ಸೆಲೆಬ್ರಿಟಿಗಳನ್ನು ಕಂಡೊಡನೆ ಅವರ ಫೋಟೋ, ವಿಡಿಯೋ ಸೆರೆ ಹಿಡಿಯುವುದು ಸಾಮಾನ್ಯವಾಗಿಬಿಟ್ಟಿದೆ. ಅದ್ರಲ್ಲೂ ಹೆಚ್ಚಾಗಿ ಬಾಲಿವುಡ್ ಮಂದಿ ಪಾಪರಾಜಿಗಳ ಕ್ಯಾಮರಾದೊಳಗೆ ಸೆರೆಯಾಗುತ್ತಿರುತ್ತಾರೆ. ಯಾವುದೇ ಈವೆಂಟ್ ಅಥವಾ ಏರ್ಪೋರ್ಟ್ಗಳಲ್ಲಿ ಸೆಲೆಬ್ರಿಟಿಗಳ ಚಲನವಲನಗಳನ್ನು ಸೆರೆಹಿಡಿಯುವ ಅವಕಾಶವನ್ನು ಕ್ಯಾಮರಾಮ್ಯಾನ್ಗಳು ತಪ್ಪಿಸಿಕೊಳ್ಳುವುದಿಲ್ಲ.
ಪಾಪರಾಜಿಗಳ ಈ ನಡೆ ಬಾಲಿವುಡ್ ತಾರೆಯರಿಗೆ ಅಭ್ಯಾಸವಾಗಿದೆಯಾದರೂ, ಕೆಲವೊಮ್ಮೆ ಕಿರಿಕಿರಿ ಅನಿಸೋದುಂಟು. ಅಂತಹದ್ದೇ ಒಂದು ಘಟನೆ ಇತ್ತೀಚೆಗೆ ನಡೆದಿದೆ. ಅದ್ಧೂರಿ ಮದುವೆಗೆ ಸಜ್ಜಾಗುತ್ತಿರುವ ಬಾಲಿವುಡ್ ನಟಿ ಪರಿಣಿತಿ ಮುಂಬೈನಲ್ಲಿ ಕಾಣಿಸಿಕೊಂಡಿದ್ದರು. ತಕ್ಷಣ ಅವರ ವಿಡಿಯೋ ಮಾಡಲು ತೆರಳಿದ ಪಾಪರಾಜಿಗಳ ಮೇಲೆ ನಟಿ ಅಸಮಾಧಾನಗೊಂಡರು. ನಾನು ನಿಮ್ಮನ್ನು ಆಹ್ವಾನಿಸಿಲ್ಲ ಎಂದುಬಿಟ್ಟರು. ಅಷ್ಟೇ ಅಲ್ಲ, ಫೋಟೋ, ವಿಡಿಯೋ ಮಾಡಬೇಡಿ ಎಂದು ಗರಂ ಆದರು.
ವಿಡಿಯೋ ಸಾರಾಂಶ: ಸಾಮಾಜಿಕ ಜಾಲತಾಣದಲ್ಲಿ ಪರಿಣಿತಿ ಚೋಪ್ರಾ ಮಾತನಾಡುವ ಈ ವಿಡಿಯೋ ವೈರಲ್ ಆಗಿದೆ. 'ಇಶಕ್ಜಾದೆ' ಸಿನಿಮಾ ನಟಿ ಕಾರಿನಿಂದ ಹೊರಬರುತ್ತಿದ್ದಂತೆ ಪಾಪರಾಜಿಗಳು ಫೋಟೋ, ವಿಡಿಯೋ ಕ್ಲಿಕ್ಕಿಸಲು ಮುಂದಾಗಿದ್ದಾರೆ. ಇದು ನಟಿಯ ಪಿತ್ತ ನೆತ್ತಿಗೇರಿಸಿದೆ.
ಈ ಸಂದರ್ಭದಲ್ಲಿ ನಟಿ ಬ್ಲ್ಯೂ ಜೀನ್ಸ್, ಬ್ಲ್ಯೂ ಆ್ಯಂಡ್ ರೆಡ್ ಲೈನ್ ಟೀ ಶರ್ಟ್ ಧರಿಸಿದ್ದರು. ಪರಿಣಿತಿ ಯಾವುದೋ ಒಂದು ಸ್ಥಳದ ಒಳಾಂಗಣಕ್ಕೆ ಹೋಗಲು ಬಹಳ ವೇಗವಾಗಿ ಮುನ್ನಡೆದರು. ಪಾಪರಾಜಿಗಳು ಹಿಂಬಾಲಿಸಲು ಯತ್ನಿಸಿದರು.
'ನಾನು ನಿಮ್ಮನ್ನು ಆಹ್ವಾನಿಸಿಲ್ಲ':ಈ ಸಂದರ್ಭದಲ್ಲಿ ನಟಿ, ತನ್ನ ಫೋಟೋ, ವಿಡಿಯೋ ತೆಗೆಯದಂತೆ ಕೈ ಜೋಡಿಸಿ ಕೇಳಿಕೊಂಡರು. "ನಹೀ ಬುಲಾಯಾ ಆಪ್ಕೋ ಮೈನೆ ಯಾರ್" (ನಾನು ನಿಮ್ಮನ್ನು ಆಹ್ವಾನಿಸಿಲ್ಲ) ಎಂದು ಕೆಂಗಣ್ಣು ಬೀರಿದರು. ಬಳಿಕ ನಾನು ನಿಮ್ಮಲ್ಲಿ ವಿನಂತಿ ಮಾಡಿಕೊಳ್ಳುತ್ತಿದ್ದೇನೆ, ದಯವಿಟ್ಟು ನಿಲ್ಲಿಸಿ ಎಂದು ಮನವಿ ಮಾಡಿದರು.
ನಟಿಯ ನಡೆಗೆ ಮಿಶ್ರ ಪ್ರತಿಕ್ರಿಯೆ: ವಿಡಿಯೋ ವೈರಲ್ ಆಗುತ್ತಿದ್ದಂತೆ ಅಭಿಮಾನಿಗಳು ಮತ್ತು ನೆಟ್ಟಿಗರು ಪ್ರತಿಕ್ರಿಯೆ ವ್ಯಕ್ತಪಡಿಸಲು ಆರಂಭಿಸಿದ್ದಾರೆ. ಕಾಮೆಂಟ್ ವಿಭಾಗದಲ್ಲಿ ಬಹುತೇಕರು ಪರಿ ಎಂದು ಬರೆದು ಬೇಸರದ ಎಮೋಜಿ ಹಾಕಿದ್ದಾರೆ. ಸೋಷಿಯಲ್ ಮೀಡಿಯಾ ಬಳಕೆದಾರರೋರ್ವರು ಪ್ರತಿಕ್ರಿಯಿಸಿ, ಅವರು ನಿಜವಾಗಿಯೂ ಸಿಟ್ಟಾಗಿದ್ದಾರೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ:ಹೆಚ್ಚಿನ ಸೆಲ್ಫಿಗೆ ನಿರಾಕರಿಸಿದ ನಟನ ಮೇಲೆ ಬಾಟಲ್ ಎಸೆದ ಅಭಿಮಾನಿ: ವಿಡಿಯೋ ವೈರಲ್
ನಟಿಯ ಸಿನಿಮಾ ವಿಚಾರ ಗಮನಿಸುವುದಾದರೆ, 'ಮಿಷನ್ ರಾಣಿಗಂಜ್: ದ ಗ್ರೇಟ್ ಭಾರತ್ ರೆಸ್ಕ್ಯೂ' ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಕ್ಷಯ್ ಕುಮಾರ್ ಜೊತೆ ಅಭಿನಯಿಸುತ್ತಿದ್ದಾರೆ. ಟಿನು ಸುರೇಶ್ ನಿರ್ದೇಶನದ ಈ ಸಿನಿಮಾ ನೈಜ ಘಟನೆಗಳನ್ನು ಆಧರಿಸಿವೆ ಎಂದು ಚಿತ್ರತಂಡ ತಿಳಿಸಿದೆ. ಅಕ್ಟೋಬರ್ 6 ರಂದು ಚಿತ್ರಮಂದಿರಗಳಲ್ಲಿ ಸಿನಿಮಾ ತೆರೆಕಾಣಲಿದೆ. ಕೊನೆಯದಾಗಿ ಇವರು ಕೋಡ್ ನೇಮ್: ತಿರಂಗಾ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಆದ್ರೆ ಈ ಚಿತ್ರ ನಿರೀಕ್ಷಿತ ಮಟ್ಟದಲ್ಲಿ ಯಶಸ್ಸು ಗಳಿಸಲಿಲ್ಲ.
ಇದನ್ನೂ ಓದಿ:Tiger vs Pathaan: ಬರಲಿದೆ ಟೈಗರ್ vs ಪಠಾಣ್ ಸಿನಿಮಾ - ಸಲ್ಲು, ಎಸ್ಆರ್ಕೆ ಸ್ಕ್ರೀನ್ ಶೇರ್
