ಸಾಂಸ್ಕೃತಿಕ ನಗರಿಯಲ್ಲಿ 'ಯುವರತ್ನ'... ಪವರ್​ ಸ್ಟಾರ್ ನೋಡಲು ಮುಗಿಬಿದ್ದ ಅಭಿಮಾನಿಗಳು

ಯುವರತ್ನ ಸಿನಿಮಾದ ಪ್ರಮೋಷನ್​​ಗಾಗಿ ಚಿತ್ರತಂಡ ಮೈಸೂರಿಗೆ ಇಂದು ಆಗಮಿಸಿದ್ದು, ಅಭಿಮಾನಿಗಳು ಅದ್ಧೂರಿಯಾಗಿ ಸ್ವಾಗತ ಕೋರಿದರು.

ಮೈಸೂರು: 'ಯುವರತ್ನ' ಸಿನಿಮಾ ಪ್ರಚಾರಕ್ಕಾಗಿ ಇಂದು ಪವರ್​ ಸ್ಟಾರ್​ ಪುನೀತ್​ ರಾಜ್​ಕುಮಾರ್​ ಮೈಸೂರಿಗೆ ಆಗಮಿಸಿದ್ದು, ನೆಚ್ಚಿನ ನಾಯಕನನ್ನು ನೋಡಲು ಅಭಿಮಾನಿಗಳು ಮುಗಿಬಿದ್ದರು.

ನಟ ಪುನೀತ್ ರಾಜ್‍ಕುಮಾರ್, ಡಾಲಿ ಧನಂಜಯ್​ ಹಾಗೂ ಚಿತ್ರತಂಡ ಮೊದಲು ಚಾಮುಂಡಿ ಬೆಟ್ಟಕ್ಕೆ ಭೇಟಿ ನೀಡಿ, ಪೂಜೆ ಸಲ್ಲಿಸಿದರು. ಬಳಿಕ ಮಾನಸ ಗಂಗೋತ್ರಿಯ ಬಯಲು ರಂಗ‌‌ ಮಂದಿರಕ್ಕೆ ಆಗಮಿಸಿದ ಚಿತ್ರ ತಂಡಕ್ಕೆ, ಅಭಿಮಾನಿಗಳು ಅದ್ಧೂರಿ ಸ್ವಾಗತ ಕೋರಿದರು. ನಂತರ ವೇದಿಕೆಗೆ ಆಗಮಿಸಿದ ಪುನೀತ್ ಹಾಗೂ ಧನಂಜಯ್​ ಯುವರತ್ನ ಸಿನಿಮಾ ಡೈಲಾಗ್ ಹೊಡೆದು ಅಭಿಮಾನಿಗಳನ್ನು ರಂಜಿಸಿದರು.

ಈ ವೇಳೆ ಮಾತನಾಡಿದ ಪವರ್​ ಸ್ಟಾರ್​, ಮೈಸೂರು ಅಂದ್ರೆ ನಮ್ಮ ಕುಟುಂಬಕ್ಕೆ ಎಲ್ಲಿಲ್ಲದ ಪ್ರೀತಿ. ನಮ್ಮ ಗಾಜನೂರು ಮನೆಯಲ್ಲಿ ಈಗಲೂ ಸಹ ಮೈಸೂರು ಮಹಾರಾಜರ ಫೋಟೋ ಇದೆ. ಎಲ್ಲರೂ ಯುವರತ್ನ ಸಿನಿಮಾ ನೋಡಿ, ಆಶೀರ್ವಾದ ಮಾಡಿ ಎಂದು ಅಭಿಮಾನಿಗಳಲ್ಲಿ ಮನವಿ ಮಾಡಿದರು.

ಅಭಿಮಾನಿಗಳು ನೆಚ್ಚಿನ ನಟರನ್ನು ನೋಡಲು ಮುಗಿಬಿದ್ದಾಗ, ಗುಂಪು ಚದುರಿಸಲು ಪೊಲೀಸರು ಲಘು ಲಾಠಿ ಪ್ರಹಾರ ನಡೆಸಿದರು.

ಓದಿ:ನಿರ್ದೇಶಕ ವಿಜಯ್​​​ಗೆ ಧನ್ಯವಾದ ಅರ್ಪಿಸಿದ ಕಂಗನಾ ರಣಾವತ್