ರಣ್ಬೀರ್ ಕಪೂರ್ ಹಾಗೂ ರಶ್ಮಿಕಾ ಮಂದಣ್ಣ ಮುಖ್ಯಭೂಮಿಕೆಯ 'ಅನಿಮಲ್' ಸಿನಿಮಾದ ಹುವಾ ಮೈನ್ ಸಾಂಗ್ ಇಂದು ರಿಲೀಸ್ ಆಗಿದೆ. ಸಂದೀಪ್ ರೆಡ್ಡಿ ವಂಗಾ ಆ್ಯಕ್ಷನ್ ಕಟ್ ಹೇಳಿರುವ ಈ ಸಿನಿಮಾದಲ್ಲಿ ಬಾಬಿ ಡಿಯೋಲ್ ಹಾಗೂ ಅನಿಲ್ ಕಪೂರ್ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ರೊಮ್ಯಾಂಟಿಕ್ ಬಿಡುಗಡೆಯ ಮೂಲಕ ಚಿತ್ರತಂಡ ಪ್ರಚಾರ ಪ್ರಾರಂಭಿಸಿದೆ.
ಇದೀಗ ಹುವಾ ಮೈನ್ ಸಾಂಗ್ ಸದ್ದು ಮಾಡುತ್ತಿದ್ದು, ರಶ್ಮಿಕಾ-ರಣ್ಬೀರ್ ಕೆಮಿಸ್ಟ್ರಿ ಸಖತ್ ವರ್ಕ್ಔಟ್ ಆಗಿದೆ ಎಂದು ಅಭಿಮಾನಿಗಳು ಗುಣಗಾನ ಮಾಡುತ್ತಿದ್ದಾರೆ. ಹಾಡಿನಲ್ಲಿ ಲಿಪ್ ಲಾಕ್ ಸೀನ್‌ಗಳು ಬಹಳಷ್ಟಿದ್ದು, ಟ್ರೋಲಿಗರಿಗೆ ಆಹಾರವಾಗಿದೆ. ರಶ್ಮಿಕಾ ಅವರ ರೂಮರ್ ಬಾಯ್ಫ್ರೆಂಡ್, ಟಾಲಿವುಡ್ ಸೂಪರ್ ಸ್ಟಾರ್ ವಿಜಯ್ ದೇವರಕೊಂಡ ಅವರನ್ನೇ ಕೇಂದ್ರೀಕರಿಸಿ ಮೀಮ್ಸ್ ವೈರಲ್ ಮಾಡಲಾಗುತ್ತಿದೆ.
ಸಾಂಗ್ ರಿಲೀಸ್ ಆಗುತ್ತಿದ್ದಂತೆ ನೆಟಿಜನ್‌ಗಳು ಸಮಯ ವ್ಯರ್ಥ ಮಾಡದೇ ಪ್ರತಿಕ್ರಿಯೆ ಕೊಡಲು ಆರಂಭಿಸಿದರು. ಟ್ರೋಲ್, ಮೀಮ್ಸ್ಗೆ ವಿಜಯ್ ದೇವರಕೊಂಡರನ್ನು ಎಳೆದು ತಂದರು. ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ಮೀಮ್ ಒಂದನ್ನು ಶೇರ್ ಮಾಡಿರುವ ಬಳಕೆದಾರ, ''ರಣ್ಬೀರ್ ಕಪೂರ್ ಭೇಟಿಯಾಗಲು ವಿಜಯ್ ದೇವರಕೊಂಡ ಹೊರಟಿದ್ದಾರೆ'' ಎಂದು ವ್ಯಂಗ್ಯವಾಡಿದ್ದಾರೆ. ಮತ್ತೊಬ್ಬರು, ''ಆಲಿಯಾ ಭಟ್ (ರಣ್ಬೀರ್ ಕಪೂರ್ ಪತ್ನಿ) ಮತ್ತು ವಿಜಯ್ ದೇವರಕೊಂಡ ಈ ಹಾಡಿನ ಪೋಸ್ಟರ್ ವೀಕ್ಷಿಸಿದ ನಂತರ ಹೊಸ ಸಿನಿಮಾಗೆ ಸಹಿ ಹಾಕಿದ್ದಾರೆ" ಎಂದು ಕಿಚಾಯಿಸಿದ್ದಾರೆ.
ಹೀಗೆ, ಸಾಂಗ್ ವೀಕ್ಷಿಸಿದ ಬಳಿಕ ವಿಜಯ್ ದೇವರಕೊಂಡ ರಿಯಾಕ್ಷನ್ ಹೇಗಿರಬಹುದು ಎಂದು ಊಹಿಸಿ ಮೀಮ್ಸ್ಗಳನ್ನು ಶೇರ್ ಮಾಡಲಾಗುತ್ತಿದೆ. ಒಟ್ಟಿನಲ್ಲಿ ರಶ್ಮಿಕಾ ಮಂದಣ್ಣ, ರಣ್ಬೀರ್ ಕಪೂರ್, ವಿಜಯ್ ದೇವರಕೊಂಡ ಹೆಸರು ಟ್ರೆಂಡಿಂಗ್ನಲ್ಲಿದೆ.