ತುಮಕೂರು: ಕೊರೊನಾ ಎರಡನೇ ಅಲೆಯಲ್ಲಿ ಸೋಂಕು ತಗುಲಿದ ಬಳೀಕ ಶಸ್ತ್ರಚಿಕಿತ್ಸೆಗೆ ಒಳಗಾದವರಿಗೆ ಸಾಕಷ್ಟು ರಕ್ತದ ಕೊರತೆ ಎದುರಾಗಿತ್ತು. ಹೊಂದಿಕೆ ಆಗುವ ಗುಂಪಿನ ರಕ್ತ ಸಿಗದೇ ಗರ್ಭಿಣಿಯರು ಸೇರಿದಂತೆ ಅನೇಕರು ಮೃತಪಟ್ಟರು. ಸೋಂಕಿನ ಭೀತಿಯಲ್ಲಿ ರಕ್ತ ಸಂಗ್ರಹಿಸಲು ಸಾಧ್ಯವಾಗದಿದ್ದುದೇ ಇದಕ್ಕೆ ಕಾರಣವಾಗಿತ್ತು.
ಬೃಹತ್ ರಕ್ತದಾನ ಶಿಬಿರ ಆಯೋಜಿಸಲಿರುವ ತುಮಕೂರು ಜಿಲ್ಲಾಡಳಿತ
ಹೀಗಾಗಿ ಕೋವಿಡ್ನ ಸಂಭಾವ್ಯ ಮೂರನೇ ಅಲೆ ವೇಳೆ ರಕ್ತದ ಕೊರತೆ ಎದುರಾಗದಂತೆ ಒಂದೆಡೆ ತುಮಕೂರು ಜಿಲ್ಲಾಡಳಿತ ರಕ್ತದಾನ ಮಾಡುವಂತೆ ಪ್ರೇರೇಪಿಸುತ್ತಿದೆ. ವಿವಿಧ ಸಂಘ ಸಂಸ್ತೆಗಳೂ ರಕ್ತದಾನ ಶಿಬಿರಗಳನ್ನು ಆಯೋಜಿಸುತ್ತಿವೆ. ಆದರೂ ಸೋಂಕು ಹರಡುವಿಕೆ ಭೀತಿಯಿಂದ ರಕ್ತದಾನ ಮಾಡಲು ನಿರೀಕ್ಷೆಯಂತೆ ಮುಂದೆ ಬರುತ್ತಿಲ್ಲ. ಹೀಗಾಗಿ ಜಿಲ್ಲಾ ಪೊಲಿಸ್ ಇಲಾಖೆ ರಕ್ತದಾನ ಶಿಬಿರ ನಡೆಸಲು ನಿರ್ಧರಿಸಿದ್ದು, ಪೊಲೀಸ್ ಸಿಬ್ಬಂದಿಯೂ ರಕ್ತದಾನ ಮಾಡಲು ಮುಂದಾಗಿದ್ದಾರೆ.