ತ್ಯಾವರೆಕೊಪ್ಪ ಹುಲಿ-ಸಿಂಹಧಾಮದಲ್ಲಿ ಅಪರೂಪದ ಪ್ರಾಣಿ ನೀಲ್​ಗಾಯ್ ಸಾವು

ಶಿವಮೊಗ್ಗ ತಾಲೂಕಿನ ತ್ಯಾವರೆಕೊಪ್ಪದ ಹುಲಿ ಮತ್ತು ಸಿಂಹಧಾಮದಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಮಾಡಲಾಗುತ್ತಿದೆ. ಇದಕ್ಕಾಗಿ ನೀಲ್​ಗಾಯ್ ಹಾಗೂ ಜಿಂಕೆಯನ್ನು ಬೇರ್ಪಡಿಸಲಾಗುತ್ತಿದ್ದು, ಈ ಪ್ರಕ್ರಿಯೆಯಲ್ಲಿ ನೀಲ್​ಗಾಯ್​ವೊಂದು ಮೃತಪಟ್ಟಿದೆ ಎಂದು ಸಿಂಹಧಾಮದ ಮೂಲಗಳು ತಿಳಿಸಿವೆ.

ಶಿವಮೊಗ್ಗ: ಅಪರೂಪದ ಹಾಗೂ ಅಳಿವಿನ ಅಂಚಿನಲ್ಲಿರುವ ಪ್ರಾಣಿ ನೀಲ್​ಗಾಯ್​ ಶಿವಮೊಗ್ಗದ ಹುಲಿ ಮತ್ತು ಸಿಂಹಧಾಮದಲ್ಲಿ ಕಳೆದ ಮೂರು ದಿನದ ಹಿಂದೆಯೇ ಸಾವನ್ನಪ್ಪಿದೆ ಎಂದು ಸಿಂಹಧಾಮದ ಮೂಲಗಳು ತಿಳಿಸಿವೆ.

ನೀಲ್​ಗಾಯ್​ಗಳು ಹಾಗೂ ಜಿಂಕೆಗಳನ್ನು ಒಂದೇ ಕಡೆ ಇಡಲಾಗಿತ್ತು. ಹಾಲಿ ಸಿಂಹಧಾಮದಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಮಾಡಲಾಗುತ್ತಿದೆ. ಇದಕ್ಕಾಗಿ ನೀಲ್​ಗಾಯ್ ಹಾಗೂ ಜಿಂಕೆಯನ್ನು ಬೇರ್ಪಡಿಸಲಾಗುತ್ತಿದೆ.‌ ಬೇರ್ಪಡಿಸುವ ಪ್ರಕ್ರಿಯೆಯಲ್ಲಿ ನೀಲ್​ಗಾಯ್ ಮೃತಪಟ್ಟಿದೆ ಎಂದು ಹುಲಿ ಮತ್ತು ಸಿಂಹಧಾಮದ ಮೂಲಗಳು ತಿಳಿಸಿವೆ.

ಶಿವಮೊಗ್ಗ ತಾಲೂಕಿನ ತ್ಯಾವರೆಕೊಪ್ಪದ ಹುಲಿ ಮತ್ತು ಸಿಂಹಧಾಮವು ಕೇಂದ್ರ ಮೃಗಾಲಯದ ವ್ಯಾಪ್ತಿಗೆ ಒಳಪಟ್ಟಿದ್ದು, ನೀಲ್​ಗಾಯ್​ಗಳನ್ನು ಗೇಜ್​ನಲ್ಲಿ ಹಾಕಿ ಸ್ಥಳಾಂತರ ಮಾಡುವಾಗ ಬೇರೆ ನೀಲ್​ಗಾಯ್​ಗಳು ಸಾಯಿಸಿರಬಹುದೆಂದು ಅಂದಾಜಿಸಲಾಗಿದೆ. ಒಟ್ಟು 19 ನೀಲ್​ಗಾಯ್​ಗಳನ್ನು ಮೈಸೂರು ಮೃಗಾಲಯದಿಂದ ತರಲಾಗಿತ್ತು. ಇದರಲ್ಲೀಗ ಒಂದು ಮೃತಪಟ್ಟಿರುವ ಕಾರಣ ಸದ್ಯಕ್ಕೆ18 ನೀಲ್​ಗಾಯ್​ಗಳಿವೆ.‌