ಮುಂಬೈ (ಮಹಾರಾಷ್ಟ್ರ): ಗರ್ಭಿಣಿಯಾಗಿರುವ ಬಾಲಿವುಡ್ ತಾರೆ ಸೋನಂ ಕಪೂರ್ ಅವರ ಸೀಮಂತ ಕಾರ್ಯಕ್ರಮವು ಇತ್ತೀಚೆಗೆ ಲಂಡನ್ನಲ್ಲಿ ನಡೆಯಿತು. ಪತಿ ಆನಂದ ಅಹುಜಾ ಅವರೊಂದಿಗೆ ಹೊಸ ಮಗುವಿನ ಆಗಮನದ ನಿರೀಕ್ಷೆಯಲ್ಲಿರುವ ಸೋನಂ ಕಪೂರ್ ತಮ್ಮ ಅದ್ದೂರಿ ಸೀಮಂತ ಕಾರ್ಯದ ಖುಷಿಯ ಚಿತ್ರಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಸೋನಂ ಅವರ ಸಹೋದರಿ ರಿಯಾ ಕಪೂರ್ ಸೇರಿದಂತೆ ಹಲವಾರು ಗಣ್ಯರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.
ಲಂಡನ್ನಲ್ಲಿರುವ ತಮ್ಮ ಮನೆಯ ಗಾರ್ಡನ್ನಲ್ಲಿ ಸೀಮಂತ ಕಾರ್ಯ ನಡೆದಿರುವುದು ಈ ಚಿತ್ರಗಳಿಂದ ಸ್ಪಷ್ಟವಾಗುತ್ತದೆ. ಆಗಮಿಸಿದ ಪ್ರತಿಯೊಬ್ಬ ಅತಿಥಿಗೂ ವಿಶೇಷವಾದ ಖಾದ್ಯಗಳನ್ನು ತಯಾರಿಸಲಾಗಿತ್ತು ಹಾಗೂ ಹಲವಾರು ಅಂದವಾದ ವಸ್ತುಗಳನ್ನು ಕಾಣಿಕೆಯಾಗಿ ನೀಡಲಾಯಿತು.
ರಿಯಾ ಕಪೂರ್ ಸಹ ತಮ್ಮ ಇನ್ ಸ್ಟಾ ನಲ್ಲಿ ಚಿತ್ರವೊಂದನ್ನು ಹಂಚಿಕೊಂಡಿದ್ದು, ಅದರಲ್ಲಿ ತಮ್ಮ ಹೆಸರಿನೊಂದಿಗೆ - ಎಷ್ಟೊಂದು ಸುಂದರವಾದ ಸೀಮಂತ ಕಾರ್ಯಕ್ರಮ- ಎಂದು ಬರೆದುಕೊಂಡಿದ್ದಾರೆ.
ಕಾರ್ಯಕ್ರಮದ ಹಲವಾರು ಅದ್ದೂರಿ ಸಿಂಗಾರದ ಚಿತ್ರಗಳನ್ನು ಸಹ ರಿಯಾ ಹಂಚಿಕೊಂಡಿದ್ದಾರೆ. ಇನ್ನು ಚಿತ್ರಗಳಲ್ಲಿ ಸೋನಂ ಕಪೂರ್ ಗುಲಾಬಿ ವರ್ಣದ ಸುಂದರವಾದ ಉಡುಪು ಧರಿಸಿರುವುದು ಕಾಣಿಸುತ್ತದೆ.