ಶನಿವಾರ ಅಹಮದಾಬಾದ್‌ನಲ್ಲಿ ನಡೆದ ಭಾರತ-ಪಾಕಿಸ್ತಾನ ನಡುವಿನ ಹೈ ವೋಲ್ಟೇಜ್‌ ಕ್ರಿಕೆಟ್ ಪಂದ್ಯಕ್ಕೆ ಸಿನಿಮಾ ಸೇರಿದಂತೆ ವಿವಿಧ ಕ್ಷೇತ್ರಗಳ ಗಣ್ಯರು ಸಾಕ್ಷಿಯಾಗಿದ್ದರು. ಖ್ಯಾತ ಗಾಯಕ ಅರಿಜಿತ್ ಸಿಂಗ್ ಹಾಗೂ ವಿರಾಟ್ ಪತ್ನಿ ಅನುಷ್ಕಾ ಶರ್ಮಾ ಭಾಗವಹಿಸಿದ್ದರು. ಅರಿಜಿತ್ ಸಿಂಗ್ ತಂಡದ ಗಾಯನದೊಂದಿಗೆ ಪಂದ್ಯ ಆರಂಭವಾಗಿತ್ತು. ಅಂತಿಮವಾಗಿ ಭಾರತ ಗೆಲುವಿನ ನಗೆ ಬೀರಿದ್ದು, ಸ್ಟೇಡಿಯಂಗೆ ಸಂಬಂಧಿಸಿದ ಹಲವು ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ.
ಪಂದ್ಯದ ಉತ್ಸಾಹದ ನಡುವೆ ಅರಿಜಿತ್ ಅವರು ಅನುಷ್ಕಾರನ್ನು ಮಾತನಾಡಿಸಿದರು. ನಟಿಯ ಫೋಟೋ ಕ್ಲಿಕ್ಕಿಸಿಕೊಳ್ಳಲು ವಿನಂತಿಸಿದರು. ಅನುಷ್ಕಾ ಒಪ್ಪಿ ಪೋಸ್ ನೀಡಿದರು. ಈ ಉಲ್ಲಾಸಕರ ಕ್ಷಣವನ್ನು ಸೆರೆಹಿಡಿಯಲಾಗಿದೆ. ವಿವಿಧ ಸಾಮಾಜಿಕ ಜಾಲತಾಣ ವೇದಿಕೆಗಳಲ್ಲಿ ವಿಡಿಯೋ ವೈರಲ್ ಮಾಡಲಾಗಿದೆ. ಜೊತೆಗೆ, 'ವಿರುಷ್ಕಾ' ವಿಡಿಯೋ ಸಹ ಕಾಡ್ಗಿಚ್ಚಿನಂತೆ ವೈರಲ್ ಆಗಿದೆ.
ಅಸಂಖ್ಯಾತ ಅಭಿಮಾನಿಗಳು ತಾವಿದ್ದ ಸ್ಥಳದಿಂದಲೇ ಟಿವಿ, ಮೊಬೈಲ್, ಕಂಪ್ಯೂಟರ್ಗಳ ಮೂಲಕ ಕ್ರಿಕೆಟ್ ವೀಕ್ಷಿಸಿದರೆ, ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲೂ ಲಕ್ಷಾಂತರ ಕ್ರಿಕೆಟ್ ಅಭಿಮಾನಿಗಳು ಬಂದು ಸೇರಿದ್ದರು. ನಟಿ ಅಥಿಯಾ ಶೆಟ್ಟಿ (ಕೆ.ಎಲ್.ರಾಹುಲ್ ಪತ್ನಿ), ಚಂದನವನದ ಮೋಹಕತಾರೆ ರಮ್ಯಾ ಸೇರಿದಂತೆ ಅನೇಕರಿದ್ದರು.
ಸಂಭ್ರಮದ ವಾತಾವರಣದ ನಡುವೆ, ಕೊಂಚ ದೂರದಲ್ಲಿ ಕುಳಿತಿದ್ದ ಅನುಷ್ಕಾ ಶರ್ಮಾ ಅವರನ್ನು ಅರಿಜಿತ್ ಸಿಂಗ್ ಗಮನಿಸಿದ್ದಾರೆ. ನಟಿಯನ್ನು ಸಂಪರ್ಕಿಸಿ ಫೋಟೋಗೆ ವಿನಂತಿಸಿದರು. ಅನುಷ್ಕಾ ಪೋಸ್ ಕೊಟ್ಟರು. ಸಾಮಾಜಿಕ ಮಾಧ್ಯಮದಲ್ಲಿ ಫ್ಯಾನ್ಸ್ ಪೇಜ್ಗಳು ಶೇರ್ ಮಾಡುತ್ತಿರುವ ಈ ಕ್ಲಿಪ್‌ನಲ್ಲಿ, ಅರಿಜಿತ್ ಸಿಂಗ್ ಬಿಳಿ ಶರ್ಟ್ ಹಾಗೂ ನೀಲಿ ಪ್ಯಾಂಟ್‌ ಧರಿಸಿದ್ದರೆ, ಅನುಷ್ಕಾ ವೈಟ್ ಔಟ್ಫಿಟ್ನಲ್ಲಿ ಕಂಗೊಳಿಸಿದರು.