ಡಿಐಜಿ ಅನಿರೀಕ್ಷಿತ ಭೇಟಿ ವೇಳೆ ಮದ್ಯದ ಅಮಲಿನಲ್ಲಿದ್ದ ಇನ್ಸ್‌ಪೆಕ್ಟರ್ ಬಂಧನ

ಬಿಹಾರದಲ್ಲಿ ಮದ್ಯ ನಿಷೇಧ ಕಾನೂನು ಜಾರಿಯಲ್ಲಿದ್ದರೂ ಕುಡಿದ ಮತ್ತಿನಲ್ಲಿ ಪೊಲೀಸ್​ ಠಾಣೆಯಲ್ಲೇ ಬಿದ್ದಿದ್ದ ಸಹಾಯಕ ಸಬ್ ಇನ್ಸ್‌ಪೆಕ್ಟರ್​​ನನ್ನು ಬಂಧಿಸಲಾಗಿದೆ.

ಸಹರ್ಸಾ (ಬಿಹಾರ): ಅನಿರೀಕ್ಷಿತವಾಗಿ ಪೊಲೀಸ್​ ಠಾಣೆಗೆ ಡೆಪ್ಯೂಟಿ ಇನ್ಸ್‌ಪೆಕ್ಟರ್ ಜನರಲ್ (ಡಿಐಜಿ) ಭೇಟಿ ನೀಡಿದ ವೇಳೆ ಪೊಲೀಸ್​ ಅಧಿಕಾರಿಯೊಬ್ಬರು ಮದ್ಯದ ಅಮಲಿನಲ್ಲಿರುವುದು ಕಂಡುಬಂದಿದೆ.

ಬಿಹಾರದ ಸಹರ್ಸಾದ ಸೌರಬಜಾರ್ ಪೊಲೀಸ್ ಠಾಣೆಗೆ ಡಿಐಜಿ ಪ್ರಣವ್ ಕುಮಾರ್ ಪ್ರವೀಣ್ ಅವರು ತಪಾಸಣೆಗೆ ಬಂದಿದ್ದು, ಈ ವೇಳೆ ಸಹಾಯಕ ಸಬ್ ಇನ್ಸ್‌ಪೆಕ್ಟರ್ (ಎಎಸ್‌ಐ) ಓಂಪ್ರಕಾಶ್ ರಾಮ್ ಕುಡಿದು ಬಿದ್ದಿದ್ದರು. ಹೀಗಾಗಿ ಡಿಐಜಿ ಆದೇಶದ ಮೇರೆಗೆ ಓಂಪ್ರಕಾಶ್ ರಾಮ್​​ರನ್ನು ಬಂಧಿಸಲಾಗಿದೆ.

ಇದನ್ನೂ ಓದಿ: ಶಿಬಿರದಲ್ಲೇ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಶರಣಾದ ಸಿಆರ್​ಪಿಎಫ್​ ಯೋಧ

2016ರಿಂದ ಬಿಹಾರದಲ್ಲಿ ಮದ್ಯ ಮಾರಾಟ ಮತ್ತು ಸೇವನೆ ನಿಷೇಧ ಕಾನೂನು ಜಾರಿಯಲ್ಲಿದೆ. ಯಾವುದೇ ಪೊಲೀಸರು ಮದ್ಯದ ಅಮಲಿನಲ್ಲಿರುವುದು ತಿಳಿದು ಬಂದರೆ ಅವರ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಇತ್ತೀಚೆಗಷ್ಟೇ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಸೂಚಿಸಿದ್ದರು.