ಜೈಲಧಿಕಾರಿ ಕೊಲೆ ಅಪರಾಧಿಗಳ ಗುಂಡಿಕ್ಕಿ ಕೊಂದ ಪೊಲೀಸರು

2013ರ ಉಪ ಜೈಲಧಿಕಾರಿ ಅನಿಲ್ ಕುಮಾರ್ ತ್ಯಾಗಿ ಕೊಲೆ ಪ್ರಕರಣದ ಇಬ್ಬರು ಅಪರಾಧಿಗಳನ್ನು ಉತ್ತರ ಪ್ರದೇಶ ಪೊಲೀಸರು ಗುಂಡಿಕ್ಕಿ ಕೊಂದಿದ್ದಾರೆ.

ಪ್ರಯಾಗರಾಜ್ (ಉತ್ತರ ಪ್ರದೇಶ):ಪ್ರಯಾಗರಾಜ್​ನಲ್ಲಿ ನಡೆದ ಎನ್​​ಕೌಂಟರ್​ನಲ್ಲಿ ಇಬ್ಬರು ಕೊಲೆ ಅಪರಾಧಿಗಳನ್ನು ಉತ್ತರ ಪ್ರದೇಶ ಪೊಲೀಸರ ವಿಶೇಷ ಕಾರ್ಯಪಡೆ (ಎಸ್‌ಟಿಎಫ್) ಹತ್ಯೆ ಮಾಡಿದೆ.

ವಕೀಲ್​ ಪಾಂಡೆ ಅಲಿಯಾಸ್ ರಾಜು ಪಾಂಡೆ ಮತ್ತು ಅಮ್ಜಾದ್ ಅಲಿಯಾಸ್ ಪಿಂಟು ಮೃತಪಟ್ಟ ಕ್ರಿಮಿನಲ್ಸ್​. ಇವರಿಬ್ಬರು 2013ರಲ್ಲಿ ಅಂದಿನ ಉಪ ಜೈಲಧಿಕಾರಿಯಾಗಿದ್ದ ಅನಿಲ್ ಕುಮಾರ್ ತ್ಯಾಗಿ ಅವರನ್ನು ಕೊಂದಿದ್ದರು. ಗ್ಯಾಂಗ್​ಸ್ಟರ್​ ಮುನ್ನಾ ಭಜರಂಗಿ ಮತ್ತು ಮುಖ್ತಾರ್ ಅನ್ಸಾರಿ ಆದೇಶದ ಮೇರೆಗೆ ಈ ಕೃತ್ಯ ಎಸಗಿದ್ದರು.

ಇದನ್ನೂ ಓದಿ: ಪ್ರೇಮಿ ಜೊತೆ ಐಷಾರಾಮಿ ಜೀವನ ಕಳೆಯಲು ಮಾಲೀಕನಿಗೆ ಪಂಗನಾಮ ಹಾಕಿದ ಯುವಕ!

ಕಳೆದ ರಾತ್ರಿ ಪ್ರಯಾಗರಾಜ್​ನ ಅರೈಲ್ ಪ್ರದೇಶದಲ್ಲಿ ನಡೆದ ಎನ್​​ಕೌಂಟರ್​ನಲ್ಲಿ ವಕೀಲ್​ ಪಾಂಡೆ ಹಾಗೂ ಅಮ್ಜಾದ್​​ ಮೇಲೆ ಪೊಲೀಸರು ಗುಂಡು ಹಾರಿಸಿದ್ದರು.