ಆಟೋ ಚಾಲಕನ ಅನುಮಾಸ್ಪದ ಸಾವು; ಕೊಲೆ ಶಂಕೆ

ಶಿವಮೊಗ್ಗ ನಗರದ ಎಂಆರ್​ಎಸ್ ವೃತ್ತದಲ್ಲಿ ಆಟೋ ಚಾಲಕನೊಬ್ಬನ ಮೃತದೇಹ ಪತ್ತೆಯಾಗಿದ್ದು, ಅನುಮಾನಾಸ್ಪದವಾಗಿ ಸಾವನ್ನಪ್ಪಿದರ ಬಗ್ಗೆ ಕೊಲೆ ಶಂಕೆ ವ್ಯಕ್ತವಾಗಿದೆ.

ಶಿವಮೊಗ್ಗ: ಆಟೋ ಚಾಲಕನೊಬ್ಬ ಅನುಮಾಸ್ಪದವಾಗಿ ಸಾವನ್ನಪ್ಪಿರುವ ಘಟನೆ ನಗರದ ಎಂಆರ್​ಎಸ್ ವೃತ್ತದಲ್ಲಿ ನಡೆದಿದೆ.

ನಗರದ ಕ್ಲಾರ್ಕ್ ಪೇಟೆಯ ಇಜಾಜ್ ಅಹಮದ್(38) ಸಾವನ್ನಪ್ಪಿದ ವ್ಯಕ್ತಿ. ಈತ ಆಟೋ ಚಾಲಕನಾಗಿದ್ದು, ಇಂದು ಬೆಳಗಿನ ಜಾವ ಈತನ ಆಟೋ ಹಾಗೂ ಶವ ಎರಡು ಎಂಆರ್​ಎಸ್ ವೃತ್ತ ಬಳಿ ದೊರಕಿದೆ. ಮೃತದೇಹದ ಮೈ ಮೇಲೆ ಗಾಯದ ಗುರುತುಗಳು ಪತ್ತೆಯಾಗಿದೆ.

ಸ್ಥಳಕ್ಕೆ ಕೋಟೆ ಪೊಲೀಸರು ಭೇಟಿ ನೀಡಿ ಅನುಮಾಸ್ಪದ ಸಾವು ಎಂದು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.