ಬೇಜವಾಬ್ದಾರಿ ತೊರುವ ಜನರಿಗೆ ಶಿವಮೊಗ್ಗ ಮಹಾನಗರ ಪಾಲಿಕೆಯ ದಂಡ ಪಾಠ

ಲಾಕ್​ಡೌನ್​ ಸಡಿಲಗೊಳಿಸಿದ ಹಿನ್ನೆಲೆ ಕೋವಿಡ್​ ಭೀತಿ ಮರೆತು ಬೇಜವಾಬ್ದಾರಿ ತೋರುತ್ತಿರುವ ಜನರಿಗೆ ಶಿವಮೊಗ್ಗ ಮಹಾನಗರ ಪಾಲಿಕೆ ಪಾಠ ಕಲಿಸಲು ಮುಂದಾಗಿದ್ದು, ಮಾಸ್ಕ್​ ಧರಿಸದಿದ್ದರೆ 100 ರೂ. ಹಾಗೂ ಎಲ್ಲೆಂದರಲ್ಲಿ ಉಗುಳಿದರೆ 500 ರೂ. ದಂಡ ವಿಧಿಸುತ್ತಿದೆ.

ಶಿವಮೊಗ್ಗ: ಕೊರೊನಾ ಹರಡದಂತೆ ಮುಂಜಾಗ್ರತೆ ವಹಿಸುವ ನಿಟ್ಟಿನಲ್ಲಿ ಕಠಿಣ ನಿಯಮಗಳನ್ನು ಜಾರಿಗೊಳಿಸಿರುವ ಶಿವಮೊಗ್ಗ ಮಹಾನಗರ ಪಾಲಿಕೆ ಮಾಸ್ಕ್​ ಹಾಗೂ ಎಲ್ಲೆಂದರಲ್ಲಿ ಉಗುಳುವವರಿಗೆ ದಂಡ ವಿಧಿಸಲು ಸಿದ್ಧವಾಗಿದೆ.

ಕೋವಿಡ್​ ಭೀಕರತೆಯನ್ನು ಮರೆತಿರುವ ಜನರಿಗೆ ಬುದ್ದಿ ಕಲಿಸುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಂಡಿರುವ ಮಹಾನಗರ ಪಾಲಿಕೆ ಮಾಸ್ಕ್​ ಇಲ್ಲದಿದ್ದರೆ 100 ರೂ. ಹಾಗೂ ಉಗುಳಿದರೆ 500 ರೂ. ದಂಡ ಹಾಕುತ್ತಿದೆ.

ಈ ನಿಟ್ಟಿನಲ್ಲಿ ಜನ ಸಂದಣಿ ಹೆಚ್ಚಿರುವ ಪ್ರದೇಶಗಳಲ್ಲಿ ಸಂಚರಿಸುತ್ತಿರುವ ಪಾಲಿಕೆ ಹೆಲ್ತ್​ ಇನ್​ ಸ್ಪೆಕ್ಟರ್​ ನಿಯಮ ಉಲ್ಲಂಘನೆ ಕಂಡು ಬಂದಲ್ಲಿ ಸ್ಥಳದಲ್ಲಿಯೇ ದಂಡ ವಿಧಿಸುತ್ತಿದ್ದಾರೆ.