ಬಾಲಿವುಡ್ ನಟಿ ಊರ್ವಶಿ ರೌಟೆಲಾ ಅವರು ಮತ್ತೊಮ್ಮೆ ಸ್ನೇಹಿತ ಸೋಲಾಲ್ ಸಯದ (Solal Sayada) ಅವರೊಂದಿಗಿನ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಹಿಂದೆ ಸೋಲಾಲ್ ಅವರೊಂದಿಗೆ ಸೆಲ್ಫಿ ಹಂಚಿಕೊಂಡಿದ್ದ ನಟಿ ಈಗ ಫ್ರಾನ್ಸ್‌ನ ಪ್ಯಾರಿಸ್‌ನಿಂದ ಮತ್ತಷ್ಟು ಚಿತ್ರಗಳನ್ನು ಶೇರ್ ಮಾಡಿದ್ದಾರೆ. ಸೋಲಾಲ್ ಅವರೊಂದಿಗಿನ ಊರ್ವಶಿ ಅವರ ಈ ಫೋಟೋಗಳನ್ನು ನೋಡಿದ ನೆಟ್ಟಿಗರು, ಕ್ರಿಕೆಟಿಗ ರಿಷಭ್ ಪಂತ್ ಅವರಿಂದ ಊರ್ವಶಿ ಹಿಂದೆ ಸರಿದಿದ್ದಾರೆಯೇ? ಎಂದು ಊಹಿಸುತ್ತಿದ್ದಾರೆ.
ಊರ್ವಶಿ ರೌಟೇಲಾ ಇನ್ಸ್ಟಾ ಪೋಸ್ಟ್: ನಟಿ ಊರ್ವಶಿ ರೌಟೆಲಾ ಅವರು ಪ್ಯಾರಿಸ್‌ನ ರೆಸ್ಟೋರೆಂಟ್‌ನಲ್ಲಿ ಕ್ಲಿಕ್ಕಿಸಿರುವ ಚಿತ್ರಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಡೆನಿಮ್ ಮತ್ತು ಬ್ಲ್ಯಾಕ್ ಟಾಪ್ ಧರಿಸಿ ನಟಿ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ. ಸೋಲಾಲ್ ಅವರು ಕ್ಲಿಕ್ಕಿಸಿರುವ ಚಿತ್ರಗಳಲ್ಲಿ ನಟಿ ಊರ್ವಶಿ ಬಹಳ ಸುಂದರವಾಗಿ ಕಾಣಿಸಿಕೊಂಡಿದ್ದು, ಅಭಿಮಾನಿಗಳ ಹೃದಯ ಕದ್ದಿದ್ದಾರೆ. ಊರ್ವಶಿ ಹಂಚಿಕೊಂಡಿರುವ ಫೋಟೋಗಳಲ್ಲಿ ಸೋಲಾಲ್ ಅವರ ಚಿತ್ರವೂ ಇದೆ.
ಸೋಲಾಲ್ ಜೊತೆ ಊರ್ವಶಿ ಸೆಲ್ಫಿ:ಊರ್ವಶಿ ಅವರು ಹಂಚಿಕೊಂಡಿರುವ ಚಿತ್ರಗಳಲ್ಲಿ ಸೋಲಾಲ್ ಕಾಣಿಸಿಕೊಂಡಿರುವುದು ಇದೇ ಮೊದಲೇನು ಅಲ್ಲ. ಕಳೆದ ವಾರ, ರೌಟೆಲಾ ಚೆವಲ್ ಬ್ಲಾಂಕ್ ಪ್ಯಾರಿಸ್‌ನಿಂದ (Cheval Blanc Paris) ಸೋಲಾಲ್ ಅವರೊಂದಿಗೆ ಸೆಲ್ಫಿ ಶೇರ್ ಮಾಡಿಕೊಂಡಿದ್ದರು. ಈ ಸ್ಥಳವನ್ನು ಪ್ರೇಮಿಗಳು ಭೇಟಿಯಾಗಲು ಗೌಪ್ಯ ಸ್ವರ್ಗ ಎಂದು ಪರಿಗಣಿಸಲಾಗಿದೆ. ಚಿತ್ರವನ್ನು ಹಂಚಿಕೊಂಡ ಊರ್ವಶಿ ಸೋಲಾಲ್ ಅವರಿಗೆಗೆ ಟ್ಯಾಗ್ ಮಾಡಿ, 'ಪ್ರಾಮಾಣಿಕವಾಗಿ, ನನಗೆ ಯಾವುದೇ ವಿಷಾದವಿಲ್ಲ' ಎಂದು ಬರೆದುಕೊಂಡಿದ್ದರು.
ಸೋಲಾಲ್ ಸಯದ ಯಾರು?ಸೋಲಾಲ್ ಅವರೊಂದಿಗಿನ ಊರ್ವಶಿ ಅವರ ಇತ್ತೀಚಿನ ಪೋಸ್ಟ್‌ಗಳು, ಈ ವ್ಯಕ್ತಿ ಯಾರು? ಮತ್ತು ನಟಿಯು ಕ್ರಿಕೆಟಿಗ ರಿಷಬ್ ಪಂತ್ ಅವರನ್ನು ಒಂಟಿಯಾಗಿ ಬಿಡಲು ನಿರ್ಧರಿಸಿದ್ದಾರೆಯೇ? ಎಂಬ ಬಗ್ಗೆ ಅಭಿಮಾನಿಗಳು ಕುತೂಹಲ ವ್ಯಕ್ತಪಡಿಸಿದ್ದಾರೆ. ಇನ್ನು ಊರ್ವಶಿಯ ಗೆಳೆಯ ಸೋಲಾಲ್ ಸಯದ (Solal Sayada) ಪ್ಯಾರಿಸ್‌ನಲ್ಲಿ ದಂತ ವೈದ್ಯರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ..