ಹೈದರಾಬಾದ್ :ಬಾಲಿವುಡ್ನ ಬಹುಬೇಡಿಕೆ ನಟಿ ಅನನ್ಯಾ ಪಾಂಡೆ ತನ್ನ ಸೋದರಸಂಬಂಧಿ ಅಲನ್ನಾ ಪಾಂಡೆ ಅವರ ಮದುವೆಯ ಸಂಭ್ರಮದಲ್ಲಿ ಸಾಂಪ್ರದಾಯಿಕ ಸೀರೆ ತೊಟ್ಟು ನೆಟ್ಟಿಗರ ತಲೆತಿರುಗುವಂತೆ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಹಾಕಿದ್ದಾರೆ. ಮದುವೆಗೆ ಮುಂಚಿತವಾಗಿ ಹೊಸ ವಿಡಿಯೋಯೊಂದನ್ನು ಹಂಚಿಕೊಂಡಿದ್ದರು. ಮತ್ತೊಂದೆಡೆ ಈ ವಿಡಿಯೋಗೆ ಗೆಹ್ರೈಯಾನ್ ಸಿನಿಮಾದಲ್ಲಿ ಅನನ್ಯಾ ಪಾಂಡೆ ಜೊತೆ ನಟಿಸಿದ್ದ, ಬಾಲಿವುಡ್ ಜನಪ್ರಿಯ ನಟ ಸಿದ್ಧಾಂತ್ ಚತುರ್ವೇದಿ ಅವರು "ಲಡ್ಕಿವಾಲೆ ತೈಯಾರ್ ಹೈ" ಎಂದು ಕಮೆಂಟ್ ಮಾಡಿದ್ದಾರೆ. ಈ ಕಾಮೆಂಟ್ ಈಗ ಹೆಚ್ಚು ಸದ್ದು ಮಾಡುತ್ತಿದೆ.
ಇನ್ನು ಅನನ್ಯಾ ತನ್ನ ದೇಸಿ ಲುಕ್ನಲ್ಲಿ ಸಖತ್ ಹಾಟ್ ಆಗಿ ಚಂದ್ರನಂತೆ ಬೆಳ್ಳನ್ನೆ ಕಾಂತಿಯನ್ನು ಚೆಲ್ಲುತ್ತಿದ್ದಾರೆ. ನಟಿ ಬಿಳಿ ಸ್ಟ್ರಾಪ್ಪಿ ಬ್ಲೌಸ್ನೊಂದಿಗೆ ತಿಳಿ ನೀಲಿಬಣ್ಣದ ಸೀರೆಯನ್ನುಟ್ಟಿದ್ದು ಮೋಹಕ ನೋಟದಿಂದ ಸರಳ ಮತ್ತು ಸೊಗಸಾಗಿ ಕಾಣುತ್ತಿದ್ದಾರೆ. ಹಣೆಗೆ ಹೊಳೆಯುವ ಸಣ್ಣದೊಂದು ಬಿಂದಿ ಇಟ್ಟು, ತಮ್ಮ ತಲೆ ಕೂದಲನ್ನು ಅಲೆ ಅಲೆಯಾಗಿ ತೆರೆದಿಟ್ಟು, ತಮ್ಮ ಬಲಗೈಯಲ್ಲಿ ಎರಡು ಬಳೆಗಳನ್ನು ತೊಟ್ಟು ವ್ಹಾವ್ ಸಿಂಪಲ್ ಆಗಿ ರೆಡಿಯಾಗಿದ್ದು, ನೋಡುಗರ ಕಣ್ಣು ಕುಕ್ಕುವಂತೆ ಮಾಡಿತ್ತು. ಈ ಮದುವೆ ಕಾರ್ಯಕ್ರಮಕ್ಕೆ ಅನನ್ಯಾ ತನ್ನ ಪೋಷಕರಾದ ಚಂಕಿ ಪಾಂಡೆ ಮತ್ತು ಭಾವನಾ ಪಾಂಡೆಯೊಂದಿಗೆ ಆಗಮಿಸಿದ್ದರು. ತಂದೆ ಚಂಕಿ ಪಾಂಡೆ ಬಿಳಿ ಶೆರ್ವಾನಿ ಧರಿಸಿ ಕಾಣಿಸಿಕೊಂಡರೆ, ತಾಯಿ ಭಾವನಾ ಮೃದುವಾದ ಹಸಿರು ಮಿನುಗುವ ಗೌನ್‌ನಲ್ಲಿ ಭಾರವಾದ ನೆಕ್‌ಪೀಸ್ ಮತ್ತು ಒಂದೆರಡು ಸ್ಟೇಟ್‌ಮೆಂಟ್ ಬಳೆಗಳೊಂದಿಗೆ ಕಾಣಿಸಿಕೊಂಡರು.