ಸಿಎಂ ಬದಲಾವಣೆ ಪಕ್ಷದ ನಿರ್ಧಾರವಲ್ಲ, ಅವರವರ ವೈಯಕ್ತಿಕ ಹೇಳಿಕೆ: ಎಚ್.ವಿಶ್ವನಾಥ್

ರಾಜ್ಯದ ಸಿಎಂ ಆಗಿ ಬಿಎಸ್​​ವೈ ಮುಂದುವರಿಯಲಿದ್ದಾರೆ. ಯತ್ನಾಳ್ ಅವರು ತಮ್ಮ ಅನಿಸಿಕೆ ಹೇಳಿದ್ದಾರೆ. ಸಿಎಂ ಸ್ಥಾನ ಬದಲಾವಣೆಯಾಗುವುದಿಲ್ಲ- ಎಚ್.ವಿಶ್ವನಾಥ್

ಮೈಸೂರು: ರಾಜ್ಯದಲ್ಲಿ ಮುಖ್ಯಮಂತ್ರಿ ಬದಲಾವಣೆ ಪಕ್ಷದ ನಿರ್ಧಾರವಲ್ಲ, ಅವರವರ ವೈಯಕ್ತಿಕ ಹೇಳಿಕೆ ಎಂದು ವಿಧಾನ ಪರಿಷತ್ ಸದಸ್ಯ ಎಚ್.ವಿಶ್ವನಾಥ್ ಹೇಳಿದ್ದಾರೆ.

ಮೈಸೂರಿನಲ್ಲಿ ಮಾಧ್ಯಮಗಳ ಪ್ರಶ್ನೆಗಳಿಗೆ ಉತ್ತರಿಸುತ್ತಾ, ರಾಜ್ಯದ ಸಿಎಂ ಆಗಿ ಬಿಎಸ್​​ವೈ ಮುಂದುವರಿಯಲಿದ್ದಾರೆ. ಯತ್ನಾಳ್ ಅವರು ತಮ್ಮ ಅನಿಸಿಕೆ ಹೇಳಿದ್ದಾರೆ. ಸಿಎಂ ಸ್ಥಾನ ಬದಲಾವಣೆಯಾಗುವುದಿಲ್ಲ ಎಂದು ಹೇಳಿದರು.

ಇನ್ನು, 'ಬಾಂಬೆ ಡೇಸ್' ಪುಸ್ತಕವನ್ನು ಖಂಡಿತವಾಗಿಯೂ ಹೊರತರುತ್ತೇನೆ. ಈ ಪುಸ್ತಕ ತರುವುದು ಏಕಪಾತ್ರಾಭಿನಯವಲ್ಲ.‌ ಅಂದು ಜೊತೆಯಲ್ಲಿದ್ದವರ ಜೊತೆ ಪ್ರಮಾಣಿಕವಾಗಿ ಚರ್ಚೆ ಮಾಡಿ ಬರೆಯುತ್ತೇನೆ ಎಂದರು.

ಪ್ರತಾಪ್​​ಸಿಂಹ ಹೇಳಿಕೆ‌ಗೆ ಪ್ರತಿಕ್ರಿಯಿಸುತ್ತಾ, ಮಾತಿನಲ್ಲಿ ಹಿಡಿತ ಇರಬೇಕು. ರಾಜ್ಯದ ಎಲ್ಲ ಜನಾಂಗಕ್ಕೂ ಅಧಿಕಾರದ ಹಕ್ಕಿದೆ ಎಂದು ಗರಂ ಆಗಿಯೇ ಹೇಳಿದರು.