ಟೈಟಲ್ನಿಂದಲೇ ಸೌತ್ ಇಂಡಸ್ಟ್ರಿಯಲ್ಲಿ ಸಖತ್ ಟಾಕ್ ಆಗುತ್ತಿರುವ ಸಿನಿಮಾ 'ಘೋಸ್ಟ್'. ಹ್ಯಾಟ್ರಿಕ್ ಹೀರೋ ಶಿವರಾಜಕುಮಾರ್ ಗ್ಯಾಂಗ್ಸ್ಟರ್ ಆಗಿ ಕಾಣಿಸಿಕೊಂಡಿರುವ ಪ್ಯಾನ್ ಇಂಡಿಯಾ ಚಿತ್ರವಿದು. ಸದ್ಯ ಟೀಸರ್ನಿಂದಲೇ ವರ್ಲ್ಡ್‌ ವೈಡ್ ಕ್ರೇಜ್ ಹುಟ್ಟಿಸಿರುವ ಘೋಸ್ಟ್ ಸಿನಿಮಾ ದಕ್ಷಿಣ ಭಾರತದಲ್ಲಿ ಒಂದಲ್ಲ ಒಂದು ವಿಚಾರಕ್ಕೆ ಸೌಂಡ್ ಮಾಡುತ್ತಿದೆ. ನಿರ್ದೇಶಕ ಶ್ರೀನಿ ಆ್ಯಕ್ಷನ್ ಕಟ್ ಹೇಳಿರುವ ಈ ಚಿತ್ರದ ಬಿಡುಗಡೆಯ ದಿನಾಂಕ ಕೂಡ ಅನೌನ್ಸ್ ಆಗಿದೆ. ಚಿತ್ರ ರಿಲೀಸ್ಗೂ ಮುನ್ನವೇ ಭಾರೀ ಬ್ಯುಸಿನೆಸ್ ಮಾಡಿದೆ.
ಈಗಾಗಲೇ ಚಿತ್ರತಂಡ ಶಿವ ರಾಜ್ಕುಮಾರ್ ಸಖತ್ ಎನರ್ಜಿಟಿಕ್ ಆಗಿರುವ ತ್ರಿಡಿ ಪೋಸ್ಟರ್ ಅನ್ನು ಅನಾವರಣ ಮಾಡಿತ್ತು. ಇದೀಗ ಬಾಲಿವುಡ್ ನಟ ಅನುಪಮ್ ಖೇರ್ ಹಾಗೂ ಶಿವಣ್ಣ ವಿಡಿಯೋ ಕಾಲ್ ಮೂಲಕ ಘೋಸ್ಟ್ ಸಿನಿಮಾದ ಕ್ರೇಜ್ ಬಗ್ಗೆ ಮಾತನಾಡಿದ್ದಾರೆ. ಅನುಪಮ್ ಖೇರ್ ಶಿವಣ್ಣನಿಗೆ ಘೋಸ್ಟ್ ಹಿಂದಿಯಲ್ಲಿ ಬಿಡುಗಡೆ ಆಗುವುದರ ಬಗ್ಗೆ ಯಾವ ರೀತಿ ಸಿದ್ಧತೆ ನಡೆಯುತ್ತಿದೆ? ಎಂದು ಪ್ರಶ್ನಿಸಿದ್ದಾರೆ. ಈ ಕಡೆ ಶಿವ ರಾಜ್ಕುಮಾರ್, ಸದ್ಯದಲ್ಲೇ ಘೋಸ್ಟ್ ಚಿತ್ರದ ಬಗ್ಗೆ ಒಂದು ಗುಡ್ ನ್ಯೂಸ್ ಇದೆ. ವೈಟ್ ಆಂಡ್ ವಾಚ್. ಸರ್ಪ್ರೈಸ್ ಎಂದು ಉತ್ತರಿಸಿದ್ದಾರೆ.
ಹಾಗಾಗಿ ಆ ಸರ್ಪ್ರೈಸ್ ಏನಾಗಿರಬಹುದು? ಎಂಬುದು ಸದ್ಯ ಶಿವಣ್ಣನ ಅಭಿಮಾನಿಗಳಲ್ಲಿರುವ ಕುತೂಹಲದ ಪ್ರಶ್ನೆ. ಇನ್ನು ಘೋಸ್ಟ್ ಸಿನಿಮಾದ ಥಿಯೇಟ್ರಿಕಲ್, ಸ್ಯಾಟಲೈಟ್ ಹಾಗೂ ಡಿಜಿಟಲ್ ರೈಟ್ಸ್ ಈಗಾಗಲೇ ಭಾರೀ ಮೊತ್ತಕ್ಕೆ ಮಾರಾಟವಾಗಿದೆ. ಆರ್ಆರ್ಆರ್, ಜವಾನ್ ಸೇರಿದಂತೆ ಅನೇಕ ಸೂಪರ್ ಹಿಟ್ ಚಿತ್ರಗಳನ್ನು ವಿತರಣೆ ಮಾಡಿರುವ ಪೆನ್ ಸ್ಟುಡಿಯೋ ಸಂಸ್ಥೆ ಘೋಸ್ಟ್ ಚಿತ್ರದ ವಿತರಣಾ ಹಕ್ಕನ್ನು ಪಡೆದುಕೊಂಡಿದೆ.