ಮಥುರಾ ಜೈಲಿನಿಂದ 21 ಬಾಂಗ್ಲಾದೇಶಿಯರ ಬಿಡುಗಡೆ

ಯಾವುದೇ ಅಗತ್ಯ ದಾಖಲೆಗಳಿಲ್ಲದೇ ಭಾರತದಲ್ಲಿ ಅಕ್ರಮವಾಗಿ ವಾಸಿಸುತ್ತಿದ್ದ ಕಾರಣ ಬಂಧನಕ್ಕೊಳಗಾಗಿದ್ದ 21 ಬಾಂಗ್ಲಾದೇಶಿಯರನ್ನು ಇಂದು ಮಥುರಾ ಜೈಲಿನಿಂದ ರಿಲೀಸ್​ ಮಾಡಲಾಗಿದೆ.

ಮಥುರಾ (ಉತ್ತರ ಪ್ರದೇಶ): ಮಥುರಾ ಜಿಲ್ಲಾ ನ್ಯಾಯಾಲಯದ ಆದೇಶದ ಮೇರೆಗೆ ಇಂದು 21 ಬಾಂಗ್ಲಾದೇಶಿಯರನ್ನು ಜಿಲ್ಲಾ ಕಾರಾಗೃಹದಿಂದ ಬಿಡುಗಡೆ ಮಾಡಲಾಗಿದೆ.

ಯಾವುದೇ ಅಗತ್ಯ ದಾಖಲೆಗಳಿಲ್ಲದೇ ಭಾರತದಲ್ಲಿ ಅಕ್ರಮವಾಗಿ ವಾಸಿಸುತ್ತಿದ್ದ ಬಾಂಗ್ಲಾದೇಶದ ಪ್ರಜೆಗಳನ್ನು ಕಳೆದ ಕೆಲ ವರ್ಷಗಳ ಹಿಂದೆ ಬಂಧಿಸಲಾಗಿತ್ತು. ಬಾಂಗ್ಲಾದೇಶದ ಅಧಿಕಾರಿಗಳು ಕಾನೂನು ಪ್ರಕ್ರಿಯೆ ಪೂರ್ಣಗೊಳಿಸಿದ್ದು ಹಾಗೂ ಶಿಕ್ಷೆಯ ಅವಧಿ ಮುಗಿದ್ದಿದ್ದು 8 ಮಹಿಳೆಯರು ಹಾಗೂ 13 ಪುರುಷರನ್ನು ಬಂಧನದಿಂದ ಮುಕ್ತಗೊಳಿಸಲಾಗಿದೆ.

ಇದನ್ನೂ ಓದಿ:ಪ್ರತಿಭಟನಾನಿರತ ರೈತರಿಗಾಗಿ ಮದ್ಯ ಕಳುಹಿಸಿ; ಕೈ ಮುಖಂಡೆ ಹೇಳಿಕೆ.. ವೈರಲ್ ವಿಡಿಯೋ

ಇವರೆಲ್ಲರನ್ನೂ ಸರ್ಕಾರಿ ವಾಹನದಲ್ಲಿ ಭಾರತ-ಬಾಂಗ್ಲಾ ಗಡಿಯತ್ತ ಕರೆದೊಯ್ಯಲಾಗುವುದು ಎಂದು ಪೊಲೀಸ್​ ಅಧಿಕಾರಿಗಳು ತಿಳಿಸಿದ್ದಾರೆ.