ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ಬಾಸ್ನ 9ನೇ ಆವೃತ್ತಿ' ಶೀಘ್ರದಲ್ಲೇ ಆರಂಭಗೊಳ್ಳುವ ಸಾಧ್ಯತೆ ಇದೆ. ಇದಕ್ಕೆ ಸಂಬಂಧಿಸಿದಂತೆ ನಟ ಕಿಚ್ಚ ಸುದೀಪ್ ಖುದ್ದಾಗಿ ಮಾಹಿತಿ ಹಂಚಿಕೊಂಡಿದ್ದಾರೆ. ಟ್ವೀಟ್ ಮಾಡಿರುವ ಅವರು, ಪ್ರೊಮೊ ಚಿತ್ರೀಕರಣ ಪೂರ್ಣಗೊಳಿಸಿರುವುದಾಗಿ ಹೇಳಿಕೊಂಡಿದ್ದಾರೆ.
ಸುದೀಪ್ ಟ್ವೀಟ್ ಇಂತಿದೆ: 'ಬಿಗ್ಬಾಸ್ ಕನ್ನಡದ ಹೊಸ ಆವೃತ್ತಿಯ ಪ್ರೊಮೊ ಶೂಟಿಂಗ್ ಅತ್ಯಾಕರ್ಷಕ(Exciting promo) ಆಗಿತ್ತು. ಇಡೀ ತಂಡದ ಪ್ರಯತ್ನಕ್ಕೆ ಧನ್ಯವಾದಗಳು. ಚಿತ್ರೀಕರಣದಲ್ಲಿ ಭಾಗವಹಿಸಿರುವ ಎಲ್ಲ ವ್ಯಕ್ತಿಗಳಿಗೂ ಧನ್ಯವಾದಗಳು. ನೀವೆಲ್ಲರೂ.. ಶೀಘ್ರದಲ್ಲೇ ಪ್ರೊಮೊಗಾಗಿ ಎದುರುನೋಡಬಹುದು' ಎಂದು ಹೇಳಿದ್ದಾರೆ.
ಕೋವಿಡ್ನಿಂದಾಗಿ 2020ರಲ್ಲಿ ಬಿಗ್ಬಾಸ್ ರಿಯಾಲಿಟಿ ಶೋ ನಡೆದಿರಲಿಲ್ಲ. ಆದರೆ, 2021ರಲ್ಲಿ 8ನೇ ಆವೃತ್ತಿ ನಡೆಸಲಾಗಿತ್ತು. ಕೋವಿಡ್ನ 2ನೇ ಅಲೆಯ ಕಾರಣ ಅರ್ಧಕ್ಕೆ ಮೊಟಕಗೊಂಡಿದ್ದ ಶೋ ತದ ನಂತರ ಪೂರ್ಣಗೊಳಿಸಲಾಗಿತ್ತು. ಈ ಆವೃತ್ತಿಯಲ್ಲಿ ಹಿರಿಯ ನಟ ಶಂಕರ್ ಅಶ್ವತ್ಥ, ಶುಭಾ ಪೂಂಜಾ, ನಿಧಿ ಸುಬ್ಬಯ್ಯ, ವೈಷ್ಣವಿ ಗೌಡ, ಗೀತಾ ಭಾರತಿ ಭಟ್, ಮಂಜು ಪಾವಗಡ, ದಿವ್ಯಾ ಉರುಡುಗ, ದಿವ್ಯಾ ಸುರೇಶ್, ರಘು ಗೌಡ, ಪ್ರಶಾಂತ್ ಸಂಬರಗಿ, ಅರವಿಂದ್ ಕೆಪಿ ಸೇರಿದಂತೆ 17 ಸ್ಪರ್ಧಿಗಳು ಭಾಗಿಯಾಗಿದ್ದರು. ಈ ವೇಳೆ ಮಜಾಭಾರತ ಖ್ಯಾತಿಯ ಮಂಜು ಪಾವಗಡ ವಿನ್ನರ್ ಆದರೆ, ಅರವಿಂದ್ ರನ್ನರ್ ಅಪ್ ಆಗಿದ್ದರು.
ಇದನ್ನೂ ಓದಿರಿ:ನಟ ಸುಶಾಂತ್ ಸಿಂಗ್‌ಗೆ ಗಾಂಜಾ ನಶೆ ಏರಿಸಿದ್ದೇ ರಿಯಾ ಚಕ್ರವರ್ತಿ: ಎನ್ಸಿಬಿ ಚಾರ್ಜ್ಶೀಟ್ ಸಲ್ಲಿಕೆ
ಸದ್ಯ ಸುದೀಪ್ ನಟನೆಯ ವಿಕ್ರಾಂತ್ ರೋಣ ಚಿತ್ರ ತೆರೆ ಕಾಣಬೇಕಾಗಿದೆ. ಇದರ ಮಧ್ಯೆ, ಸುದೀಪ್ ಬಿಗ್ಬಾಸ್ ಪ್ರೊಮೊ ಶೂಟಿಂಗ್ ಮುಗಿಸಿದ್ದು, ಲಭ್ಯವಾಗಿರುವ ಮಾಹಿತಿ ಪ್ರಕಾರ ಆಗಸ್ಟ್ ತಿಂಗಳಲ್ಲಿ ಇದು ಆರಂಭಗೊಳ್ಳುವ ಸಾಧ್ಯತೆ ಇದೆ.