ಅನುಪಮ್, ಕಿರಣ್ ವಿವಾಹ ವಾರ್ಷಿಕೋತ್ಸವ: ದಂಪತಿಯ ಹಳೆಯ ಫೋಟೋ ಇದು

ನಟ ಅನುಪಮ್ ಖೇರ್ ಮತ್ತು ಕಿರಣ್ ಖೇರ್​ಗೆ ಇಂದು ಮದುವೆ ದಿನದ ಸಂಭ್ರಮ.

ಬಾಲಿವುಡ್​ನ ಹಿರಿಯ ನಟ ಅನುಪಮ್ ಖೇರ್ ಮತ್ತು ಕಿರಣ್ ಖೇರ್ ಅವರಿಗೆ ಇಂದು ವಿವಾಹ ವಾರ್ಷಿಕೋತ್ಸವದ ಸಂಭ್ರಮ. ದಾಂಪತ್ಯ ಜೀವನಕ್ಕೆ ಕಾಲಿರಿಸಿ 37 ವರ್ಷಗಳಾಗಿದ್ದು, ಅನುಪಮ್ ಖೇರ್ ಮದುವೆ ಫೋಟೋ ಶೇರ್ ಮಾಡಿ ಪತ್ನಿಗೆ ವಿಶೇಷವಾಗಿ ಶುಭ ಕೋರಿದ್ದಾರೆ.

ಇನ್​​ಸ್ಟಾಗ್ರಾಮ್​ನಲ್ಲಿ ಫೋಟೋ ಹಂಚಿಕೊಂಡಿರುವ ಖೇರ್, ''ಆತ್ಮೀಯ ಕಿರಣ್ ಖೇರ್, ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ಇತ್ತೀಚೆಗೆ ಶಿಮ್ಲಾಗೆ ಭೇಟಿ ನೀಡಿದ್ದಾಗ ತಂದೆಯ ಟ್ರಂಕ್​ನಲ್ಲಿದ್ದ ನಮ್ಮ ಮದುವೆಯ ಫೋಟೋವನ್ನು ಹಂಚಿಕೊಂಡಿದ್ದೇನೆ. ಭಗವಂತ ನಿಮಗೆ ಖುಷಿ, ಆರೋಗ್ಯಕರ ದೀರ್ಘ ಆಯಸ್ಸು ಕೊಡಲಿ'' ಎಂದು ಬರೆದಿದ್ದಾರೆ.

ಚಿತ್ರದಲ್ಲಿ ಕಿರಣ್ ಮತ್ತು ಅನುಪಮ್ ಖೇರ್ ಸಾಂಪ್ರದಾಯಿಕ ಮದುವೆಯುಡುಗೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಫೋಟೋ ಶೇರ್ ಆಗುತ್ತಿದ್ದಂತೆ ಚಿತ್ರರಂಗದವರು ಸೇರಿದಂತೆ ನೆಟಿಜನ್ಸ್‌ ಶುಭಾಶಯ ತಿಳಿಸುತ್ತಿದ್ದಾರೆ.

ಇದನ್ನೂ ಓದಿ:ಕನ್ನಡದ ರಾಕಿ ಭಾಯ್ ಯಶ್​ ನಂಬರ್​ ಒನ್​ ನಟ: ಶಾಹಿದ್ ಕಪೂರ್