ಶಿವಮೊಗ್ಗ: ಪ್ರಿಯತಮೆ ಜೊತೆ ವಿಷ ಸೇವಿಸಿದ ಪ್ರಿಯಕರ ಸಾವು

ಶಿವಮೊಗ್ಗ ತಾಲೂಕಿನ ರಾಮನಗರದ ನಿವಾಸಿ ಹಾಗೂ ಅದೇ ಗ್ರಾಮದ ಯುವತಿ ಚೋರಡಿ ಗ್ರಾಮದ ಬಳಿ ವಿಷ ಸೇವಿಸಿದ್ದರು.

ಶಿವಮೊಗ್ಗ: ಪ್ರಿಯತಮೆಯ ಜೊತೆ ವಿಷ ಕುಡಿದಿದ್ದ ಪ್ರಿಯತಮ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ.

ನಿನ್ನೆ(ಸೋಮವಾರ) ಸಂಜೆ ಶಿವಮೊಗ್ಗ ತಾಲೂಕಿನ ರಾಮನಗರದ ನಿವಾಸಿ ಹಾಗೂ ಅದೇ ಗ್ರಾಮದ ಯುವತಿ ಚೋರಡಿ ಗ್ರಾಮದ ಬಳಿ ವಿಷ ಸೇವಿಸಿದ್ದರು. ನಂತರ ಯುವಕ ತನ್ನ ಸ್ನೇಹಿತನಿಗೆ ಕರೆ ಮಾಡಿ ವಿಷ ಕುಡಿದಿರುವುದಾಗಿ ಹೇಳಿದ್ದಾನೆ. ಕೂಡಲೇ ಸ್ನೇಹಿತರು ಬಂದು ಇಬ್ಬರನ್ನೂ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಿದ್ದರು. ಆದ್ರೆ, ಯುವಕ ಚಿಕಿತ್ಸೆಗೆ ಸ್ಪಂದಿಸದೆ ಇಂದು ಬೆಳಗಿನ ಜಾವ ಸಾವನ್ನಪ್ಪಿದ್ದಾನೆ.ಯುವತಿಯ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ.

ಇದನ್ನೂಓದಿ: ಮಕ್ಕಳಿಗೆ ಕೋವಿಡ್‌ ಲಸಿಕೆ ಯಾವಾಗ? ಸಚಿವ ಡಾ.ಕೆ.ಸುಧಾಕರ್ ಹೇಳಿದ್ದಿಷ್ಟು..