'ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿ' ಸಿನಿಮಾ ಯಶಸ್ಸು ಮತ್ತು 'ಹಾರ್ಟ್ ಆಫ್ ಸ್ಟೋನ್' ಚಿತ್ರದ ಮೂಲಕ ಹಾಲಿವುಡ್ನಲ್ಲಿ ಮೊದಲ ಬಾರಿಗೆ ಛಾಪು ಮೂಡಿಸಿದ ಬಾಲಿವುಡ್ ನಟಿ ಆಲಿಯಾ ಭಟ್, ಇದೀಗ ರಜೆ ಮೂಡ್ನಲ್ಲಿದ್ದಾರೆ. ತಮ್ಮ ಬಿಡುವಿಲ್ಲದ ಕೆಲಸದ ಜಂಜಾಟ ಮತ್ತು ಕುಟುಂಬದಿಂದ ಕೊಂಚ ವಿರಾಮ ಪಡೆದಿರುವ ನಟಿ ಸದ್ಯ ನ್ಯೂಯಾರ್ಕ್ನಲ್ಲಿ ರಿಲಾಕ್ಸ್ ಮೂಡ್ನಲ್ಲಿ ಕಾಲ ಕಳೆಯುತ್ತಿದ್ದಾರೆ. ಈ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ತಾವು ತಂಗಿರುವ ಹೊಟೇಲ್ನಲ್ಲಿರುವ ಈಜುಕೊಳದಲ್ಲಿನ ಚಿತ್ರವನ್ನು ಹಂಚಿಕೊಂಡಿದ್ದು, ವಾಟರ್ ಬೇಬಿಯಾಗಿ ಕಾಣಿಸಿಕೊಂಡಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿನ ಈ ಫೋಟೋವನ್ನು ಹಂಚಿಕೊಂಡಿರುವ ಅವರು ಡಿಎನ್ಡಿ ಎಂದು ಅಡಿ ಬರೆದು ಸ್ಲೀಪಿಂಗ್ ಎಮೋಜಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಆಲಿಯಾ ಕಡು ಗುಲಾಬಿ ಸ್ವಿಮ್ಸೂಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಆಲಿಯಾ ವಿಶ್ರಾಂತಿ ಮೂಡ್ನಲ್ಲಿದ್ದು, ಶಾಂತ ಸ್ಥಿತಿಯಲ್ಲಿದ್ದಾರೆ. ವಿಡಿಯೋದಲ್ಲಿ ನನ್ನ 'ಈ ದಿನದ ದಿನಚರಿ ರಜೆ... ಅಷ್ಟೇ. ಅದು ನನ್ನ ದಿನಚರಿ' ಎಂದು ಬರೆದುಕೊಂಡಿದ್ದಾರೆ.
ನಟಿ ಆಲಿಯಾ ವಿಡಿಯೋ ಹಂಚಿಕೊಳ್ಳುತ್ತಿದ್ದಂತೆ, ಸಾಮಾಜಿಕ ಮಾಧ್ಯಮ ಬಳಕೆದಾರರು ಕಮೆಂಟ್ಗಳ ಸುರಿಮಳೆಯನ್ನೇ ಹರಿಸಿದ್ದು, ಈ ಮೂಲಕ ನಟಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 'ನನಗೂ ಕೂಡಾ ತೇಲುವುದು ಇಷ್ಟ' ಎಂದು ನೆಟಿಜನ್ ಒಬ್ಬರು ಬರೆದಿದ್ದಾರೆ. ಮತ್ತೊಬ್ಬರು 'ಇದು ಸುಂದರ. ಲವ್ ಇಟ್. ಸ್ಪೂರ್ತಿದಾಯಕ ಮತ್ತು ಪರ್ಫೆಕ್ಟ್' ಎಂದಿದ್ದಾರೆ. ಮತ್ತೊಬ್ಬರು 'ವಾಟರ್ ಬೇಬಿ' ಎಂದು ಕರೆದಿದ್ದಾರೆ. ಮತ್ತೊಬ್ಬ ಅಭಿಮಾನಿ 'ಕ್ಯೂಟ್ ಕ್ಯೂಟಿ ನೀನು. ನನ್ನ ವಾಟರ್ ಬೇಬಿ' ಎಂದಿದ್ದಾರೆ. ನಟ ಅರ್ಜುನ್ ಕಪೂರ್ ಕೂಡ ಕಮೆಂಟ್ ಮಾಡಿದ್ದು, ಈ ಶೆಡ್ಯೂಲ್ ನನಗೆ ಬೇಕಿದೆ ಮತ್ತು ಈ ಹೋಟೆಲ್ ನನ್ನ ಜೀವನ ಎಂದಿದ್ದಾರೆ.
ಇತ್ತೀಚಿಗೆ ನಟಿ ಆಲಿಯಾ ಭಟ್, ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಚಿತ್ರದಲ್ಲಿ ನಟಿಸಿದ್ದು, ಈ ಚಿತ್ರ 343.98 ಕೋಟಿ ರೂಗಳ ಗಳಿಕೆ ಮಾಡಿದೆ. ಕರಣ್ ಜೋಹರ್ ನಿರ್ದೇಶನದ ಈ ಚಿತ್ರದಲ್ಲಿ ಬಹು ತಾರಾಗಣದಲ್ಲಿ ನಟಿಸಿದ್ದರು. ಸದ್ಯ ಓಟಿಟಿ ಫ್ಲಾಟ್ಫಾರ್ಮ್ನಲ್ಲಿ ಕೂಡ ಚಿತ್ರ ಬಿಡುಗಡೆಗೊಂಡಿದ್ದು, ಅಮೆಜಾನ್ ಪ್ರೈಂ ವಿಡಿಯೋದಲ್ಲಿ ಈ ಸಿನಿಮಾ ಲಭ್ಯವಿದೆ. ಸದ್ಯ ಈ ಚಿತ್ರ ಅಮೆಜಾನ್ನಲ್ಲಿ 30 ದಿನದ ರೆಂಟ್ ಲಭ್ಯವಿದೆ. ಶೀಘ್ರದಲ್ಲೇ ಚಾರ್ಜ್ ಇಲ್ಲದೇ ಇತರ ಗ್ರಾಹಕರಿಗೂ ಲಭ್ಯವಾಗಲಿದೆ.
ಇದನ್ನೂ ಓದಿ: ಅಭಿಮಾನಿ ಕೆನ್ನೆಗೆ ಪ್ರೀತಿಯ ಪೆಟ್ಟು ಕೊಟ್ಟ ನಟಿ ರೇಖಾ: ವಿಡಿಯೋ ವೈರಲ್
