ಮೈಸೂರು: ವ್ಯಕ್ತಿಯೊಬ್ಬ ಕೊರೊನಾ ಸೋಂಕು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದು, ಈತನಿಂದ ದುಪ್ಪಟ್ಟು ಹಣ ಕೇಳಿರುವ ಆಸ್ಪತ್ರೆಯವರು ವ್ಯಕ್ತಿಯ ಮಗಳನ್ನು ಕೂಡಿಹಾಕಿ ಕಿರುಕುಳ ನೀಡಿರುವ ಘಟನೆ ನಗರದ ಹೆಬ್ಬಾಳು ಬಡಾವಣೆಯಲ್ಲಿ ನಡೆದಿದೆ.
ಮೈಸೂರು: ಸೋಂಕಿತ ವ್ಯಕ್ತಿಯ ಮಗಳನ್ನೇ ಕೂಡಿಹಾಕಿ ಹಣ ವಸೂಲಿಗಿಳಿದ ಖಾಸಗಿ ಆಸ್ಪತ್ರೆ..
ಜಿಲ್ಲೆಯ ಕೆ.ಆರ್.ನಗರ ತಾಲೂಕಿನ ಹಂಪಾಪುರ ಗ್ರಾಮದ ವ್ಯಕ್ತಿಯ ಕೊರೊನಾ ಚಿಕಿತ್ಸೆ ಸಂದರ್ಭದಲ್ಲಿ ಆಸ್ಪತ್ರೆಯವರು 1.20 ಲಕ್ಷ ರೂಪಾಯಿ ಕಟ್ಟಿಸಿಕೊಂಡಿದ್ದರು. ನಂತರ ಆತ ಡಿಸ್ಚಾರ್ಜ್ ಆಗುವ ವೇಳೆ ಮತ್ತೆ 2 ಲಕ್ಷ ರೂಪಾಯಿ ಕೇಳಿದ್ದು, ದಾಖಲಾಗಿದ್ದ ವ್ಯಕ್ತಿ ಹೆದರಿ ಆಸ್ಪತ್ರೆಯಿಂದ ನಾಪತ್ತೆಯಾಗಿದ್ದನು. ಆದರೆ, ಆ ವ್ಯಕ್ತಿಯ ಮಗಳನ್ನು ಆಸ್ಪತ್ರೆಯವರು ಕೂಡಿಹಾಕಿ ಬಾಕಿ ಹಣ ಕಟ್ಟುವಂತೆ ಕಿರುಕುಳ ನೀಡಿದ್ದಾರೆ. ಊಟ ತಿಂಡಿ ನೀಡದೇ ಕೂಡಿಹಾಕಿ ಹಣ ಪಾವತಿಸುವಂತೆ ಹೆದರಿಸಿದ್ದಾರೆ.