'ವಿಕ್ರಾಂತ್​ ರೋಣ' ಟ್ರೈಲರ್​ ಹಂಚಿಕೊಂಡು ಸಿನಿಮಾ ವೀಕ್ಷಿಸುವಂತೆ ಅಮಿತಾಬ್​ ಬಚ್ಚನ್​ ಮನವಿ

ಬಿಟೌನ್ ಬಿಗ್ ಸ್ಟಾರ್ ಅಮಿತಾಬ್​ ಬಚ್ಚನ್ ಅವರು ನಟ ಕಿಚ್ಚ ಸುದೀಪ್ ಅಭಿನಯದ ಬಹುನಿರೀಕ್ಷಿತ 'ವಿಕ್ರಾಂತ್ ರೋಣ' ಚಿತ್ರದ ಟ್ರೈಲರ್ ಹಂಚಿಕೊಳ್ಳುವ ಮೂಲಕ ಪ್ರೋತ್ಸಾಹಿಸಿದ್ದಾರೆ.

ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ ಕಿಚ್ಚ ಸುದೀಪ್ ಅಭಿನಯದ 'ವಿಕ್ರಾಂತ್​ ರೋಣ' ಜುಲೈ 28ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲು ಸಜ್ಜಾಗಿದೆ. ಚಿತ್ರಕ್ಕೆ ಇದೀಗ ಬಾಲಿವುಡ್​​ನ ಜನಪ್ರಿಯ ಹಿರಿಯ ನಟ ಅಮಿತಾಬ್​ ಬಚ್ಚನ್ ಬೆಂಬಲ ಸಿಕ್ಕಿದೆ.

ಟ್ವಿಟರ್ ಮೂಲಕ 'ವಿಕ್ರಾಂತ್​ ರೋಣ'ದ ಎಲ್ಲ ಭಾಷೆಯ ಟ್ರೈಲರ್​​ ಶೇರ್ ಮಾಡಿರುವ ಅವರು, ಕನ್ನಡದ ಸ್ಟಾರ್ ನಟ ಸುದೀಪ್ ನಟನೆಯ ಸಿನಿಮಾ ಐದು ಭಾಷೆಗಳಲ್ಲಿ ಜುಲೈ 28ರಂದು ರಿಲೀಸ್​​ ಆಗಲಿದೆ. ಅಭಿಮಾನಿಗಳು ಚಿತ್ರ ವೀಕ್ಷಿಸುವಂತೆ ಮನವಿ ಮಾಡಿದ್ದಾರೆ. ಬಚ್ಚನ್​ ಟ್ವೀಟ್​ಗೆ ಸುದೀಪ್​ ಧನ್ಯವಾದ ತಿಳಿಸಿದ್ದಾರೆ.

ಸುದೀಪ್​ ಹಾಗೂ ಅಮಿತಾಬ್​ ಬಚ್ಚನ್​ ಈ ಹಿಂದೆ ರಾಮ್​ಗೋಪಾಲ್​ ವರ್ಮಾ ನಿರ್ದೇಶನದ ಹಿಂದಿಯ 'ರಣ್'​ ಸಿನಿಮಾದಲ್ಲಿ ನಟಿಸಿದ್ದರು.

ವಿಕ್ರಾಂತ್‌ ರೋಣಾದಲ್ಲಿ ಬಾಲಿವುಡ್ ನಟಿ ಜಾಕ್ವೆಲಿನ್​ ಫರ್ನಾಂಡಿಸ್​, ನಿರೂಪ್ ಭಂಡಾರಿ ಹಾಗೂ ನೀತಾ ಅಶೋಕ್​ ಅಭಿನಯಿಸಿದ್ದಾರೆ. ಕನ್ನಡದ ಜೊತೆಗೆ ಹಿಂದಿ, ತಮಿಳು, ತೆಲುಗು ಹಾಗೂ ಇಂಗ್ಲಿಷ್​ ಭಾಷೆಗಳಲ್ಲೂ ಸಿನಿಮಾ ತೆರೆ ಕಾಣಲಿದೆ.

ಇದನ್ನೂ ಓದಿ:'ವಿಕ್ರಾಂತ್ ರೋಣ' ಟ್ರೈಲರ್‌ಗೆ ಶಿವಣ್ಣ, ರವಿಚಂದ್ರನ್‌, ರಮೇಶ್‌ ಅರವಿಂದ್‌ ಫಿದಾ! ಹೇಳಿದ್ದೇನು?- ವಿಡಿಯೋ

ಕನ್ನಡ ಚಿತ್ರರಂಗವಲ್ಲದೇ ಭಾರತೀಯ ಸಿನಿಮಾರಂಗದ ಬಹುನಿರೀಕ್ಷಿತ ಸಿನಿಮಾ 'ವಿಕ್ರಾಂತ್ ರೋಣ'ದಲ್ಲಿ ಕಿಚ್ಚ ಸುದೀಪ್ ಡೇರಿಂಗ್ ಪೊಲೀಸ್ ಆಫೀಸರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದ 'ರಾ ರಾ ರಕ್ಕಮ್ಮ..' ಹಾಡು ಈಗಾಗಲೇ ಭಾರಿ ಸದ್ದು ಮಾಡಿದೆ.