ಪುತ್ರಿ ಮೇಲೆ ಅತ್ಯಾಚಾರವೆಸಗಿದ್ದಕ್ಕೆ ಸಿಟ್ಟು; ಕೋರ್ಟ್‌ ಆವರಣದಲ್ಲೇ ಆರೋಪಿಗೆ ಗುಂಡಿಟ್ಟು ಕೊಂದ ಮಾಜಿ ಯೋಧ!

Rape Victim's father kills accused in Bihar: ಬಿಹಾರದ ಮುಜಾಫರ್‌ಪುರ್‌ನಲ್ಲಿ ತನ್ನ ಪುತ್ರಿ ಮೇಲೆ ಅತ್ಯಾಚಾರ ಎಸಗಿದ್ದಾನೆಂಬ ಕೋಪದಲ್ಲಿ ಆರೋಪಿಯನ್ನು ಸಂತ್ರಸ್ತೆಯ ತಂದೆ ಗುಂಡಿಕ್ಕಿ ಹತ್ಯೆ ಮಾಡಿದ್ದಾನೆ.

ಮುಜಾಫರ್​ಪುರ್​(ಬಿಹಾರ):ಪುತ್ರಿ ಮೇಲಿನ ಅತ್ಯಾಚಾರಕ್ಕೆ ಸಂಬಂಧಿಸಿದಂತೆ ತಂದೆಯೋರ್ವ ಕೋರ್ಟ್​ ಆದೇಶಕ್ಕೂ ಮುನ್ನವೇಆರೋಪಿಗೆ ಶಿಕ್ಷೆ ವಿಧಿಸಿದ್ದಾನೆ. ತನ್ನ ಮಗಳ ಜೀವನ ಹಾಳು ಮಾಡಿದವನ ಮೇಲೆ ತಂದೆ ಸೇಡು ತೀರಿಸಿಕೊಂಡಿರುವ ಘಟನೆ ಮುಜಾಫರ್​ಪುರ್​ದಲ್ಲಿ ನಡೆದಿದೆ. ಆರೋಪಿಯನ್ನು ಕೋರ್ಟ್‌ ಆವರಣದಲ್ಲೇ ಮಾಜಿ ಯೋಧ ಶೂಟ್‌ ಮಾಡಿ ಕೊಂದಿದ್ದಾನೆ.

ಮೃತ ಆರೋಪಿಯನ್ನು ದಿಲ್ಶಾದ್‌ ಹುಸೇನ್‌ ಎಂದು ಗುರುತಿಸಲಾಗಿದೆ. ಪ್ರಕರಣವೊಂದರ ವಿಚಾರಣೆಗೆ ಹಾಜರಾಗಲು ಆರೋಪಿ ಕೋರ್ಟ್‌ ಆವರಣದ ಗೇಟ್‌ ಬಳಿ ಬಂದಿದ್ದಾನೆ. ಈ ವೇಳೆ ಸ್ಥಳದಲ್ಲೇ ಇದ್ದ ಬಿಎಸ್‌ಎಫ್‌ನ ಮಾಜಿ ಯೋಧನಾಗಿರುವಸಂತ್ರಸ್ತೆಯ ತಂದೆಯು ಆರೋಪಿ ದಿಲ್ಶಾದ್‌ಗೆ ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ. ಆರೋಪಿಯನ್ನು ಕೋರ್ಟ್‌ಗೆ ಕರೆದಿದ್ದ ಪೊಲೀಸರು ಕೂಡಲೇ ಸಂತ್ರಸ್ತೆಯತಂದೆಯನ್ನು ಬಂಧಿಸಿದ್ದಾರೆ.

2020ರ ಫೆಬ್ರವರಿಯಲ್ಲಿ ಮಾಜಿ ಯೋಧನ ಪುತ್ರಿಯನ್ನು ದಿಲ್ಶಾದ್‌ ಕಿಡ್ನ್ಯಾಪ್‌ ಮಾಡಿದ್ದ. ಈ ಸಂಬಂಧ ದೂರು ದಾಖಲಿಸಿಕೊಂಡಿದ್ದ ಪೊಲೀಸರು ಯುವತಿಯನ್ನು ರಕ್ಷಣೆ ಮಾಡಿದ್ದರು. ಅದೇ ಸಮಯದಲ್ಲಿ ಆರೋಪಿ ವಿರುದ್ಧ ಅತ್ಯಾಚಾರ ಕೇಸ್‌ ಕೂಡ ದಾಖಲಾಗಿತ್ತು.

ಪುತ್ರಿಯನ್ನು ಅತ್ಯಾಚಾರ ಮಾಡಿದ್ದಾನೆಂಬ ಕೋಪದಲ್ಲಿ ಆಕೆ ತಂದೆಯು ಆರೋಪಿಯನ್ನು ಹತ್ಯೆ ಮಾಡಿದ್ದಾನೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಜಾಹೀರಾತು:ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ