ಗಾಡ್ ಫಾದರ್ ಇಲ್ಲದಿದ್ರೂ, ಹಲವು ಏರಿಳಿತಗಳ ನಡುವೆ ಅಮೋಘ ಅಭಿನಯ ಮಾಡಿ, ಅಭಿಮಾನಿಗಳಿಗೆ ಅತ್ಯುತ್ತಮ ಸಿನಿಮಾಗಳನ್ನು ಕೊಟ್ಟು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಶೈನ್ ಆಗುತ್ತಿರುವ ಸ್ಯಾಂಡಲ್ವುಡ್ ನಟ ಕಿಚ್ಚ ಸುದೀಪ್. ಕಿಚ್ಚ, ಅಭಿನಯ ಚಕ್ರವರ್ತಿ, ಹೆಬ್ಬುಲಿ ಹೀಗೆ ಹಲವಾರು ಹೆಸರುಗಳಿಂದ ಕರೆಸಿಕೊಂಡಿರುವ ನಟ. ಸುದೀಪ್ ಲೈಫ್ ಸ್ಟೈಲ್ ಹಾಗೂ ಫಿಟ್ನೆಸ್ಗೆ ಬೋಲ್ಡ್ ಆಗಿರುವವರ ಸಂಖ್ಯೆ ಅಪಾರ. 50ರ ಹೊಸ್ತಿಲಲ್ಲಿರೋ ಕಿಚ್ಚನ ಎನರ್ಜಿಗೆ ಸಾಟಿ ಯಾರು?.
ಯುವಕನಂತೆ ಆಕರ್ಷಿಸುವ ಕಿಚ್ಚನ ಫಿಟ್ನೆಸ್ ಸೀಕ್ರೆಟ್ ಏನಪ್ಪಾ ಅನ್ನೋದು ಅವರನ್ನು ಪ್ರೀತಿಸುವ ಕೋಟ್ಯಂತರ ಅಭಿಮಾನಿಗಳು ಮತ್ತು ಸಿನಿಮಾ ಮಂದಿಯ ಪ್ರಶ್ನೆ. ಸ್ವತಃ ಕಿಚ್ಚ ಅವರೇ ಈಟಿವಿ ಭಾರತ ಜೊತೆ ಮಾತನಾಡಿ ಕೆಲ ಮಾಹಿತಿ ಹಂಚಿಕೊಂಡಿದ್ದಾರೆ. ಕಿಚ್ಚ ತಮ್ಮ ಮೊದಲ ಸ್ಪರ್ಶ ಸಿನಿಮಾದಲ್ಲಿ ಇದ್ದಂತೆಯೇ ಈಗಲೂ ಇದ್ದಾರೆ. ಕೊಂಚ ಮೀಸೆ ಗಡ್ಡ ಬಿಟ್ಟಿದ್ದಾರೆ ಅನ್ನೋದಷ್ಟೇ ವ್ಯತ್ಯಾಸ. ಇತ್ತೀಚಿನ ಪೈಲ್ವಾನ್ ಚಿತ್ರದ ನಂತರ ಜಿಮ್ನಲ್ಲಿ ವರ್ಕ್ ಔಟ್ ಶುರು ಮಾಡಿರೋ ಕಾರಣ ಈ ವಯಸ್ಸಿನಲ್ಲೂ ಸಖತ್ ಫಿಟ್ ಆಗಿ ಕಾಣ್ತಾರೆ.
ಸಿನಿಮಾ, ಬ್ಯುಸಿ ಶೆಡ್ಯೂಲ್ ಗಮನಿಸಿದವರು ಹೇಗೆ ಫಿಟ್ನೆಸ್ ಮ್ಯಾನೇಜ್ ಮಾಡ್ತಿದ್ದಾರೆ ಅಂತಾ ಕೇಳೋದು ಸಹಜ. ಆದ್ರೆ ಅವರ ಅರೋಗ್ಯದ ಗುಟ್ಟು ಅರೋಗ್ಯಕರ ದಿನಚರಿ ಅನ್ನೋದು ಉತ್ತರ. ಸಾಮಾನ್ಯವಾಗಿ ಸ್ಟಾರ್ ನಟರು ಸಖತ್ ಬ್ಯಸಿಯಾಗಿರುತ್ತಾರೆ. ಪಾರ್ಟಿ, ಪ್ರೋಗ್ರಾಂ ಅಂತಾ ಲೇಟ್ ನೈಟ್ ಮನೆ ತಲುಪುತ್ತಾರೆ. ಯಾವಾಗ ಟೈಮ್ ಸಿಗುತ್ತೋ ಆಗ ಜಿಮ್, ಗ್ಯಾಪ್ನಲ್ಲಿ ಊಟ ತಿಂಡಿ ಮಾಡ್ತಾರೆ ಅಂತಾ ಜನ ಅಂದಾಜು ಮಾಡ್ತಾರೆ. ಅಲ್ಲದೇ ಕೆಲ ನಟರ ಲೈಫ್ ಸ್ಟೈಲ್ ಕೂಡಾ ಅದೇ ರೀತಿ ಇರುತ್ತೆ. ಅದರೆ ಕಿಚ್ಚ ಸುದೀಪ್ ಅವರ ಲೈಫ್ ಸ್ಟೈಲ್ ನಿಜಕ್ಕೂ ಅಚ್ಚರಿಯಾಗಿದೆ. ಸುದೀಪ್ ಫಿಟ್ನೆಸ್ ಸೀಕ್ರೆಟ್ ಬಗ್ಗೆ ಸ್ವತಃ ಕಿಚ್ಚ ಅವರೇ ಈಟಿವಿ ಭಾರತ ಜೊತೆ ಹಂಚಿಕೊಂಡಿದ್ದಾರೆ.
ಹೌದು ಕಿಚ್ಚ ಅವರೇ ಹೇಳಿದಂತೆ, ಬೆಳಗ್ಗೆ 5 ಗಂಟೆಗೆ ಎದ್ದು ಆ್ಯಕ್ಟೀವ್ ಆಗುವ ಕಿಚ್ಚ 6 ಗಂಟೆ ವೇಳೆಗೆ ಬೆಳಗ್ಗಿನ ಉಪಹಾರ ಮುಗಿಸಿ ಬಿಡ್ತಾರೆ. ಅದಾದ ನಂತರ ಕೊಂಚ ರಿಲ್ಯಾಕ್ಸ್. ಬಳಿಕ ಸಿನಿಮಾ ಕೆಲಸದಲ್ಲಿ ಬ್ಯುಸಿಯಾಗುವ ಕಿಚ್ಚ 11 ಗಂಟೆ ವೇಳೆಗೆ ಊಟ ಮುಗಿಸಿ ಮತ್ತೆ ಸಿನಿಮಾ ಕೆಲಸದಲ್ಲಿ ಬ್ಯುಸಿಯಾಗುತ್ತಾರೆ. ಇದರ ನಡುವೆ ಕ್ರಿಕೆಟ್, ಜಿಮ್ ಆಕ್ಟೀವಿಟೀಸ್ನಲ್ಲಿ ಬ್ಯುಸಿಯಾಗುವ ಕಿಚ್ಚ ಮಧ್ಯಾಹ್ನದ ವೇಳೆ ನಿದ್ದೆ ಮಾಡೋದು ತೀರಾ ಕಮ್ಮಿ ಅಂತಾರೆ.