ನಟ ಧ್ರುವ ಸರ್ಜಾ ನೋಡಲು ಬಂದಿದ್ದ ಅಭಿಮಾನಿಯ ಬೈಕ್ ಕಳವು

ನೆಚ್ಚಿನ ನಟ ಧ್ರುವ ಸರ್ಜಾ ಅವರನ್ನು ನೋಡುವುದಕ್ಕೆ ಬಂದಿದ್ದ ವ್ಯಕ್ತಿಯೊಬ್ಬನ 59 ಸಾವಿರ ರೂ. ಬೆಲೆಯ ಬೈಕ್​ ಕಳ್ಳತನವಾಗಿದೆ.

ಬೆಂಗಳೂರು: ಸ್ಯಾಂಡಲ್​ವುಡ್​ನ ತಮ್ಮ ನೆಚ್ಚಿನ ನಟನನ್ನು ನೋಡುವುದಕ್ಕೆ ಬಂದಿದ್ದ ಅಭಿಮಾನಿಯೋರ್ವನ ಬೈಕ್ ಕಳ್ಳತನವಾಗಿದೆ. ರಾಜರಾಜೇಶ್ವರಿ ನಗರದ ನಿವಾಸಿ ಸುನಿಲ್ ಎಂಬುವರು ಜುಲೈ 2 ರಂದು ಬೆಳಗ್ಗೆ ಧ್ರುವಸರ್ಜಾರನ್ನು ಕಾಣಲು ಹೊಂಡಾ ಸಿಬಿ ಶೈನ್ ಬೈಕ್​ನಲ್ಲಿ ಕೆ.ಆರ್.ರೋಡ್ ಬಳಿಯ ಟಾಟಾ ಸಿಲ್ಕ್ ಫೋರಂ ಬಳಿಯ ಮನೆ ಹತ್ತಿರ ಬಂದಿದ್ದರು.

ಮನೆ ಬಳಿ ಕೆಲ ಸಮಯ ಕಾದು ಧ್ರುವಸರ್ಜಾ ಅವರನ್ನು ಭೇಟಿಯಾಗಿ ಹೊರ ಬರುವಷ್ಟರಲ್ಲಿ ಸುಮಾರು ಬೈಕ್ ಮಾಯವಾಗಿತ್ತು. ಸುತ್ತಮುತ್ತ ಹುಡುಕಿದರೂ ಪತ್ತೆಯಾಗದೆ ಇದ್ದಾಗ ಕಳ್ಳತನವಾಗಿರುವುದು ತಿಳಿದುಬಂದಿದೆ. ಈ ಸಂಬಂಧ ಅವರು ಬನಶಂಕರಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.