ಕಿರುತೆರೆ ನಟ ಅಪೂರ್ವ ಅಗ್ನಿಹೋತ್ರಿ ಮತ್ತು ನಟಿ ಶಿಲ್ಪಾ ಸಕ್ಲಾನಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ 18 ವರ್ಷಗಳ ಬಳಿಕ ಪೋಷಕರಾಗಿದ್ದಾರೆ. ತಮ್ಮ ಮಗುವಿನೊಂದಿಗಿರುವ ಮುದ್ದಾದ ವಿಡಿಯೋವನ್ನು ನಟ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
ವಿಡಿಯೋದಲ್ಲಿ ದಂಪತಿಗಳು ತಮ್ಮ ಹೆಣ್ಣು ಮಗುವನ್ನು ತೋಳಿನಲ್ಲಿ ಹಿಡಿದು, ಮುದ್ದು ಮಾಡುತ್ತಿರುವ ಸುಂದರ ದೃಶ್ಯ ಕಂಡುಬಂದಿದೆ. ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಆದ ತಕ್ಷಣವೇ ವೈರಲ್ ಆಗಿದೆ. ಅಲ್ಲದೇ ಸ್ನೇಹಿತರು, ಅಭಿಮಾನಿಗಳಿಂದ ಅಭಿನಂದನೆಗಳ ಮಹಾಪೂರವೇ ಹರಿದುಬಂದಿದೆ.