ಬಾಲಿವುಡ್​ನಲ್ಲಿ ತಮಗಾದ ಮತ್ತೊಂದು ಕಹಿ ಘಟನೆ ಬಹಿರಂಗಪಡಿಸಿದ ನಟಿ ಪ್ರಿಯಾಂಕಾ ಚೋಪ್ರಾ

ತಮ್ಮ ಆರಂಭಿಕ ಸಿನಿ ಜೀವನದಲ್ಲಿ ನಿರ್ದೇಶಕರು ಎಷ್ಟು ಅಮಾನವೀಯವಾಗಿ ವರ್ತಿಸಿದರು ಎಂಬ ಘಟನೆಯನ್ನು ಸಂದರ್ಶನದಲ್ಲಿ ನಟಿ ಪ್ರಿಯಾಂಕಾ ಚೋಪ್ರಾ ತಿಳಿಸಿದ್ದಾರೆ.

ಮುಂಬೈ: ಗ್ಲೋಬಲ್​ ಐಕಾನ್​ ಆಗಿರುವ ನಟಿ ಪ್ರಿಯಾಂಕಾ ಚೋಪ್ರಾ, ಬಾಲಿವುಡ್​ನಲ್ಲಿ ತಮಗೆ ಆದಾ ಕಹಿ ಘಟನೆಗಳು ಕುರಿತು ಮತ್ತೊಮ್ಮೆ ಬಹಿರಂಗಪಡಿಸಿದ್ದಾರೆ. ಈ ಹಿಂದೆ ಹೇಗೆ ಬಾಲಿವುಡ್​ ತಮ್ಮನ್ನು ನಡೆಸಿಕೊಂಡಿತು ಎಂಬ ಬಗ್ಗೆ ಅವರು ಮಾತನಾಡಿದ್ದರು. ಅದೇ ರೀತಿ ತಮ್ಮ ಸಿನಿ ಜೀವನದ ಆರಂಭ ಸಮಯದಲ್ಲಿ ಚಿತ್ರ ನಿರ್ದೇಶಕರೊಬ್ಬರು ತಮ್ಮನ್ನು ಅಂಡರ್​ವೇರ್​ನಲ್ಲಿ ನೋಡಲು ಬಯಸಿದ್ದರು ಎಂದು ಸಂದರ್ಶನದಲ್ಲಿ ತಿಳಿಸಿದ್ದಾರೆ. ಇದೊಂದು ಅಮಾನವೀಯ ಘಟನೆಯಾಗಿದ್ದು, ಇದರಿಂದಾಗಿ ಚಿತ್ರದಿಂದ ಹೊರ ನಡೆದಿದ್ದಾಗಿ ತಿಳಿಸಿದ್ದಾರೆ.

2002 ಅಥವಾ 2003ರಲ್ಲಿ ನಾನು ಅಂಡರ್​ಕವರ್​ನಲ್ಲಿದ್ದು, ಹುಡುಗನನ್ನು ಮೋಹಿಸುವ ಪಾತ್ರ ನಿರ್ವಹಿಸುತ್ತಿದ್ದೆ. ಈ ವೇಳೆ ನನ್ನ ಬಟ್ಟೆಗಳನ್ನು ತೆಗೆಯಬೇಕಿತ್ತು. ಈ ವೇಳೆ ಚಿತ್ರ ನಿರ್ದೇಶಕರು ನನ್ನನ್ನು ಅಂಡರ್​​ವೇರ್​ನಲ್ಲಿ ನೋಡ ಬಯಸಿದ್ದರು. ಇದರ ಕುರಿತು ಮಾತನಾಡಿದ ನಿರ್ದೇಶಕರು. ಈ ರೀತಿ ಮಾಡದಿದ್ದರೆ, ಯಾರಾದರೂ ಯಾತಕ್ಕಾಗಿ ಈ ಸಿನಿಮಾವನ್ನು ಬಂದು ನೋಡಬೇಕು ಎಂದು ಪ್ರಶ್ನಿಸಿದ್ದರು ಎಂದು ತಿಳಿಸಿದರು.

ಈ ವಿಚಾರವನ್ನು ನಿರ್ದೇಶಕರು ನೇರವಾಗಿ ನನಗೆ ಹೇಳಿಲಿಲ್ಲ. ನನ್ನ ಸ್ಟೈಲಿಶ್​ ಮುಂದೆ ಇದನ್ನು ತಿಳಿಸಿದರು. ಇದು ನಿಜಕ್ಕೂ ಅಮಾನವೀಯ ಘಟನೆ. ಇದರಿಂದಾಗಿಯೇ ಈ ಚಿತ್ರದಿಂದ ಹೊರ ನಡೆದೆ. ನನ್ನ ಕಲೆ ಇಲ್ಲಿ ಮುಖ್ಯವಾಗಿಲ್ಲ. ನಾನು ಕಲೆಗೆ ನೀಡಿದ ಸಮರ್ಪಣಾ ಭಾವನೆ ಮುಖ್ಯವಾಗಲಿಲ್ಲ. ಈ ಘಟನೆಯಾದ ಎರಡೇ ದಿನಕ್ಕೆ ನಾನು ಚಿತ್ರದಿಂದ ಹೊರ ನಡೆದೆ. ಈ ರೀತಿ ಮಾಡಿದ್ದಕ್ಕೆ ನಿರ್ಮಾಪಕರಿಗೆ ಹಣವನ್ನು ಮರಳಿ ನೀಡುವಂತೆ ನನ್ನ ತಂದೆ ಅಶೋಕ್​ ಚೋಪ್ರಾ ತಿಳಿಸಿದರು.

ನಟಿ ಪ್ರಿಯಾಂಕಾ ಚೋಪ್ರಾ 2002ರಲ್ಲಿ ಥಮಿಜಾನ್​ ಚಿತ್ರದ ಮೂಲಕ ಬಾಲಿವುಡ್​ ಪ್ರವೇಶಿಸಿದ್ದರು. ಆದರೆ ಅವರನ್ನು ಗುರುತಿಸುವಂತೆ ಮಾಡಿದ ಚಿತ್ರ 2003ರಲ್ಲಿ ತೆರೆಕಂಡ ಅಂದಾಜ್​. ಇದಾದ ಬಳಿಕ ಏತ್ರಾಸ್​, ಮುಜ್ಸೆ ಶಾದಿ ಕರೋಗಿ, ಫ್ಯಾಷನ್​​, ಡಾನ್​, ಬರ್ಫಿ, ಬಾಜಿರಾವ್​ ಮಸ್ತಾನಿ, ಮೇರಿ ಕೋಮ್​, ದಿ ವೈಟ್​ ಟೈಗರ್​ ಸೇರಿದಂತೆ ಹಲವು ಚಿತ್ರಗಳಲ್ಲಿ ಪ್ರಿಯಾಂಕಾ ಚೋಪ್ರಾ ನಟಿಸಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಈ ಹಿಂದೆ ಕೂಡ ತಮ್ಮ ಆರಂಭಿಕ ಸಿನಿ ಜೀವನದಲ್ಲಿ ಉಂಟಾದ ನೋವುಗಳನ್ನು ತಿಳಿಸುತ್ತಿದ್ದರು. 2002ರಲ್ಲಿ ಮಿಸ್​ ವರ್ಲ್ಡ್​ ಆದ ಬಳಿಕ ಬಾಲಿವುಡ್​ ಪ್ರವೇಶಿಸಲು ಮುಂದಾಗಿದ್ದ ಅವರು, ನಿರ್ದೇಶಕರನ್ನು ಭೇಟಿಯಾಗಿದ್ದರಂತೆ. ಆಗ ಅವರು, ಪ್ರಿಯಾಂಕಾಗೆ ತಮ್ಮ ಸ್ತನಗಳ ಗಾತ್ರವನ್ನು ಹೆಚ್ಚಿಸಿಕೊಳ್ಳುವಂತೆ ಸಲಹೆ ನೀಡಿದ್ದರು. ಆದರೆ, ಈ ನಿರ್ದೇಶಕ ಯಾರು ಎಂಬ ಬಗ್ಗೆ ಅವರು ಎಲ್ಲೂ ಬಹಿರಂಗಪಡಿಸಿರಲಿಲ್ಲ.

ಇನ್ನು ಇಷ್ಟೇ ಅಲ್ಲದೇ, ಬಾಲಿವುಡ್​ನಲ್ಲಿ ನಡೆಯುವ ಗುಂಪುಗಾರಿಕೆ ಕುರಿತು ಕೂಡ ಅವರು ಬಹಿರಂಗಪಡಿಸಿದ್ದರು. ಬಾಲಿವುಡ್​ನ ಕೆಲವು ಗುಂಪುಗಳು ತಮಗೆ ತೊಂದರೆ ನೀಡುವ ಮೂಲಕ ದುರ್ಬಲವಾಗಿಸುವ ಪ್ರಯತ್ನ ಮಾಡಿದ್ದರು. ಈ ಹಿನ್ನೆಲೆಯಲ್ಲಿ ನಾನು ಹಾಲಿವುಡ್​ಗೆ ಹಾರಿದ್ದಾಗಿ ಆಗ ನಟಿ ಪ್ರಿಯಾಂಕಾ ತಿಳಿಸಿದ್ದರು. ಇನ್ನು ನಟಿಯ ಈ ಹೇಳಿಗೆ ಕಂಗನಾ ರಣಾವತ್​​ ಕೂಡ ಧ್ವನಿಗೂಡಿಸಿದ್ದರು.

ಇದನ್ನೂ ಓದಿ: 76ನೇ ಕಾನ್​ ಚಲನಚಿತ್ರೋತ್ಸವ: ಅನುಷ್ಕಾ ವಿರಾಟ್​ ಜೋಡಿ ಮುಂಬೈ ಟು ಫ್ರಾನ್ಸ್ ಪ್ರಯಾಣ