ಗ್ರಾಫಿಕ್ ಪೇಂಟಿಂಗ್​​ನಲ್ಲಿ ಮೂಡಿದ ಆರ್​​​​ಸಿಬಿ ಪ್ಲೇಯರ್ಸ್: ಮೈಸೂರು ಕಲಾವಿದನ ಕೈಚಳಕಕ್ಕೆ ಅಭಿಮಾನಿಗಳು ಫಿದಾ

ಕಲಾವಿದ ಬಾದಲ್ ನಂಜುಂಡಸ್ವಾಮಿ ಅವರು ಬೆಂಗಳೂರಿನ ತುಮಕೂರು ರಸ್ತೆಯಲ್ಲಿರುವ ರೆಸಾರ್ಟ್​ ಒಂದರ ಗೋಡೆಯ ಮೇಲೆ ಆರ್​.ಸಿ.ಬಿ ತಂಡದ ಪ್ಲೇಯರ್ಸ್​​ಗಳಾದ ಎಬಿ ಡಿವಿಲಿಯರ್ಸ್, ಯದುವೇಂದ್ರ ಚಹಲ್, ನವ್ ದೀಪ್ ಸೈನಿ ಹಾಗೂ ಪಡಿಕಲ್ ಅವರ ಭಾವಚಿತ್ರವನ್ನು ಬಿಡಿಸಿದ್ದು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.

ಮೈಸೂರು: ಸಾಂಸ್ಕೃತಿಕ ನಗರಿಯ ಕಲಾವಿದರೊಬ್ಬರು ರಾಯಲ್​ ಛಾಲೆಂಜರ್ಸ್​​​ ಬೆಂಗಳೂರು ತಂಡದ ಆಟಗಾರರ ಚಿತ್ರವನ್ನು ಗೋಡೆ ಮೇಲೆ ಬಿಡಿಸಿದ್ದು ಪ್ರಶಂಸೆಗೆ ಕಾರಣವಾಗಿದೆ.

ಕಲಾವಿದ ಬಾದಲ್ ನಂಜುಂಡಸ್ವಾಮಿ ಅವರು ಬೆಂಗಳೂರಿನ ತುಮಕೂರು ರಸ್ತೆಯಲ್ಲಿರುವ ರೆಸಾರ್ಟ್​ನ ಗೋಡೆಯ ಮೇಲೆ ಆರ್​.ಸಿ.ಬಿ ತಂಡದ ಪ್ಲೇಯರ್ಸ್​​ಗಳಾದ ಎಬಿ ಡಿವಿಲಿಯರ್ಸ್, ಯದುವೇಂದ್ರ ಚಹಲ್, ನವ್ ದೀಪ್ ಸೈನಿ ಹಾಗೂ ಪಡಿಕಲ್ ಅವರ ಭಾವಚಿತ್ರವನ್ನು ಗ್ರಾಫಿಕ್​​​ ಆರ್ಟ್ ನಿಂದ ಬಿಡಿಸಿದ್ದಾರೆ. ಬಾದಲ್​​ ನಂಜುಂಡಸ್ವಾಮಿ ತಮ್ಮ ಕಲಾಕೃತಿಯ ಚಿತ್ರವನ್ನು ತಮ್ಮ ಟ್ಟಿಟರ್​​ ಖಾತೆಯಲ್ಲಿ ಪೋಸ್ಟ್​​ ಮಾಡಿದ್ದರು. ಇದನ್ನು ಹಂಚಿಕೊಂಡಿರುವ ಯಜುವೇಂದ್ರ ಚಹಲ್ ಹಾರ್ಟ್ ಸಿಂಬಲ್ ಎಮೋಜಿ ನೀಡಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಅಲ್ಲದೆ ಆರ್.ಸಿ.ಬಿ ಪ್ಲೇಯರ್ಸ್ ಜೊತೆಗೆ ಮತ್ತೊಂದು ಗೋಡೆಯ ಮೇಲೆ ಐಪಿಎಲ್​ನಲ್ಲಿ ಮಿಂಚುತ್ತಿರುವ ಕನ್ನಡಿಗ ಆಟಗಾರರಾದ ಕೆ.ಎಲ್‌.ರಾಹುಲ್, ಕರುಣ್ ನಾಯರ್, ಮನೀಶ್ ಪಾಂಡೆ, ಮಾಯಂಕ್ ಅಗರ್ವಾಲ್, ಶ್ರೇಯಸ್ ಗೋಪಾಲ್ ಅವರ ಚಿತ್ರವನ್ನು ಸಹ ಬಿಡಿಸಿದ್ದು ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ.