ಸಾಮಾಜಿಕ ಜಾಲತಾಣದಲ್ಲಿ ಬೋಲ್ಡ್ ಮತ್ತು ಹಾಟ್ ಫೋಟೋ ಹಂಚಿಕೊಳ್ಳುವ ಮೂಲಕ ಸೆನ್ಸೇಷನ್ ಕ್ರಿಯೇಟ್ ಮಾಡಿರುವ ನಟಿ ಉರ್ಫಿ ಜಾವೇದ್ ಅವರಿಗೆ ಕೊಲೆ ಮತ್ತು ಅತ್ಯಾಚಾರ ಬೆದರಿಕೆಗಳು ಬಂದಿವೆಯಂತೆ. ಈ ಸಂಬಂಧ ಸ್ವತಃ ಉರ್ಫಿ ಜಾವೇದ್ ಗೋರೆಗಾಂವ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ಅಶ್ಲೀಲ ಭಾಷೆಯಲ್ಲಿ ನಿಂದನೆ ಮತ್ತು ಅತ್ಯಾಚಾರದ ಬೆದರಿಕೆಗಳನ್ನು ವಾಟ್ಸಾಪ್‌ ಕರೆಯಲ್ಲಿ ಸ್ವೀಕರಿಸಲಾಗಿದೆ. ಕಾಲ್ ರೆಕಾರ್ಡಿಂಗ್‌ಗಳನ್ನು ವಿವಿಧ ಸಂಖ್ಯೆಗಳಿಂದ ಕಳುಹಿಸಲಾಗಿದೆ. ಈ ಪ್ರಕರಣದಲ್ಲಿ ನವೀನ್ ಗಿರಿ ಎಂಬ ವ್ಯಕ್ತಿಯ ವಿರುದ್ಧ ನಟಿ ದೂರು ಕೊಟ್ಟಿದ್ದಾರೆ.
ವಿಭಿನ್ನ ಮತ್ತು ವಿಶಿಷ್ಟ ವೇಷಭೂಷಣಕ್ಕೆ ಹೆಸರಾಗಿರುವ ನಟಿ ಉರ್ಫಿ ಜಾವೇದ್ ಅವರನ್ನು ಕಟೌಟ್ ನಟಿ ಎಂದೇ ಕರೆಯಲಾಗುತ್ತದೆ. ಚಿತ್ರ-ವಿತ್ರ ಬಟ್ಟೆ ತೊಟ್ಟು ಅಭಿಮಾನಿಗಳಿಗಾಗಿ ಬೀದಿಗೆ ಬರುವ ಈ ಬಾಲಿವುಡ್ ಬೇಬಿಯ ಫೋಟೋ, ವಿಡಿಯೋಗಳು ಆಗಾಗ ಜಾಲತಾಣದಲ್ಲಿ ವೈರಲ್ ಆಗುತ್ತವೆ. ಬಿಗ್ ಬಾಸ್ OTT ಸೀಸನ್ 1ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದ ಈ ವಯ್ಯಾರಿ ಈಗ ಜಾಲತಾಣದಲ್ಲಿ ಟ್ರೆಂಡಿಂಗ್ ಬಟ್ಟೆಯಿಂದಲೇ ಸೆನ್ಸೇಷನ್ ಆಗಿದ್ದಾರೆ. ಈ ಬಗ್ಗೆ ಹಲವರು ಆಕ್ರೋಶ ಕೂಡ ವ್ಯಕ್ತಪಡಿಸಿದ್ದಾರೆ. ಇದೀಗ ಇವರಿಗೆ ಅತ್ಯಾಚಾರ, ಕೊಲೆ ಬೆದರಿಕೆ ಬಂದಿದ್ದು, ದೂರು ದಾಖಲಾಗಿದೆ.
ಇದನ್ನೂ ಓದಿ:'ಪಠಾಣ್' ಸಿನಿಮಾ ಏಕೆ ನೋಡ್ಬೇಕು?: ಶಾರುಖ್ ಖಾನ್ ಉತ್ತರ ಹೀಗಿತ್ತು..