ಬೀಡ್ (ಮಹಾರಾಷ್ಟ್ರ):ಪತಿ ತನಗೆ ಇಷ್ಟವಿಲ್ಲವೆಂದು ಪತ್ನಿಯೇ ಆತನನ್ನು ಕೊಲೆಗೈದ ಘಟನೆ ಬೀಡ್ ಜಿಲ್ಲೆಯ ನಿಪಾಣಿ ಎಂಬಲ್ಲಿ ನಡೆದಿದೆ. ಮದುವೆಯಾದ ಕೇವಲ 22 ದಿನಗಳಲ್ಲಿ ಪತಿ ಪತ್ನಿಯ ಕೈಯಿಂದಲೇ ಸಾವಿಗೀಡಾಗಿರುವ ದುರ್ದೈವದ ಘಟನೆ ಇದಾಗಿದೆ.
ಘಟನೆಯ ವಿವರ: ನಿಪಾಣಿ ತಾಂಡಾ ಬಳಿಯ ನಿವಾಸಿ 22 ವರ್ಷದ ಪಾಂಡುರಂಗ ರಾಜಾಭಾವು ಚವಾಣ್ ಈತನ ವಿವಾಹವು ಬೀಡ ಜಿಲ್ಲೆ ಪೌಳಾಚಿವಾಡಿ ಊರಿನ ಶೀತಲ್ ಎಂಬಾಕೆಯ ಜೊತೆ ಸಂಪ್ರದಾಯದಂತೆ 2022ರ ಅಕ್ಟೋಬರ್ 14 ರಂದು ನೆರವೇರಿತ್ತು. ಆದರೆ ಪತಿ ತನಗೆ ಇಷ್ವವಿಲ್ಲವೆಂದು ಶೀತಲ್ ಆಗಾಗ ಅವನ ಜೊತೆ ಜಗಳವಾಡುತ್ತಿದ್ದಳು.
ಪರಿಸ್ಥಿತಿ ಹೀಗಿರುವಾಗ 2022ರ ನವೆಂಬರ್ 7 ರಂದು ರಾತ್ರಿ 11 ರಿಂದ 11.30ರ ಸುಮಾರಿಗೆ ತಾವು ಮಲಗಿದ್ದ ಕೊಠಡಿಯಿಂದ ಹೊರಬಂದ ಶೀತಲ್, ಪಾಂಡುರಂಗ ಯಾಕೋ ಮಾತಾಡುತ್ತಿಲ್ಲ ಎಂದು ಅತ್ತೆ ಮಾವನಿಗೆ ಹೇಳಿದ್ದಾಳೆ. ಮನೆಯಲ್ಲಿದ್ದವರು ತಕ್ಷಣವೇ ಪಾಂಡುರಂಗನನ್ನು ಆಸ್ಪತ್ರೆಗೆ ದಾಖಲು ಮಾಡಿದರು. ಆದರೆ ಆಸ್ಪತ್ರೆಗೆ ಬಂದಾಗಲೇ ಆತ ನಿಧನನಾಗಿದ್ದ ಎಂದು ವೈದ್ಯರು ಘೋಷಿಸಿದರು.