ಶಿವಮೊಗ್ಗ:ಮೊಬೈಲ್ ಕಳ್ಳತನವಾದರೆ ಪೊಲೀಸರಿಗೆ ದೂರು ನೀಡುತ್ತಾರೆ. ಆದರೆ ಇಲ್ಲಿ ಪೊಲೀಸರೇ ತಮ್ಮ ಮೊಬೈಲ್ಗಳನ್ನ ಕಳೆದುಕೊಂಡು ದೂರು ನೀಡಿದ್ದಾರೆ. ಅದೂ ಒಂದಲ್ಲ, ಎರಡಲ್ಲ. ಬರೋಬ್ಬರಿ 27 ಮೊಬೈಲ್ಗಳು ಕಳ್ಳತನವಾಗಿವೆ.
ಕಳೆದ ಸೆ. 12ರಂದು ನಡೆದ ನಗರದ ಹಿಂದೂ ಸಂಘಟನಾ ಮಹಾ ಮಂಡಳಿಯ ಗಣೇಶನ ನಿಮಜ್ಜನ ಮೆರವಣಿಗೆಗೆ ಬೇರೆ ಬೇರೆ ಜಿಲ್ಲೆಗಳಿಂದ ಪೊಲೀಸರು ಬಂದಿದ್ದರು. ಹೀಗೆ ಬಂದ ಪೊಲೀಸರಿಗೆ ವಿವಿಧ ಕಲ್ಯಾಣ ಮಂದಿರದಲ್ಲಿ ತಂಗಲು ವ್ಯವಸ್ಥೆ ಮಾಡಲಾಗಿತ್ತು. ಅದರಂತೆ ಒಂದು ಪೊಲೀಸರ ತಂಡಕ್ಕೆ ನಗರದ ಆರ್ಎಂಎಲ್ ನಗರದ ಕಲ್ಯಾಣ ಮಂದಿರದಲ್ಲಿ ವ್ಯವಸ್ಥೆ ಮಾಡಲಾಗಿತ್ತು. ನಿಮಜ್ಜನ ಮುಗಿಸಿ ಬಂದು ಮಲಗಿದ್ದಾಗ ಕಳ್ಳರ ತಂಡ ಬಂದು ಬರೋಬ್ಬರಿ 27 ಮೊಬೈಲ್ಗಳನ್ನು ಎಗರಿಸಿಕೊಂಡು ಹೋಗಿದೆ.