ಮನೆ ಹೊರಗಡೆ ಚಪ್ಪಲಿ ಬಿಡುವಾಗ ಎಚ್ಚರ.. ಶಿವಮೊಗ್ಗದಲ್ಲಿ ಆ್ಯಕ್ಟೀವ್​ ಆಗಿದ್ದಾರೆ ಚಪ್ಪಲಿ ಚೋರರು

ಶಿವಮೊಗ್ಗದಲ್ಲಿ ಹೊಸ ಪಾದರಕ್ಷೆ ಖರೀದಿಸಿದರೂ ಮನೆಯ ಹೊರಗಡೆ ಇಡುವುದಕ್ಕೆ ಭಯ ಪಡುವಂತಾಗಿದೆ. ಏಕೆಂದರೆ, ವಿವೇಕಾನಂದ ಬಡಾವಣೆಯಲ್ಲಿ ಚಪ್ಪಲಿ ಕದಿಯುವ ಗ್ಯಾಂಗ್ ಸಕ್ರಿಯವಾಗಿದ್ದು, ಸಿಸಿಟಿವಿ ಕ್ಯಾಮೆರಾದಲ್ಲಿ ಕಳ್ಳರ ಕರಾಮತ್ತು ಸೆರೆಯಾಗಿದೆ.

ಶಿವಮೊಗ್ಗ:ನಗರದ ವಿವೇಕಾನಂದ ಬಡಾವಣೆಯಲ್ಲಿ ಚಪ್ಪಲಿ ಕದಿಯುವ ಗ್ಯಾಂಗ್ ಸಕ್ರಿಯವಾಗಿದ್ದು, ಹೊಸ ಪಾದರಕ್ಷೆ ಖರೀದಿಸಿದರೂ ಮನೆಯ ಹೊರಗಡೆ ಇಡುವುದಕ್ಕೆ ಭಯ ಪಡುವಂತಾಗಿದೆ.

ದೇವಾಲಯ, ಮದುವೆ-ಮುಂಜಿಗಳಲ್ಲಿ ಚಪ್ಪಲಿ ಕಳ್ಳತನವಾಗುವುದು ಸಾಮಾನ್ಯ. ಆದರೆ, ಶಿವಮೊಗ್ಗ ನಗರದ ಹೊರವಲಯದಲ್ಲಿರುವ ಕೆಲ ಬಡಾವಣೆಗಳಲ್ಲಿ ಮನೆಯ ಮುಂದಿರುವ ಚಪ್ಪಲಿಯನ್ನು ಸಹ ಕದಿಯಲಾಗುತ್ತಿದೆ. ರಾತ್ರಿ ವೇಳೆ ಮನೆಯ ಮುಂದಿಟ್ಟಿರುವ ಚಪ್ಪಲಿಗಳನ್ನು ಕಳವು ಮಾಡಲಾಗುತ್ತಿದ್ದು, ಈ ದೃಶ್ಯ ವಿವೇಕಾನಂದ ಬಡಾವಣೆಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.

ವಾರದಲ್ಲಿ ಎರಡು ಬಾರಿಯಾದರೂ ಚಪ್ಪಲಿ ಕಳ್ಳತನ ನಡೆಯುತ್ತಿದ್ದು, ಈ ಕುರಿತು ಸ್ಥಳೀಯರು ತುಂಗಾನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.