ಎರಡೇ ತಿಂಗಳಲ್ಲಿ ಮತ್ತೆ ಕೋಟ್ಯಧಿಪತಿಯಾದ ಶ್ರೀ ನಂಜುಂಡೇಶ್ವರ

ನಂಜನಗೂಡಿನ ಶ್ರೀ ನಂಜುಂಡೇಶ್ವರ ದೇಗುಲದ ಹುಂಡಿಯಲ್ಲಿನ ಹಣ ಏಣಿಕೆ ಮಾಡಲಾಗಿದೆ. ಹುಂಡಿಯಲ್ಲಿ 2,49,07,052 ರೂ.ಕಾಣಿಕೆ ಸಂಗ್ರಹವಾಗಿದೆ..

ಮೈಸೂರು :ಎರಡು ತಿಂಗಳ ಬಳಿಕ ನಂಜನಗೂಡಿನ ನಂಜುಂಡೇಶ್ವರ ಮತ್ತೆ ಕೋಟ್ಯಾಧೀಶನಾಗಿದ್ದಾನೆ. ಶುಕ್ರವಾರ ಬೆಳಗ್ಗೆಯಿಂದ ರಾತ್ರಿ 11ರವರೆಗೆ ದೇವಸ್ಥಾನದ 22 ಹುಂಡಿಗಳನ್ನು ಏಣಿಕೆ ಮಾಡಲಾಗಿದೆ. ಹುಂಡಿಯಲ್ಲಿ 2,49,07,052 ರೂ. ಕಾಣಿಕೆ ಸಂಗ್ರಹವಾಗಿದೆ.

ಅಲ್ಲದೇ, 220ಗ್ರಾಂ‌ ಚಿನ್ನ, 6.50 ಕೆಜಿ ಬೆಳ್ಳಿ, 111 ವಿದೇಶಿ ಕರೆನ್ಸಿಗಳು‌ ಹಾಗೂ ನಿಷೇಧಿತ 1000 ರೂ. ಮುಖಬೆಲೆಯ 12 ನೋಟುಗಳು, 500 ರೂ. ಮುಖಬೆಲೆಯ 58 ನೋಟುಗಳು ಸೇರಿದಂತೆ ಒಟ್ಟಾರೆ ನಿಷೇಧಿತ ನೋಟುಗಳಿಂದ 41,000 ರೂ.ಸಿಕ್ಕಿದೆ.

ಕೊರೊನಾ ಅಲೆ ಕಡಿಮೆಯಾಗಿರುವುದರಿಂದ ಭಕ್ತಾದಿಗಳ ಸಂಖ್ಯೆ ದಿನೇದಿನೆ ಹೆಚ್ಚಾಗುತ್ತಿದೆ. ಎರಡು ತಿಂಗಳ ಹಿಂದೆ ಹುಂಡಿ ಏಣಿಕೆ ಮಾಡಿದಾಗ 2 ಕೋಟಿ‌ ರೂಪಾಯಿಗೂ ಅಧಿಕ ಹಣ ಸಂಗ್ರಹವಾಗಿತ್ತು. ಮತ್ತೆ ಎರಡು ತಿಂಗಳ ಬಳಿಕ ನಂಜುಂಡೇಶ್ವರ ಕೋಟಿ ಕೋಟಿ ಒಡೆಯನಾಗಿದ್ದಾನೆ.

ಇದನ್ನೂ ಓದಿ:ಒಂದೇ ತಿಂಗಳಿನಲ್ಲಿ ಕೋಟ್ಯಧಿಪತಿಯಾದ ನಂಜುಂಡೇಶ್ವರ..!