ಕೊರೊನಾ ಕಾವು: ನೈರುತ್ಯ ರೈಲ್ವೆ ವಲಯದ 16 ರೈಲುಗಳ ಸೇವೆ ರದ್ದು

ರಾಜ್ಯಕ್ಕೆ ಕೊರೊನಾ ದಾಂಗುಡಿ ಇಟ್ಟಿದ್ದು, ಮುಂಜಾಗ್ರತಾ ಕ್ರಮವಾಗಿ ನೈರುತ್ಯ ರೈಲ್ವೆ ವಿಭಾಗ ತನ್ನ 16 ರೈಲುಗಳ ಸೇವೆಯನ್ನು ರದ್ದುಗೊಳಿಸಿರುವುದಾಗಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಮೈಸೂರು: ರಾಜ್ಯದಲ್ಲಿ ಕೊರೊನಾ ಸೋಂಕು ಹರಡುವಿಕೆ ತಡೆಗಟ್ಟುವ ನಿಟ್ಟಿನಲ್ಲಿ ನೈರುತ್ಯ ರೈಲ್ವೆ ವಿಭಾಗ ಕ್ರಮ ಕೈಗೊಂಡಿದ್ದು, 16 ರೈಲುಗಳ ಸೇವೆಯನ್ನು ರದ್ದುಗೊಳಿಸಿ ಪ್ರಕಟಣೆ ಹೊರಡಿಸಿದೆ.

ಮೈಸೂರು ಮತ್ತು ಬೆಂಗಳೂರು ನಡುವೆ ಪ್ರತಿನಿತ್ಯ ಸಂಚರಿಸುವ 3 ರೈಲು, ವಾರಾಂತ್ಯದಲ್ಲಿ ಸಂಚರಿಸುವ 2 ರೈಲು, ಶಿವಮೊಗ್ಗ - ಯಶವಂತಪುರ, ಯಶವಂತಪುರ - ಮಂಗಳೂರು, ಬೆಂಗಳೂರು ಮತ್ತು ಹುಬ್ಬಳ್ಳಿ ನಡುವೆ ಸಂಚರಿಸುವ ಜನ ಶತಾಬ್ಧಿ ಸೇರಿದಂತೆ ಪ್ರಮುಖ 16 ರೈಲುಗಳ ಸೇವೆಯನ್ನು ನಾಳೆಯಿಂದ 31-03-2020ರವರಗೆ ರದ್ದುಗೊಳಿಸಲಾಗಿದೆ ಎಂದು ರೈಲ್ವೆ ಇಲಾಖೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.