಹ ನೀಡಲು ಏನು ಬೇಕಾದರೂ ಮಾಡಲು ಸಜ್ಜಾಗಿದ್ದಾರೆ. ಆದರೂ ಸಹ ಅನಿಶಾಗೆ ಅತ್ಯುತ್ತಮ ಸೌಲಭ್ಯಗಳು ಮತ್ತು ಅಗತ್ಯವಿರುವ ಸಲಕರಣೆಗಳನ್ನು ಒದಗಿಸಲು ಮತ್ತೊಬ್ಬರ ಬೆಂಬಲದ ಅಗತ್ಯವಿದೆ. ಬಹುಶಃ ಇಂತಹದ್ದೊಂದು ದೊಡ್ಡ ಬೆಂಬಲ ಆಕೆಗೆ ಸಿಕ್ಕಿದ್ದಲ್ಲಿ ಮುಂದೊಂದು ದಿನ ಅನಿಶಾ ಭಾರತದ ಪರವಾಗಿ ಕ್ರಿಕೆಟ್ ಆಡಲೂಬಹುದು. "ಪೋಷಕರಾದ ನಾವು ನಮ್ಮ ಮಗುವಿಗೆ ಓಳ್ಳೆಯದನ್ನೇ ಬಯಸುತ್ತೇವೆ. ಆದರೆ ವಿಶ್ವದರ್ಜೆಯ ಕ್ರಿಕೆಟ್ ಆಟಗಾರ್ತಿಯಾಗಲು ತರಬೇತಿ ದುಬಾರಿಯಾಗಿದೆ" ಎಂದು ಅನಿಶಾ ತಂದೆ ಪ್ರಭಾಸ್ ಹೇಳುತ್ತಾರೆ.
ಇದನ್ನೂ ಓದಿ:ವಿರಾಟ್ ಕೊಹ್ಲಿ ಶಕ್ತಿ ಅನುಷ್ಕಾ ಶರ್ಮಾ: ಕ್ರೀಡಾಂಗಣದಲ್ಲಿ ಪತಿ ಹುರಿದುಂಬಿಸಿದ ನಟಿ