ಮೈಸೂರು ದಸರಾ ಕುರಿತು ನಟ ಡಾಲಿ ಧನಂಜಯ್​​​​ ಹೇಳಿದ್ದೇನು?

ದಸರಾ ಹಬ್ಬದಲ್ಲಿ ಮೈಸೂರನ್ನು ನೋಡಲು ತುಂಬಾ ಖುಷಿಯಾಗುತ್ತದೆ. ಎಲ್ಲರಿಗೂ ನವರಾತ್ರಿಯ ಶುಭಾಶಯಗಳು ಎಂದು ನಟ ಡಾಲಿ ಧನಂಜಯ ಹೇಳಿದ್ದಾರೆ.

ಮೈಸೂರು:ದಸರಾ ಹಬ್ಬದಲ್ಲಿ ಮೈಸೂರನ್ನು ನೋಡಲು ತುಂಬಾ ಖುಷಿಯಾಗುತ್ತದೆ. ಎಲ್ಲರಿಗೂ ನವರಾತ್ರಿಯ ಶುಭಾಶಯಗಳು ಎಂದು ನಟ ಡಾಲಿ ಧನಂಜಯ ಹೇಳಿದ್ದಾರೆ.

ಮೈಸೂರಿನಲ್ಲಿ ವಿದ್ಯಾಭ್ಯಾಸ ಮಾಡಿದ ಧನಂಜಯ, ದಸರಾ ಹಬ್ಬದಲ್ಲಿ ಮೈಸೂರನ್ನು ನೋಡಲು ತುಂಬಾ ಖುಷಿ.‌ ಅದರಲ್ಲೂ ಈ ತಿಂಗಳು ವಿಶೇಷ ಹಾಗೂ ಅದ್ಭುತವಾಗಿರುತ್ತದೆ. ದಸರಾ ಆರಂಭದಿಂದ ಆನೆ ತಾಲೀಮು, ದಸರಾ ಕಾರ್ಯಕ್ರಮಗಳು, ಯುವ ದಸರಾ, ನಾಟಕಗಳು ಎಲ್ಲವೂ ಸುಂದರವಾಗಿರುತ್ತವೆ ಎಂದು ಹಳೆಯ ನೆನಪುಗಳನ್ನು ಮೆಲುಕು ಹಾಕಿದರು.

ಅದರಲ್ಲೂ ಮೈಸೂರಿನ ವಿದ್ಯುತ್ ದೀಪಗಳ​ ಅಲಂಕಾರ, ವಸ್ತು ಪ್ರದರ್ಶನ ನೆನಪಾಗುತ್ತದೆ. ದಸರಾದಲ್ಲಿ ಇಡೀ ಮೈಸೂರನ್ನು ಸುತ್ತುತ್ತಿದ್ದೆ. ಆದರೆ, ಈಗ ಅಷ್ಟೊಂದು ಸಮಯ ಕೊಟ್ಟು ದಸರಾ ನೋಡಲು ಸಾಧ್ಯವಾಗುತ್ತಿಲ್ಲ. ಮೈಸೂರಿಗೆ ಬಂದಾಗ ನನಗೆ ಖುಷಿಯಾಗುತ್ತದೆ ಎಂದು ಧನಂಜಯ್ ಸ್ವತಃ ವಿಡಿಯೋ ಮೂಲಕ ತಿಳಿಸಿದ್ದಾರೆ.