ಬಾಲಿವುಡ್ ನಟಿ ಕಂಗನಾ ರಣಾವತ್ ಮುಖ್ಯಭೂಮಿಕೆಯ 'ತೇಜಸ್' ಸಿನಿಮಾ ಅಕ್ಟೋಬರ್ 27ರಂದು ಚಿತ್ರಮಂದಿರಗಳಲ್ಲಿ ತೆರೆಕಂಡಿದೆ. ಬಿಡುಗಡೆಗೂ ಮುನ್ನ ಸಖತ್ ಸದ್ದು ಮಾಡಿದ್ದ ಸಿನಿಮಾ, ಸಾಧಾರಣ ಅಂಕಿ ಅಂಶಗಳೊಂದಿಗೆ ಬಾಕ್ಸ್ ಆಫೀಸ್ ಪ್ರಯಾಣ ಆರಂಭಿಸಿದೆ. ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಮಿಶ್ರ ಪ್ರತಿಕ್ರಿಯೆ ಸ್ವೀಕರಿಸಿದೆ.
ಕಂಗನಾ ರಣಾವತ್ ಮನವಿ:ತೇಜಸ್ ಸಿನಿಮಾ ತೆರೆಕಂಡ ಮೊದಲ ದಿನ 1.25 ಕೋಟಿ ರೂ. ಗಳಿಸಿದೆ. ಎರಡನೇ ದಿನ ಚಿತ್ರ 1.31 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ನಾಯಕ ನಟಿ ಕಂಗನಾ ರಣಾವತ್ ವಿಡಿಯೋ ಶೇರ್ ಮಾಡಿದ್ದು, ಅದರಲ್ಲಿ ಅಭಿಮಾನಿಗಳಿಗೆ ಥಿಯೇಟರ್‌ಗಳಿಗೆ ಹೋಗಿ 'ತೇಜಸ್' ವೀಕ್ಷಿಸುವಂತೆ ಹೇಳಿದ್ದಾರೆ.
'ತೇಜಸ್' ಬಾಕ್ಸ್ ಆಫೀಸ್ ಪ್ರಯಾಣ: ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ ಮೊದಲ ದಿನ 1.25 ಕೋಟಿ ರೂ., ಎರಡನೇ ದಿನ 1.31 ಕೋಟಿ ರೂ. ಕಲೆಕ್ಷನ್ ಮಾಡಿದ್ದು, ಮೂರನೇ ದಿನ 1.18 ಕೋಟಿ ರೂ. ಗಳಿಸಬಹುದು ಎಂದು ಅಂದಾಜಿಸಲಾಗಿದೆ. ಈ ಮೂಲಕ ಚಿತ್ರದ ಒಟ್ಟು ಕಲೆಕ್ಷನ್ 3.74 ಕೋಟಿ ರೂ. ಆಗಲಿದೆ.
12th ಫೇಲ್ ಕಲೆಕ್ಷನ್: 'ತೇಜಸ್' ಸಿನಿಮಾ ಜೊತೆ '12th ಫೇಲ್' ಸಿನಿಮಾ ಕೂಡ ಬಿಡುಗಡೆ ಆಗಿದೆ. ವಿಕ್ರಾಂತ್ ಮುಖ್ಯಭೂಮಿಕೆಯ ಸಿನಿಮಾ ಮೊದಲ ದಿನ 1.1 ಕೋಟಿ ರೂ., ಎರಡನೇ ದಿನ 2.50 ಕೋಟಿ ರೂ. ಗಳಿಸಿದೆ. ವರದಿಗಳ ಪ್ರಕಾರ, ಚಿತ್ರ ಮೂರನೇ ದಿನ 3.50 ಕೋಟಿ ರೂ. ಗಳಿಸಬಹುದು ಎಂದು ಅಂದಾಜಿಸಲಾಗಿದೆ. ಈ ಮೂಲಕ ಚಿತ್ರದ ಮೂರು ದಿನಗಳ ಒಟ್ಟು ಕಲೆಕ್ಷನ್ 7.10 ಕೋಟಿ ರೂ. ಆಗಲಿದೆ.