ನಮ್ಮ ಚಿಕ್ಕ ಸ್ನೇಹಿತರು, ಹೇಳದೇ ಹೊರಟು ಬಿಟ್ಟರು.. ಸಾಕು ನಾಯಿ ನಿಧನಕ್ಕೆ ಬಿಗ್​​ ಬಿ ಭಾವನಾತ್ಮಕ ಪೋಸ್ಟ್

ನಟ ಅಮಿತಾಬ್​ ಬಚ್ಚನ್ ಸಾಕು ನಾಯಿ ಸಾವನ್ನಪ್ಪಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಬಿಗ್​​ ಬಿ ಭಾವನಾತ್ಮಕ ಪೋಸ್ಟ್ ಶೇರ್ ಮಾಡಿದ್ದಾರೆ.

ಬಾಲಿವುಡ್ ಹಿರಿಯ ನಟ ಅಮಿತಾಬ್​​ ಬಚ್ಚನ್ ಸಾಕು ನಾಯಿ ಮೃತಪಟ್ಟಿದೆ. ತಮ್ಮ ಮುದ್ದು ನಾಯಿ ಜೊತೆಗಿನ ಫೋಟೋ ಹಂಚಿಕೊಂಡಿರುವ ಬಿಗ್​​ ಬಿ, ಭಾವನಾತ್ಮಕ ಬರಹ ಬರೆದಿದ್ದಾರೆ. ಅಮಿತಾಬ್​ ಕಂಬನಿ ಮಿಡಿದಿರುವ ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಸುದ್ದಿಯಾಗಿದೆ.

ಸದಾ ಕುಟುಂಬಕ್ಕೆ ಸಮಯ ಕೊಡುವ, ಜೊತೆಗೆ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿರುವ ಸೂಪರ್​​ಸ್ಟಾರ್​​ ಈಗ ಸೋಷಿಯಲ್ ಮೀಡಿಯಾದಲ್ಲಿ ಬಹಳ ಎಮೋಷನಲ್ ಆಗಿ ಪೋಸ್ಟ್ ಮಾಡಿದ್ದಾರೆ. ''ನಮ್ಮ ಒಬ್ಬರು ಚಿಕ್ಕ ಸ್ನೇಹಿತರು, ಕೆಲಸದ ಸಮಯದಲ್ಲಿ ಜೊತೆಯಲ್ಲಿದ್ದರು, ಹಾಗೆಯೇ ಬೆಳೆಯುತ್ತಿದ್ದರು, ಒಂದು ದಿನ ಹೇಳದೇ ಹೊರಟು ಬಿಟ್ಟರು'' ಎಂದು ಮುದ್ದಿನ ನಾಯಿ ಬಗ್ಗೆ ಬರೆದ ಅಮಿತಾಬ್​ ಕಣ್ಣೀರಿನ ಇಮೋಜಿ ಹಾಕಿದ್ದಾರೆ.

ಇದನ್ನೂ ಓದಿ:ಮಂಗಳಮುಖಿಯ ಪ್ರೀತಿಯಲ್ಲಿ ಬೀಳುವ ನಾಯಕ.. 'ಜಾಯ್‌ಲ್ಯಾಂಡ್' ಸಿನಿಮಾ ಬ್ಯಾನ್​, ಪರಿಶೀಲನೆಗೆ ಮುಂದಾದ ಪಾಕ್​ ಸರ್ಕಾರ

ತಮ್ಮ ಮೆಚ್ಚಿನ ನಟನ ಭಾವನಾತ್ಮ ಪೋಸ್ಟ್ ಕಂಡ ಅಭಿಮಾನಿಗಳು ಸಹ ಬೇಸರಗೊಂಡಿದ್ದಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಅಭಿಮಾನಿಗಳು ಸಹ ದುಃಖ ಹೊರಹಾಕಿದ್ದಾರೆ. ಇನ್ನು, ನಟ ಅಮಿತಾಬ್ ತಮ್ಮ ನಾಯಿಯ ಹೆಸರನ್ನು ಬಹಿರಂಗಪಡಿಸಿಲ್ಲ.